પાટનગરમાં વકીલ સહિત કોરોનાના 23 પોઝિટિવ કેસ નોંધાયા

ગાંધીનગર શહેરી વિસ્તારમાં કોરોના વાઇરસનો આંકડો નીચે આવી રહ્યો છે. સોમવારે શહેરી વિસ્તારમાં કોરોનાના નવા 5 કેસ સામે આવ્યા છે, જેમાં કોન્ટ્રાક્ટર, વકીલ, પ્રોફેસર, ગૃહિણી અને સ્ટોક માર્કેટનો મેનેજર સામેલ છે, જ્યારે ગ્રામ્ય વિસ્તારમાં 18 કેસ સામે આવ્યા છે. જેમાં ગાંધીનગર તાલુકામાં 10, માણસામાં 2 અને કલોલમા 6 કેસ નોંધાયા છે.

ગાંધીનગર: શહેરી વિસ્તારમાં કોરોના વાઇરસનો આંકડો નીચે આવી રહ્યો છે. સોમવારે શહેરી વિસ્તારમાં કોરોનાના નવા 5 કેસ સામે આવ્યા છે, જેમાં કોન્ટ્રાક્ટર, વકીલ, પ્રોફેસર, ગૃહિણી અને સ્ટોક માર્કેટનો મેનેજર સામેલ છે, જ્યારે ગ્રામ્ય વિસ્તારમાં 18 કેસ સામે આવ્યા છે. જેમાં ગાંધીનગર તાલુકામાં 10, માણસામાં 2 અને કલોલમા 6 કેસ નોંધાયા છે.

સૂત્રો પાસેથી મળતી માહિતી મુજબ ગાંધીનગર શહેર વિસ્તારમાં 5 કેસ સામે આવ્યા છે. જેમાં સેકટર-24માં રહેતો અને કન્ટ્રકશન બિઝનેસ ધરાવતો 48 વર્ષના પુરુષ, સેક્ટર-14માં અમદાવાદમાં ખાનગી કૉલેજમાં પ્રોફેસર તરીકે ફરજ બજાવતો 28 વર્ષીય યુવક, સેક્ટર-4માં 65 વર્ષીય વૃદ્ધા, સેક્ટર-6માં 31 વર્ષીય વકીલ અને સેક્ટર-7માં શેર બજારનો વ્યવસાય કરતો 43 વર્ષીય પુરુષનો કોરોનાા રિપોર્ટ પોઝિટિવ આવ્યો છે. જેથી મહાપાલિકાની સત્તાવાર યાદી પ્રમાણે અત્યાર સુધી 573 પોઝિટિવ કેસ થયા છે, જ્યારે 14 લોકોના મોત થયા છે.

ગાંધીનગર તાલુકામાં કોરોના વાઇરસનું સંક્રમણ વધુ જોખમી બની રહ્યું હોય તેમ 10 કેસ નોંધાયા છે. જેમાં તાલુકાના કુડાસણમાં 5 કેસ સામે આવ્યાં છે. જેમા 55 અને 26 વર્ષની મહિલા અને 36, 55 અને 60 વર્ષિય પુરુષ કોરોનામાં સપડાયા છે. આ ઉપરાંત વાવોલમાં 69 વર્ષ, છાલા ગામમાં 48 વર્ષ, પ્રાંતિયા ગામમાં 47 વર્ષ, ઝુંડાલમાં 63 વર્ષ અને 36 વર્ષના પુરૂષ કોરોનાથી સંક્રમિત થયા છે.

કલોલ શહેરના અર્બન-1માં 17 વર્ષની યુવતી અને 42 વર્ષની મહિલા ઉપરાંત 35 વર્ષનો યુવાન, જ્યારે અર્બન 2-માં 41 અને 35 વર્ષના પુરૂષનો કોરોના રિપોર્ટ પોઝિટિવ આવ્યો છે. તાલુકાના નાસ્મેદ ગામમાં 35 વર્ષનો યુવાન પણ ચેપગ્રસ્ત થયો છે, જ્યારે માણસાના ઇન્દ્રપુરામાં 36 વર્ષની મહિલા અને અર્બન વિસ્તારમાં 29 વર્ષનો યુવક કોરોનાથી સંક્રમિત થયો છે. આ સાથે જ ગ્રામ્ય વિસ્તારમાં કોરોનનો કુલ આંક 1,230 થયો છે.