ગાંધીનગરના ઇતિહાસમાં પ્રથમવાર ચૂંટણી લડેલા 'આપ'એ જીતી 1 બેઠક, મેળવ્યા 17 ટકા મત

ગાંધીનગર મનપાની ચૂંટણી (Gandhinagar Municipal Corporation Election)માં આપ પાર્ટીએ પ્રથમવાર ઝંપલાવ્યું હતું. આમ આદમી પાર્ટી (Aam Aadmi Party)એ 39 સીટ પર 11 વોર્ડમાં પોતાના ઉમેદવારો ઉતાર્યા હતા, જેમાંથી ફક્ત 1 સીટ પર વિજય મળ્યો છે. પરિણામો આવ્યા બાદ આમ આદમી પાર્ટીના પ્રદેશ અધ્યક્ષ ગોપાલ ઇટાલિયા (Gopal Italia)એ જણાવ્યું કે, અમે 17 ટકા મત મેળવ્યા છે. અમે જનમતને સ્વીકારીએ છીએ અને હવે અમારો ટાર્ગેટ 17થી 97 ટકા સુધી જવાનો છે.

• ગાંધીનગર કોર્પોરેશન ચૂંટણીમાં 'આપ'એ મેળવ્યા 17 ટકા વોટ
• ગોપાલ ઇટાલિયાએ કહ્યું- હવે 17 ટકાથી 97 ટકા સુધી જવાનો ટાર્ગેટ
• GMCની ચૂંટણીમાં નાગરિકોના જનમતને અમે સ્વીકારીએ છીએ: 'આપ' પ્રદેશ અધ્યક્ષ

ગાંધીનગર: ગાંધીનગર કોર્પોરેશન ચુંટણી (Gandhinagar Municipal Corporation Election)માં આમ આદમી પાર્ટીએ પહેલીવાર ચૂંટણી જંગમાં ઝંપલાવ્યું હતું. 39 જેટલી સીટ પર 11 વોર્ડમાં આમ આદમી પાર્ટી (Aam Aadmi Party)એ તેના ઉમેદવારો ઉતાર્યા હતા, પરંતુ જે પ્રકારની અપેક્ષા હતી તે મુજબ આમ આદમી પાર્ટી જીત મેળવી શકી નહોતી. આમ આદમી પાર્ટીએ ફક્ત એક સીટ પર જીત મેળવી હતી. ગુજરાતના ઇતિહાસમાં પ્રથમ વખત ગાંધીનગરમાં આપ ચૂંટણી લડ્યું હતું અને 1 સીટ અને 17 ટકા મત મેળવ્યા છે.

આમ આદમી પાર્ટીએ ભાજપ-કોંગ્રેસ કરતા વધુ પ્રચાર કર્યો હતો

ગાંધીનગર કોર્પોરેશનની ચૂંટણીના આ ત્રિપાંખીયા જંગમાં ભાજપ અને કોંગ્રેસ સાથે આ વખતે આમ આદમી પાર્ટીએ પણ ચૂંટણી જંગમાં ભાગ લીધો હતો, પરંતુ જે પ્રકારની અપેક્ષાઓ જુદા જુદા વોર્ડને લઈને જોવામાં આવી રહી હતી તે મુજબ જીત મળી નહોતી. આમ આદમી પાર્ટીએ કોંગ્રેસ અને ભાજપ કરતા સૌથી વધુ પ્રચાર કર્યો હતો, પરંતુ 44 બેઠકોમાંથી આમ આદમી પાર્ટી તરફથી ફક્ત એક જ ઉમેદવારની જીત થઈ હતી.

ભાજપ અને કોંગ્રેસ માટે આપ હાર્યું, પરંતુ અમે જીત્યા: ગોપાલ ઇટાલિયા

આને લઇને આમ આદમી પાર્ટીના પ્રદેશ અધ્યક્ષ ગોપાલ ઇટાલિયાએ ચૂંટણીમાં 17 ટકા મત મળવા પર આભાર વ્યક્ત કર્યો હતો. ગોપાલ ઇટાલિયાએ કહ્યું કે, "GMCની ચૂંટણીમાં નાગરિકોના જનમતને અમે સ્વીકારીએ છીએ. ગુજરાતના ઇતિહાસમાં પ્રથમ વખત ગાંધીનગરમાં આપ ચૂંટણી લડ્યું છે. તમામ જનતાનો આભાર માનીએ છીએ. આપની એક બેઠક પર જીત થઈ છે. આપ પાર્ટી દ્વારા દરેક પગલે મજબૂત ટક્કર આપવામાં આવી છે. ભાજપ અને કોંગ્રેસ માટે આપ હારી ગયું પણ અમે જીત્યા છીએ."

આપ પાર્ટીએ CMને રોડ શો કરવા મજબૂર કરી દીધા

ગોપાલ ઇટાલિયાએ કહ્યું કે, "આપ પાર્ટીએ CMને રોડ શો કરવા માટે મજબૂર કરી દીધા છે. ડેટા પ્રમાણે 4 વોર્ડમાં આપ બીજા સ્થાન પર રહ્યું છે." અડધી રાત્રે પોલીસે આપ કાર્યકર્તાઓ પર જુલમો કર્યા હોવાનો આક્ષેપ લગાવતા ગોપાલ ઇટાલિયાએ કહ્યું કે, તો પણ આટલા મત આપ પાર્ટીને આપવામાં આવ્યા છે. હવે 17 ટકાથી 97 ટકા સુધીના ટાર્ગેટ તરફ અમે કામ કરીશું.

આ પણ વાંચો: ગાંધીનગર વોર્ડ 7 માં ભાજપની પેનલનો વિજય : હવે 5 વર્ષ પરીક્ષા, માળખાકીય સુવિધાઓ વધારવામાં આવશે

આ પણ વાંચો: GMC Result Live Update : ગાંધીનગર મહાનગર પાલિકામાં ભાજપનો ભવ્ય વિજય, કોંગ્રેસ અને આપનો સફાયો