- દાદા સાહેબ જૈન દેરાસરમાં 200 થી વધુ ચાતુર્માસમાં ભેગા થયા
- જાહેરનામાના ભંગ બદલ નીલમબાગ પોલીસે કરી કાર્યવાહી
- મહામારીમાં લોકો એકઠા કર્યા કોઈ પણ પરવાનગી વગર પ્રવચન માટે
ભાવનગર : શહેરમાં કોરોનાની ગાઈડલાઈનનું પાલન કરાવવા માટે પોલીસ દ્વારા કડક ચેકીંગ કરવામાં આવી રહ્યું છે અને દંડ પણ કરવામાં આવી રહ્યો છે. ત્યારે જૈન દેરાસરમાં મોટી સંખ્યામાં ચાતુર્માસ નિમિતે જનમેદની એકઠી કરતા સંચાલકો સામે પોલીસે કડક કાર્યવાહી કરી છે.
જૈન દેરાસરમાં ચાતુર્માસ નિમિતે લોકો ઉમટ્યા : કોરોના ગાઈડલાઈનના ધજાગરા
ભાવનગરના દાદા સાહેબ જૈન દેરાસરમાં જૈન શ્વેતાંબર મૂર્તિ પૂજક તપાસંઘ પૂજ્ય તત્વપ્રવચનપ્રજ્ઞા આચાર્ય ભગવંત વિજય રત્નચંદ્રસુરીશ્વરજી મહારાજ સાહેબ આદિઠાણા સાથે ચાતુર્માસ ધાર્મિક પ્રસંગે પ્રવેશ કાર્યક્રમ યોજી પ્રવચન રાખવામાં આવ્યું હતું. કાર્યક્રમની જાણ થતાં નીલમબાગ પોલીસ સ્થળ પર પહોંચી હતી અને યોગ્ય તપાસ કરી હતી. 200 થી વધુ લોકો અને માસ્ક તથા સોશિયલ ડિસ્ટન્સનો અભાવ જોવા મળતા કાયદેસરની કાર્યવાહી કરી હતી.