અમદાવાદના સિનેમા હોલ સહિતના જાહેરસ્થળો બંધ, તો લોકોએ આપી આવી પ્રતિક્રિયા

કોરોના વાયરસને ફેલાતો અટકાવવો તે હાલમાં અમદાવાદ કોર્પોરેશન માટે પ્રાથમિક બાબત બની છે. શહેરભરમાં આજે સિનેમા હોલ, સ્વિમિંગપુલ્સ, પબ્લિક હોલ જેવા જાહેરસ્થળો બંધ જોવા મળી રહ્યાં છે.

અમદાવાદ : વિશ્વભરમાં જે રીતે કોરોના વાઈરસ ફેલાઈ રહ્યો છે અને મૃત્યુનો આંકડો સતત વધી રહ્યો છે. તે જોતાં દરેક દેશ અને રાજ્યએ આ વાયરસને અટકાવવા માટેના પગલાં લેવા જરૂરી બને છે, ત્યારે ગુજરાત સરકાર અને અમદાવાદ મ્યુનિસિપલ કોર્પોરેશન આ રોગને અટકાવવા માટે આગોતરા પગલાં લઇ રહ્યું છે.

અમદાવાદ મ્યુનિસિપલ કોર્પોરેશન દ્વારા અમદાવાદ શહેરમાં મોટાપાયે ભીડ એકઠી થતી હોય તેવા સ્થળો જેવા કે સિનેમાહોલ, જાહેર સ્નાનાગાર, જાહેર પબ્લિક હોલ વગેરેને બે અઠવાડિયા માટે બંધ કરાયાં છે. કારણ કે આવા બંધ વિસ્તારોમાં ખાંસી, છીંક અને મોઢામાંથી કે નાકમાંથી ઝરતા પ્રવાહી દ્વારા કોરોના વાયરસનો ફેલાવો ખૂબ જ સરળ બની જાય છે. ચોક્કસ તંત્રના આ આદેશથી અર્થતંત્રને થોડું નુકસાન જશે, પરંતુ કોરોનાનો ફેલાવો અટકાવવા માટે આ પગલું અસરકારક સાબિત થાય તેમ છે.