કલેક્ટરને એટ્રોસિટી એક્ટ શું છે તેની જાણ જ નથીઃ જીગ્નેશ મેવાણી

ભાવનગર આવેલા જીગ્નેશ મેવાણી ધારાસભ્ય પોતાના સમાજના આધેડ શખ્સની હત્યા મામલે કલેક્ટરને આવેદન આપીને બાદમાં રકઝક કરી હતી. સમાજના લોકો વચ્ચે જીગ્નેશ મેવાણી ભાન ભૂલી ગયા અને ના બોલવાના શબ્દો ઉચ્ચાર્યા હતા. અશોભનીય શબ્દ ધારાસભ્યના મુખે શોભે નહીં પણ ઉશ્કેરાયેલા જીગ્નેશ મેવાણી ભાષાની મર્યાદા વટાવી ગયા હતા.

• જીગ્નેશ મેવાણી અપશબ્દ બોલી ભાન ભૂલ્યા
• ધારાસભ્ય જીગ્નેશ મેવાણી ભાષાની મર્યાદા વટાવી ગયા
• આધેડની હત્યા પ્રકરણમાં મેવાણીએ કલેક્ટરને આવેદનપત્ર પાઠવ્યું

ભાવનગરઃ પોતાના સમાજ માટે ન્યાય અને સન્માનની લડત લડતા નેતા ભાન ભૂલી જાય અને જે ન્યાય અને સન્માન માટે લડી રહ્યા છે હોય તેજ અશોભનીય શબ્દ બોલો તો તે ન શોભે. ભાવનગરમાં દલિત સમાજના નેતા જીગ્નેશ મેવાણી પોતાના સમાજના આધેડની હત્યા કેસમાં ન્યાય લેવા કલેક્ટર કચેરીએ પહોંચ્યા અને કલેક્ટર સાથે રકઝક બાદ બહાર આવીને પોતાના સમાજના લોકો સામે કલેક્ટર માટે અશોભનીય શબ્દ ઉચ્ચાર્યા હતા.

સમાજના લોકો વચ્ચે ભાષાની મર્યાદા જીગ્નેશ મેવાણી ભૂલ્યા

આ પણ વાંચોઃ જીગ્નેશ મેવાણીએ રાજયકક્ષાના ગૃહપ્રધાન પ્રદીપસિંહ જાડેજાના પોસ્ટર સાથે ગૃહમાં વિરોધ કર્યો

બનાવ શું બન્યો

બપોરના સમયે સાણોદર ગામે થોડા દિવસો પહેલા આધેડ અમારાભાઈ બોરીચાની હત્યા થઇ હતી. જેમાં PSI સામે બેદરકારીના ઉભા થયેલા આક્ષેપ બાદ સસ્પેન્ડ કરવામાં આવ્યા હતા. પરંતુ સમાજને તેમાં હજુ ખૂટતું લાગતું હોવાથી દલિત એકતા અધિકાર મંચ હેઠળ આવેદનપત્ર આપવા માટે સમાજના લોકો સાથે જીગ્નેશ મેવાણી ભાવનગર આવ્યા હતા. કલેક્ટરને મીડિયાની હાજરીમાં આવેદનપત્ર પાઠવ્યું હતું અને બાદમાં મીડિયાના ગયા બાદ જીગ્નેશ મેવાણી અને દલિત અધિકાર એકતા મંચના નેતાઓને કલેક્ટર સાથે બોલાચાલી થઇ હતી. મેવાણી અને તેના સાથીદારો કલેક્ટર સાથે રકઝક કરતા બહાર નીકળી ગયા હતા.

જીગ્નેશ મેવાણી અપશબ્દ બોલી ભાન ભૂલ્યા

સમાજના લોકો વચ્ચે ભાષાની મર્યાદા જીગ્નેશ મેવાણી ભૂલ્યા

કલેક્ટર સાથે ઝગડો કરીને આવેલા જીગ્નેશ મેવાણીએ નીચે સમાજના લોકો વચ્ચે જણાવ્યું હતુ કે કલેક્ટરને એટ્રોસિટી શું છે તેની જાણ જ નથી. એટ્રોસિટી કેસમાં કલેક્ટરે શું કરવાનું હોઈ તે આ ભાઈને ખબર નથી. એટ્રોસિટી કેસમાં કલેક્ટરે પ્રત્યક્ષ જઈને સ્થળ તપાસ કરવાની હોઈ છે કે પીડિતાના ઘરમાં કોઈ જાનમાલને નુકશાન તો નથી થયુ. તેના પરિવારને રક્ષણની જરૂર છે કે નહીં, પણ આ ભાઈને કશું ખબર પણ નથી.

આ પણ વાંચોઃ મહાત્મા મંદિર પાસે તોડાયેલી ઝૂંપડપટ્ટીના રહીશોને કમલમમાં રાખોઃ જિગ્નેશ મેવાણી

સમાજના લોકો સામે મેવાણી કલેક્ટર માટે અપશબ્દો બોલ્યા

અશોભનીય ભાષાનો પ્રયોગ નેતા જીગ્નેશ મેવાણીએ કર્યો હતો. જાહેરમાં સમાજના લોકો વચ્ચે કલેક્ટરના પદના ધજાગરા ઉડાડવા એક ધારાસભ્યને શોભે નહીં. એક ધારાસભ્ય સમાજના ન્યાય માટે ભાષાની મર્યાદા ઓળંગે તે વ્યાજબી માની શકાય નહી. જો કે પોલીસ સામે ઉભી હતી અને સંભાળતી હતી. આ સમગ્ર ઘટનાનો વીડિયો સાંભળ્યા બાદ ખ્યાલ આવશે કે સમાજ ગમે તે હોઈ પદની ગરિમા ક્યારેય ભૂલવી ના જોઈએ.