રંગીન દુનિયાને અંધકાર મય કરવા માટે મુખ્યત્વે ડાયાબિટીસ ભાગ ભજવે છે. જે વ્યક્તિને ડાયાબિટીસ હોય તેને મોતિયો કે ઝામર થવાની શક્યતાઓ વધી જાય છે. લાંબા સમય સુધી લોહીમાં ગ્લુકોઝનું ઊંચુ પ્રમાણ આંખમાં રહેલી સૂક્ષ્મ રક્તવાહિનીઓને નુકસાન પહોંચાડી શકે છે અને તે ડાયાબિટીશ રેટીનોપથીના નામથી સ્થિતિ સર્જી શકે છે. ડાયાબિટીસ પછી વ્યક્તિઓ માટે અંધાપા માટેનું કારણ છે. વિશ્વમાં 425 મિલિયન કરતાં વધુ લોકોને ડાયાબિટીસની બીમારી છે. ભારતમાં 6 કરોડ લોકો આ રોગથી પીડાઇ રહ્યા છે, જેમાં 10 ટકા એટલે કે 60 લાખ દર્દીઓ એકલા ગુજરાતમાં છે. આ તમામ દર્દીઓને અંધાપો આવી શકે છે.
ગુજરાતમાં 60 લાખ લોકોને ડાયાબિટીસ તેજલ દલાલે કહ્યું કે, આંખ ચાલી જવા પાછળનું મુખ્ય કારણ ડાયાબિટીસ છે. પરંતુ, જો તેને સમયસર આપણે ચેક કરાવતા રહીએ તો અંધાપામાંથી મૂક્તિ મળી શકે છે. 40થી 60 વર્ષના લોકોને આ સમસ્યા વધારે થઈ શકે છે. ગાંધીનગર જિલ્લામાં આંખની તપાસમાં નંબર, મોતિયો, પડદાની તકલીફ, ઝાંખપ, જામર, કીકીની બીમારી વિશેષ પ્રમાણમાં જોવા મળી રહી છે.
તણાવના કારણે ડાયાબિટીસ થઈ શકે છે અને ડાયાબિટીસના કારણે દ્રષ્ટિ ગુમાવી પડે છે, ત્યારે રાજ્યમાં ફરજ બજાવતા તમામ પોલીસ કર્મચારીઓ અને તેમના પરિવારોને વિનામૂલ્યે આંખની તપાસ કરવા માટેનું પણ નક્કી કરવામાં આવ્યું છે. તે બાબતોની પોલીસ અધિકારીઓ સાથે પણ ચર્ચા થઈ ગઈ છે, ત્યારે રાજ્યના કોઇપણ પોલીસ કર્મચારી અને તેનો પરિવાર આ બાબતની તપાસ કરાવી શકે છે.
