વાલીઓ પાસે મોબાઈલનો અભાવ અને લાંબા સમયથી શિક્ષણ વિભાગ દ્વારા ચાલી રહેલો ઓનલાઈન શિક્ષણનો પ્રયોગ

ભાવનગર શહેરની 55 જેટલી સરકારી શાળામાં ગરીબ અને નબળા વર્ગના બાળકો અભ્યાસ કરે છે. કોરોનાને કારણે આ બાળકો હાલમાં ઓનલાઈન શિક્ષણ મેળવી રહ્યાં છે. જે અંગે સરકારનો અભિગમ સારો છે. જોકે કેટલીક પરિસ્થિતિઓને કારણે ઓનલાઈન શિક્ષણ સફળ નથી તેમ વાલીઓનું કહેવું છે. ગરીબ વાલીઓ તેમના બાળકોને એકથી વધુ ફોન અપાવી શકે નહીં તેથી તેની અસર તેમના અભ્યાસ ઉપર પડે છે. જેથી સરકારે કોલેજોમાં ટેબ્લેટ આપ્યા તેવી વ્યવસ્થા શાળાઓમાં પણ ઉભી કરવાની તાત્કાલિક જરૂરિયાત જણાઈ રહી છે.

• શિક્ષણ વિભાગ દ્વારા ચાલી રહેલો ઓનલાઈન શિક્ષણનો પ્રયોગ
• આર્થિક નબળા વર્ગના વાલીઓ પાસે એકથી વધુ મોબાઈલનો અભાવ
• બાળકો માટે સરકાર ટેબલેટ જેવી વૈકલ્પિક વ્યવસ્થા ઉભી કરે તેવી માગ

ભાવનગર: ભાવનગર શહેરની 55 જેટલી સરકારી શાળામાં ગરીબ અને નબળા વર્ગના બાળકો અભ્યાસ કરે છે. કોરોનાને કારણે આ બાળકો હાલમાં ઓનલાઈન શિક્ષણ મેળવી રહ્યાં છે. જે અંગે સરકારનો અભિગમ સારો છે. જોકે કેટલીક પરિસ્થિતિઓને કારણે ઓનલાઈન શિક્ષણ સફળ નથી તેમ વાલીઓનું કહેવું છે. ગરીબ વાલીઓ તેમના બાળકોને એકથી વધુ ફોન અપાવી શકે નહીં તેથી તેની અસર તેમના અભ્યાસ ઉપર પડે છે. જેથી સરકારે કોલેજોમાં ટેબ્લેટ આપ્યા તેવી વ્યવસ્થા શાળાઓમાં પણ ઉભી કરવાની તાત્કાલિક જરૂરિયાત જણાઈ રહી છે.

ભાવનગર શહેરની 55 સરકારી શાળાઓમાં આશરે 22 હજારથી વધુ બાળકો અભ્યાસ કરી રહ્યા છે. ત્યારે ગરીબ ઘરમાં એકથી વધુ બાળકો વચ્ચે ફોન માત્ર એક હોય ત્યારે વિકલ્પ શું? શિક્ષણ વિભાગ નવતર પ્રયોગો કરી રહ્યું છે અને શિક્ષણ આપવાના શોધતા વિકલ્પમાં અંતે નુકસાન તો ગરીબ અને મધ્ય વર્ગના બાળકોને જ સહન કરવાનો વારો આવે છે.

દરેક વિદ્યાર્થીને મળશે ઓનલાઈન શિક્ષણ?

શિક્ષણ સમિતિના આશરે 670 શિક્ષકો ઓનલાઇન શિક્ષણ આપવામાં લાગ્યા છે. ઓનલાઈન વ્યવસ્થામાં ગૂગલ મીટ, સ્કાયપી વગેરેના માધ્યમથી અભ્યાસ કરાવવામાં આવે છે. ગરીબ બાળકો અને તેમના ઘરની પરિસ્થિતિથી શિક્ષણ સમિતિ વાકેફ છે. માટે જ શિક્ષકો પોતાનાથી બનતો પ્રયાસ કરે છે. ક્યાંક પુસ્તકો પોહચાડવામાં આવે છે, તો કોઈને ટીવીમાં આવતા શિક્ષણના શો જોવા માટે કહેવામાં આવે છે. પરંતુ તેનાથી સમસ્યાનો હલ નથી. પરિસ્થિતિ એવી છે કે આખિર જાયે તો કહાં જાયે.

શિક્ષણ સમિતિની શાસનાધિકારી સહિત આચાર્યો અને શિક્ષકો પણ સમજે છે કે ગરીબ બાળકો સરકારી શાળામાં અભ્યાસ કરતા હોય ત્યારે ફોન જેવી વ્યવસ્થા વિદ્યાર્થીના બાળકો કરી શકે નહીં. ત્યારે વાલીની માંગણી પણ વ્યાજબી છે કે, જો સરકાર તેવી વ્યવસ્થા ઉભી કરે કે કોલેજની જેમ સરકારી શાળાના બાળકોને ટેબ્લેટ અને ડેટા આપવામાં આવે તો શિક્ષણ સ્તરને મહામારીમાં નીચું ઉતરતા રોકી શકાય તેમ છે.