ગાંધીનગર: સેકટર 5માં બાઈક ઊભું રાખીને એડ્રેસ પૂછનારા વ્યક્તિને બાળક ચોર ગણાવ્યો, એક કેસનો ભેદ ઉકેલાયો

ગાંધીનગર શહેરનાં સેકટર 5 અને 6 વિસ્તારમાં બાળકો ઉઠાવનાર ગેંગ સક્રિય થઇ હોવાની અરજી વસાહતીઓ દ્વારા સેકટર-7 પોલીસ મથકમાં આપવામાં આવી હતી. જેને લઇને પોલીસ દ્વારા આ બાબતે સઘન તપાસ હાથ ધરી હતી. જેમાં સેક્ટર 5 કેસમાં 'વા વાયાથી નળિયું ખસ્યું તે જોઈને કૂતરું કોઈ કહે મેં દીઠો ચોર ક્યાં થઈ ગયો શોર બકોર' જેવી સ્થિતિ નિર્માણ પામેલી જોવા મળી છે. એડ્રેસ પૂછનાર વ્યક્તિને વસાહતીઓએ બાળક ઉઠાવનાર ગેંગનો સભ્ય ગણી લીધો હતો.

ગાંધીનગરઃ બાળકો ઉઠાવનાર ગેંગને લઈને પોલીસ સતત પેટ્રોલિંગ કરી રહી હતી. તમામ રસ્તા ઉપરના સીસીટીવી કેમેરા ચેક કરવામાં આવ્યાં હતાં. સેક્ટર 7 પી.આઈ જીતેન્દ્રસિંહ સિંધવ અને તેમની ટીમ દ્વારા સતત કામગીરી કરવામાં આવી રહી હતી. ત્યારે આજે તેમણે ત્રણ કેસમાં એક કેસમાં સફળતા મળી હતી. આ બાબતે ગાંધીનગર ડીવાયએસપી એમ.કે. રાણાએ જણાવ્યું હતું કે, પોલીસ દ્વારા આ બાબતે સઘન તપાસ કરવામાં આવી હતી.

સેકટર 5માં બાઈક ઊભું રાખીને એડ્રેસ પૂછનાર વ્યક્તિને બાળક ચોર ગણાવ્યો, એક કેસનો ભેદ ઉકેલાયો

અલગ-અલગ સર્વેલન્સની ટીમો બનાવવામાં આવી છે, ત્યારે સેક્ટર 5સી વિસ્તારમાં બનેલા બનાવમાં એક પ્લેટીના મોટર સાયકલ ઉપર આવેલો વ્યક્તિ વસંત સોમાભાઈ પરમાર લોકોને પૂછપરછ કરતા માલુમ પડ્યું હતું કે, ગત 13 સપ્ટેમ્બર 20ના રોજ બપોરના ત્રણથી ચાર વાગ્યામાં તેમના સંબંધી નરેન્દ્રભાઈ પરમાર ભાડાનું મકાન રાખવા માટે મકાનનુ સરનામું મેળવવા માટે અરજદાર નરેશ ભવાનીદાન ગઢવીના પુત્ર બહાર ઊભાં હતાં જેણે સરનામું પણ બતાવ્યું હતું. ત્યારે પોલીસે આ બંને વ્યક્તિઓને બોલાવીને સામસામે વાતચીત કરાવી હતી અને જે ઘટના બની હતી તે ધ્યાનમાં લીધી હતી.

ત્યારે જે સેક્ટર 5માં બનેલો બનાવમાં કોઈ જ બાળકો ઉઠાવી જનાર ગેંગના સભ્ય આવ્યો નથી. જ્યારે હજુ પણ જે બે કેસ હતાં, તેને લઈને પોલીસની ટીમ સતત વોચ રાખી રહી છે. પરંતુ હાલ પૂરતી જે ઘટના હતી તેને ઉપજાવી નાખવામાં આવી છે.