ગાંધીનગરમાં વૃદ્ધ મહિલાને છરીના ઘા મારનારા આરોપીઓ ઝડપાયા

ગાંધીનગર સેક્ટર- 1માં મંગળવારે મહિલા પર છરી વડે હુમલો (Attack with a knife) કરનારા બે આરોપીઓને પોલીસે ઝડપી પાડ્યા છે. વોશિંગ પાઉડર વેચવા આવેલા બે આરોપીઓએ લૂંટ (robbery) ના ઇરાદે વૃદ્ધ મહિલાના હાથના ભાગે છરીના ઘા મારી ભાગી ગયા હતા. અમદાવાદ વિસ્તારના આ આરોપીઓને ગણતરીની કલાકોમાં જ ઝડપી પાડવામાં આવ્યા હતા, જેમાં એક અન્ય આરોપીનું નામ પણ બહાર આવ્યું છે.

• ઘટના આચરવા માટે રેકી કરવામાં આવી હતી
• કાર્તિક કોષ્ટી અને દિનેશ શ્રીકાલની ધરપકડ કરાઈ
• અમન વોન્ટેડ છે, જેની ધરપકડ કરવા તજવીજ હાથ ધરાઇ

ગાંધીનગર: વોશિંગ પાઉડર વેચવાના બહાને મંગળવારે અમદાવાદમાં રહેતા કાર્તિક કોષ્ટી અને દિનેશ શ્રીકાર સેક્ટર-ૃ1 c ખાતે આવેલા પ્લોટ નંબર 477/1માં ગયા હતા, જ્યાં વૃદ્ધ મહિલા કિરણબેન એકલા હતા. મહિલાએ પાવડર લેવાનો ઈન્કાર કરી દીધો હતો. જેથી આ બેમાંથી એકએ મહિલાને પાણી લાવવા માટે કહ્યું હતું. જેથી મહિલા બારણું ખુલ્લું રાખી રસોડામાં પાણી લેવા ગયા હતા. તેમજ આ શખ્સો ઘરમાં ઘૂસી ગયા હતા અને મહિલા પર છરી વડે હુમલો (Attack with a knife) કર્યો હતો. મહિલાએ બન્ને હાથે છરી પકડી રાખતા વૃદ્ધ મહિલાના હાથમાં ઈજા પહોંચી હતી. મહિલાએ બૂમાબૂમ કરતા બન્ને નાસી છૂટ્યા હતા અને મહિલાને હોસ્પિટલમાં ખસેડાઇ હતી. પોલીસે બન્નેને ગણતરીની કલાકોમાં જ ઝડપી પાડયા છે.

આ પણ વાંચો: ગાંધીનગરના સેક્ટર 1માં વોશિંગ પાઉડર વેચવા આવેલા શખ્સોએ કર્યો વૃદ્ધા પર છરી વડે કર્યો હૂમલો

દેવું થઈ જતા કાર્તિક અને દિનેશે લૂંટનો પ્લાન બનાવ્યો હતો

કાર્તિક રાજારામ કોષ્ટી અને દિનેશ જે સાળા બનેવી છે. જેમને દેવું થઈ જતાં લૂંટ (robbery) નો આ પ્લાન બનાવ્યો હતો. જેમાં અમદાવાદ વટવાના અમનનું નામ પણ સામેલ છે. જે વોશિંગ પાવડર વેચાણ કરતો હતો. આ ત્રણેય મળીને એક પ્લાન બનાવ્યો હતો. જે માટે તેમને ગાંધીનગર સેક્ટર- 1માં રેકી કરી હતી. મહિલા મકાનમાં એકલી હોય છે અને પૈસાદાર પણ છે, જેથી આ પ્લાન બનાવ્યો હતો.

પૈસાદાર મહિલા મકાનમાં એકલી હોવાથી પ્લાન બનાવ્યો

તેમનો પ્લાન મહિલાને મકાનમાંથી સોના, ચાંદી અને પૈસાની લૂંટ (robbery) ચલાવવાનો હતો પરંતુ તેમને મહિલાને છરી (Attack with a knife) બતાવતા મહિલાએ બન્ને હાથથી છરી પકડી રાખી અને બૂમાબૂમ કરતા આરોપીઓ નાસી છૂટ્યા હતા. પોલીસે તેમને ઝડપી પાડ્યા હતા. બન્ને આરોપીઓ ઝડપાયા બાદ અમનને પકડવા માટે પોલીસે તજવીજ હાથ ધરી છે.

આ પણ વાંચો: દિવાળી બાદ ભુપેન્દ્ર પટેલ સરકારની પ્રથમ કેબિનેટ બેઠક, આ મહત્વની બાબતો પર થશે ચર્ચા

10 જેટલી ટીમો બનાવી આરોપીઓને ગણતરીની કલાકોમાં જ ઝડપી પાડ્યા

સેક્ટર- 1 ખાતે મહિલાના હાથે છરી વડે હુમલો કરી ભાગી જતા પોલીસને CCTV હાથ લાગ્યા હતા. જેથી પોલીસે તેના આધારે જે બાઈક પર આ ત્રણેય આવ્યા હતા. તેની શોધખોળ કરતાં આરોપીઓ સુધી ગાંધીનગર પોલીસ પહોંચી હતી. જ્યાં LCB લાવી પૂછપરછ કરતાં તેમને આ કબૂલાત કરી હતી. આ આરોપીઓને ઝડપી પાડવા માટે 10 જેટલી ટીમો LCB, SOG અને સેક્ટર- 7ની બનાવવામાં આવી હતી.