દમણ: ગજાનંદ ફાઉન્ડેશન દ્વારા દર વર્ષે ધ કિંગ ઓફ સિ-ફેસના નેજા હેઠળ વિશાળકાય ગણેશ પ્રતિમાનું જાહેર સ્થાપન કરી ગણેશ ઉત્સવનું દબદબાભેર આયોજન કરવામાં આવે છે. આ દિવસોમાં સતત 11 દિવસ સુધી અહીં દમણવાસીઓ બાપ્પાની પૂજા અર્ચના કરે છે. પરંતુ આ વખતે આ ફાઉન્ડેશન દ્વારા સરકારની ગાઇડલાઈન્સ મુજબ કોરોના વાઇરસ મહામારીને ધ્યાનમાં રાખી ઘરે જ પ્રતિમાની સ્થાપના કરવાનું આયોજન કર્યું છે.
દમણમાં સાર્વજનિક ગણેશ પંડાલોને બદલે ઘરે જ થશે ગણેશ સ્થાપન આ વિશે ગ્રુપના પ્રમુખ મહેશ ટંડેલે જણાવ્યું હતું કે કોરોનાની વૈશ્વિક મહામારીને ધ્યાનમાં રાખી આ વખતે આયોજનમાં ફેરફાર કરવામાં આવ્યો છે. બાપ્પાની પૂજા અર્ચના તો કરીશું જ પણ કોરોનાની સરકારી ગાઇડલાઈન્સ મુજબ લોકોને પણ અપીલ કરીશું કે તેઓ કોરોના મહામારીથી સાવચેત રહે. બાપા પાસે એક જ પ્રાર્થના છે કે ભક્તોના વિઘ્ન હરનારા વિઘ્નહર્તા આ કોરોના નામનું વિઘ્ન પણ જલ્દીથી હરી લે. દમણમાં સાર્વજનિક ગણેશ પંડાલોને બદલે ઘરે જ થશે ગણેશ સ્થાપન દમણમાં ધ કિંગ ઓફ સી-ફેસ બાદ જેટી યુથ ગ્રૂપ દ્નારા પણ મહાકાય ગણેશ પ્રતિમાની સ્થાપના કરવામાં આવે છે. આ ગ્રુપના કલ્પેશભાઈએ જણાવ્યું હતું કે કોરોનાની મહામારીને કારણે આ વખતે જાહેર ગણેશ ઉત્સવને બદલે સભ્યના ઘરે જ નાની મૂર્તિની સ્થાપના કરી બાપાનો ઉત્સવ ઉજવીશું. પરંતુ આવતા વર્ષે આ વર્ષની ખોટ પુરી કરીને મહાઉત્સવ જેવી તૈયારી સાથે ગણેશોત્સવ ઉજવીશું. દમણમાં સાર્વજનિક ગણેશ પંડાલોને બદલે ઘરે જ થશે ગણેશ સ્થાપન આ વખતે ગણેશ ઉત્સવ પર લાગેલા પ્રતિબંધનું ગ્રહણ મૂર્તિકારોને પણ લાગ્યું છે. દમણમાં વર્ષોથી ગણેશજીની મૂર્તિઓ બનાવતા મૂર્તિકાર કિરણે જણાવ્યું હતું કે આ વખતે શ્રીજીની મૂર્તિની ડિમાન્ડ ખૂબ જ ઓછી છે. એમાંય મોટી મૂર્તિ પર મનાઈ હુકમ હોવાથી 2 ફૂટ સુધીની માત્ર 105 મૂર્તિઓનું વેચાણ થયું છે. દમણમાં સાર્વજનિક ગણેશ પંડાલોને બદલે ઘરે જ થશે ગણેશ સ્થાપન ઉલ્લેખનીય છે કે કોરોનાની વૈશ્વિક મહામારીને ધ્યાનમાં રાખી દમણ તંત્ર દ્વારા સાર્વજનિક ગણેશ મહોત્સવ પર પ્રતિબંધ લાદવામાં આવ્યો છે. ઉપરાંત, ઘરે ગણેશ સ્થાપના કરતા ભક્તોને પણ માત્ર માટીની અને 2 ફૂટ સુધીની મૂર્તિનું જ સ્થાપન કરવાની સૂચના આપી છે. જેને લઈને સાર્વજનિક ગણેશ મહોત્સવની આ વર્ષે બાદબાકી થઈ જતા શહેરમાં ગણેશ ઉત્સવ માત્ર ઘર કે સોસાયટી પૂરતો પરંતુ ભક્તિભાવનો ઉત્સવ બની રહેશે.
