- કોરોના ફંડ તરીકે 22,702.9 કરોડ રૂપિયાનું ફંડ ઉભુ થાય
- તમામ વિભાગના કરોડો રૂપીયાની કરવામાં આવી છે ફાળવણી
- રાજ્ય સરકારે અત્યાર સુધીનું સૌથી મોટુ બજેટ રજૂ કર્યુ છે
- વર્ષ 2021-22નું બજેટ છે 2,27,029 કરોડ રૂપિયા
ગાંઘીનગરઃ રાજ્યના નાણાપ્રઘાન નીતિન પટેલે વિઘાનસભા ગૃહમાં બજેટ રજૂ કરી રહ્યા હતા અને બજેટ પહેલા પણ મિડીયા સમક્ષમાં વાતમાં પટેલે જણાવ્યું હતુ કે, રાજ્ય સરકાર દ્વારા આ વર્ષનું અત્યારસુધીનુ સૌથી મોટુ બજેટ છે. જેમાં રાજ્ય સરકાર દ્વારા આ વર્ષે કુલ 2,27,029 કરોડનું બજેટ રજૂ કરવામાં આવ્યુ હતુ. જ્યારે બજેટના પુસ્તકમાં પણ રાજ્ય સરકારે લેખીત આપ્યુ છે કે, કોરોનાના કપરાકાળમાં પણ ગુજરાતે વિકાસની વણથંભી યાત્રાને વધુ વેગવંતી બનાવવા અત્યાર સુધીનું સૌથી મોટું રૂપિયા 2,27,029 કરોડ રૂપિયાનું અંદાજપત્ર રજૂ કરતા નાયબ મુખ્યપ્રધાન નિતીન પટેલ.
આ પણ વાંચોઃ વિધાનસભા ગૃહમાં બજેટ મુદ્દે થઈ ચર્ચા, 84 ધારાસભ્યોએ લીધો ભાગ
જો બજેટના 10 ટકા રકમ કોરોનામાં ફળાઇ તો ?
રાજ્ય સરકાર દ્વારા આ વર્ષે બજેટમાં કુલ 2,27,029 કરોડનુ બજેટ વિધાનસભા ગૃહમાં રજુ કરવામાં આવ્યુ છે જો રાજ્ય સરકાર દ્વારા અત્યારે વર્તમાન સમયમાં બજેટમાં કુલ 10 ટકાની રકમ કોરોનાના પાછળ ફાળવવામાં આવે તો કુલ 22,702.9 કરોડની ફાળવણી કોરોના પાછળ થઇ શકે જેથી આટલી રકમ કોરોનાની વર્તમાન પરીસ્થિતીને કાબુ કરવામાં મહ્તવની સાબિત થઇ શકે છે જ્યારે ગયા વર્ષે રાજ્ય સરકાર દ્વારા મુખ્યમંત્રી આપત્તિ ફંડનુ પણ રાજ્યના જાગૃત નાગરીક દ્વારા ફંડ આપવામાં આવ્યુ છે. આમ આનો ઉપયોગ કરીને પણ સરકાર પરિસ્થિતીને કાબૂમાં લઇ શકે તેવી પણ શક્યતાઓ દેખાઇ રહી છે.
ગયા વર્ષે નવી ખરીદીની સરકારે મનાઇ ફરમાવી હતી
રાજ્ય સરકાર દ્વારા ગયા વર્ષએ જ્યારે કોરોનાની પ્રથમ લહેર ગુજરાતમાં આવી હતી. તે સમયે કોઇપણ વિભાગ ખોટો ખર્ચ ના કરે તેને ઘ્યાનમાં લઇને રાજ્ય સરકારના વહિવટી વિભાગ દ્વારા સત્તાવાર રીતે નોટીફિકેશન જાહેર કરીને કોઇ પણ વિભાગને નવા ફર્નિચર, ગાડી, કે અન્ય કોઇ બિનજરૂરી વસ્તુ કે ખરીદવાની મનાઇ ફરવામાં આવી હતી. આ વર્ષે રાજ્ય સરકાર દ્વારા હજુ સુધી કોઇ જ સત્તાવાર જાહેરાત કરી નથી.
આ પણ વાંચોઃ બેરોજગારી મુદ્દે વિધાનસભાગૃહમાં હોબાળો, 8 શહેરી વિસ્તારોમાં 55,272 બેરોજગારો