ગુજરાત ભાજપના સંગઠનમાં કરાયો મોટો ફેરફાર,રત્નાકરને નવા સંગઠન મહામંત્રીની જવાબદારી સોંપાઈ

ગુજરાત ભાજપ( BJP)ના સંગઠનમાં મોટો ફેરફાર કરવામાં આવ્યો છે. ભીખુભાઈ દલસાણીયા(Bhikhubhai Dalsania)ના સ્થાને રત્નાકરને નવા સંગઠન મહાપ્રધાનની જવાબદારી સોંપવામાં આવી છે. રત્નાકરે (Ratnakar )યુપી, બિહાર અને પશ્ચિમ બંગાળમાં વિધાનસભા ચૂંટણીમાં મહત્વનું યોગદાન આપ્યું હતું. ત્યારે સી.આર પાટીલ બિહારમાં સહ પ્રભારી હતાં, ત્યારથી રત્નાકર સાથે સંપર્કમાં હતા.

• ગુજરાતમાં આગામી વર્ષે વિધાનસભાની ચૂંટણી યોજાશે
• ગુજરાત ભાજપના સંગઠનમાં મોટો ફેરફાર કરવામાં આવ્યો
• ભીખુભાઈ દલસાણીયાને સ્થાને રત્નાકરને નવા સંગઠન મહાપ્રધાનની જવાબદારી સોંપવામાં આવી છે

ગાંધીનગર:ગુજરાત ભાજપ સંગઠનમાં મોટો ફેરફાર કરવામાં આવ્યો છે. આગામી 2022 ગુજરાત વિધાનસભાની ચૂંટણીને ધ્યાનમાં રાખીને આ ફેરફાર કરાયો હોવાનું માનવામાં આવી રહ્યું છે. જેમાં સંગઠન મહાપ્રધાન તરીકે ભીખુભાઇ દલસાણીયાને હટાવીને બિહાર સંઘના નેતા રત્નાકર(Ratnakar )ને મહાપ્રધાન પદનો ચાર્જ સોંપવામાં આવ્યો છે. હવે તેમને સંગઠન દ્વારા વિશેષ જવાબદારી સોંપવામાં આવે તેવા સંકેતો મળી રહ્યા છે. છેલ્લા દસ વર્ષથી ભીખુભાઈ દલસાણીયા ગુજરાત સંગઠન મહાપ્રધાન તરીકેની જવાબદારી નિભાવતા હતા.

ગુજરાત ભાજપના સંગઠનમાં ફેરફાર

આ પણ વાંચો- ગીર સોમનાથ જિલ્લા ભાજપ પ્રમુખ દ્બારા સંગઠનના 28 હોદ્દેદારો પાસેથી રાજીનામાં લેવાયાં

આમ આદમી પાર્ટી પણ સક્રિય થઈ છે

નોંધનીય છે કે, ગુજરાતમાં આગામી વર્ષે વિધાનસભાની ચૂંટણી (Assembly elections)યોજાશે. એવામાં ભાજપ દ્વારા પણ ચૂંટણી માટે અત્યારથી આગોતરું પ્લાનિંગ કરાઈ રહ્યું હોય તેમ જણાઈ રહ્યું છે. જેમાં આ વર્ષે કોંગ્રેસની સાથે આમ આદમી પાર્ટી પણ પોતાના ઉમેદવારોને મેદાનમાં ઉતારશે. એવામાં કોરોનાકાળમાં સરકારની લોકપ્રિયતામાં ઘટાડો થયો છે, બીજી બાજુ આમ આદમી પાર્ટી પણ સક્રિય થઈ છે.

બિહાર ભાજપના પ્રદેશ સંયુક્ત મહાપ્રધાન છે રત્નાકર

ઉલ્લેખનીય છે કે, રત્નાકર(Ratnakar )ને રાજ્ય સ્તરે એક પ્રભાવશાળી અને સક્રિય વ્યૂહાત્મક નેતા માનવામાં આવે છે. બિહાર ભાજપના પ્રદેશ સંયુક્ત મહાપ્રધાન છે. રત્નાકરે પોતાના કરિયરની શરૂઆત સમાજ સેવકથી કરી ત્યારથી તેઓ આર.એસ.એસ (RSS)સાથે જોડાયેલા છે. સી.આર પાટીલ (C.R. Patil )જ્યારે બિહારમાં સહ પ્રભારી હતાં, ત્યારથી તેઓ રત્નાકર સાથે સંપર્કમાં હતા.

આ પણ વાંચો- ગીર સોમનાથ: સૂત્રાપાડામાં ભાજપ સંગઠને સી. આર. પાટીલના જન્‍મદિવસની સેવાકીય, ધાર્મિક કાર્યો ઉજવણી કરી

રત્નાકરને માઈક્રો મેનેજમેન્ટના માસ્ટર પણ માનવામાં આવે છે

રત્નાકરે ઉત્તર પ્રદેશની વિધાનસભા ચૂંટણી 2017, લોકસભા ચૂંટણી 2019, બિહાર વિધાનસભા ચૂંટણી 2020 અને પશ્ચિમ બંગાળની 2021ની વિધાનસભા ચૂંટણીમાં મહત્વનું યોગદાન આપ્યું હતું. બંગાળ વિધાનસભાની ચૂંટણીમાં, ગ્રાસ-રૂટ લેવલ પર તેમનું કાર્ય જોઈને તેમને માઈક્રો મેનેજમેન્ટના માસ્ટર પણ માનવામાં આવે છે.