જર્જરિત હાલતમાં સરકારી ઇમારત: છતાં સરકારી તંત્રના આંખ આડા કાન ? જાણો કેમ

સરકાર પોતાની ઇમારતોની જાળવણી કરવામાં બેદરકાર હોવાનું નજર સામે છે. શહેરના મધ્યમાં આવેલી બહુમાળી ભવન બિલ્ડીંગને વર્ષો થવા છતાં માત્ર થિંગડા મારવામાં આવે છે, મહાનગરપાલિકા (Bhavnagar Municipal Corporation)એ તો રીપેરીંગ આદરી દીધું પણ સરકારી કેટલી બિલ્ડીંગો અને કેટલી ભયજનક બિલ્ડીંગો છતાં જવાબદાર વિભાગો આંખ આડા કાન કરી રહી છે.

• જર્જરિત હાલતમાં સરકારી ઇમારત
• સરકારી તંત્રના આંખ આડા કાન
• ભાવનગરની મહાનગરપાલિકાની બહુમાળી
• બહુમાળીમાં રિપરિંગ શરૂ કર્યું પણ હજુ પડે છે ગાબડા

ભાવનગર: ખાનગી તો ઠીક સરકાર પોતાની જર્જરિત ઇમારતો (Government building in dilapidated condition)ના નિકાલ માટે પણ કોઈ પગલાં ભરતી નથી. કર્મચારીઓ ભયના ઓથાર નીચે નોકરી કરી રહ્યા છે, પણ હિંમત કોઈની નથી કે સરકારમાં જાણ કરે કે પછી તેનો નિવેડો લાવે ત્યારે, ETV BHARATએ કોણ સારવાર માટે જવાબદાર જાણવા કોશિશ કરી હતી. જાણીએ શુ જવાબો મળ્યા.

ભાવનગર મહાનગરપાલિકાએ કેટલાને આપી નોટિસ અને શું સ્થિતિ?

ભાવનગર શહેરમાં અનેક બિલ્ડીંગ એટલે કે ઇમારતો છે, જે જર્જરિત હાલતમાં છે જેને પાડવી પડે અથવા રીપેરીંગ કરવું પડે. પરંતુ ના ખાનગીમાં કોઈ પગલાં ભરવામાં આવે છે, કે ના કોઈ સરકારી બિલ્ડિંગમાં પગલાં ભરવામાં આવે છે. પ્રજાની સુરક્ષા હેતુ મહાનગરપાલિકા રહી રહીને જાગીને ખુદ પોતાની બિલ્ડીંગ જર્જરિત હોવાથી 25 લાખના ખર્ચે રીપેરીંગ કરાવી રહી છે. ગત વર્ષે મહાનગરપાલિકા (Bhavnagar Municipal Corporation)એ 198 નોટિસો આપી હતી જ્યારે આ ચાલુ વર્ષમાં 73 નોટિસો આપવામાં આવી છે. હાલ સુધીમાં 27 ઇમારતો ઉતરાવી લેવામાં આવી છે. મહાનગરપાલિકાના સ્ટેન્ડિંગ કમિટીના ચેરમેન ધીરુભાઈ ધામેલીયા (Standing committee chairman dhiru dhameliya)એ જણાવ્યું હતું કે, રહેણાંકી વિસ્તારમાં આવતી મહાનગરપાલિકાની ખાનગી કે રાજ્ય સરકારની જર્જરિત ઇમારત હોઈ અને જાનહાનીની શક્યતા હોય તો તેને ઉતરાવી લેવા નોટિસો આપતા હોય છીએ. કલેકટર કક્ષાની ઇમારતો હોય તો તેને આર એન્ડ બી વિભાગ દ્વારા કાર્યવાહી થતી હોય છે, પણ વધુ જોખમી હોય તો મહાનગરપાલિકા કક્ષાએથી પણ નોટિસો અપાય છે.

જવાબદારના જવાબ શુ?

ભાવનગર શહેરની મધ્યમાં આવેલું બહુમાળી ભવનમાં આશરે એક હજાર જેટલા કર્મચારીઓ ફરજ બજાવે છે, પરંતુ એક પણ અધિકારી ઇમારતમાંથી પડતા ગાબડાને લઈને રજુઆત કે અપીલ કરે તેવું આજદિન સુધી બન્યું નથી. ભયના ઓથાર નીચે ફરજ બજાવતા કર્મચારીઓ રાજ્ય સરકારની કચેરીઓના છે, ત્યારે ગાબડા પડવા, પિલર તૂટી જવા છતાં કોણ નોટિસ આપશે કે કોણ રીપેર કરશે તેનો કોઈ પાસે જવાબ નથી. આર એન્ડ બી એટલે રોડ અને માર્ગ મકાન વિભાગ (Road and road building department bhavnagar) તેનું જવાબદાર ગણવામાં આવે છે ત્યારે આર એન્ડ બીના અધિકારી આર યુ પટેલ સાથે વાત કરતા તેમણે જણાવ્યું હતું કે, આવેલી રજુઆત આધારે રીપેરીંગ કરતા હોય છે અંદાજે 300થી 400 જેટલી જિલ્લાની કચેરીઓ હશે. હાલમાં કોઈ આંકડાકીય માહિતી નથી. હવે જો અધિકારીને આંકડાકીય વિગત ખ્યાલ ન હોઈ તો બિલ્ડીંગની પરિસ્થિતિ પર આર એન્ડ બી વિભાગનું વલણ કેવું હશે જે સમજી શકાય છે.

આ પણ વાંચો:Meeting of the task force in Bhavnagar: ઓમિક્રોનને ફેલાવતો અટકાવવા ભાવનગર કલેક્ટરે યોજી ટાસ્ક ફોર્સની બેઠક

આ પણ વાંચો:ઘર ઘર ઠક ઠક કરતા ઢોરનો ત્રાસ: ભાવનગરના રસ્તા બાદ ઘરના દરવાજે પણ જોખમ