ગાંધીનગર:રેમડેસિવિરની અછત સર્જાઈ છે તે મામલે ગાંધીનગરમાં પૂરતા ઇન્જેક્શનની માત્રા છે તેવું ગાંધીનગરના ક્લેક્ટર કુલદીપ આર્યાએ કહ્યું હતું. તેમને એ પણ કહ્યું હતું કે, નવા બેડ પણ કોરોના કેસને જોતા વધારવામાં આવશે. તેવું તેમને જણાવ્યું હતું.
આ પણ વાંચો:વડોદરામાં કોરોનાના ઈલાજ રેમિડેસિવિર ઇન્જેક્શનની કાળાબજારી
ખાનગી હોસ્પિટલમાં બીજા બેડ વધારાશે
અત્યારે 1,000 બેડ ઉપલબ્ધ છે, ત્યારે અન્ય બીજા 300 બેડ પણ વધારવામાં આવશે એટલે ટોટલ જિલ્લામાં 1,300 બેડ કરવામાં આવશે. ગાંધીનગર કોવિડ સ્થિતિને લઈને ગાંધીનગર કલેક્ટરની મુખ્ય સચિવ સાથે બેઠક પણ હતી. તેમને આ મામલે કહ્યું કે, ગાંધીનગર જિલ્લામાં રેમડેસિવિર ઇજેક્શનનો પૂરતો જથ્થો સરકારી હોસ્પિટલમાં 1000 ઇજેક્શનનો ઉપલબ્ધ છે. બીજા 500 ઇન્જેક્શનનો જથ્થો પણ છે.
આ પણ વાંચો:મહારાષ્ટ્રમાં કોરોનાના વધતાં સંક્રમણને પગલે સૌરાષ્ટ્રમાં રેમડેસિવિર ઈન્જેક્શનની અછત
રેલીઓ સરઘસ માટે પરમિશન લેવી જરૂરી
સ્ટેટ ઇલેક્શન કમિશનની જે સૂચના છે તેનું પાલન કરવાનું રહેશે. તમામ લોકો માસ્ક પહેરે, સોશિયલ ડિસ્ટન્સ જળવાય તે જરૂરી છે. મહાનગરપાલીકાના 11-વોર્ડમાં પાંચ RO નીમવામાં આવ્યા છે. રેલીઓ, સરઘસ માટે પરમિશન લેવી જરૂરી છે.