અમદાવાદ મહાનગરપાલિકાની ચૂંટણીને લઈને વિવાદ ઉભો થયો

ગુજરાતમાં સ્થાનિક સ્વરાજ ચૂંટણી મામલો ધ્યાને આવ્યો છે. જેમાં નવરંગપુરા વોર્ડમાંથી ચૂંટાયેલા નીરવ કવિને લઈ વિવાદ સર્જાયો છે. અરજદારે આક્ષેપ કર્યો છે કે ચૂંટણી જીતવા માટે નામ બદલવામાં આવ્યું છે. નીરવ કવિ હિન્દૂ નહિ પરંતુ મુસ્લિમ સમાજમાંથી છે. અરજદારે નીરવ કવિનું ફોર્મ રદ્દ કરવા માંગ કરી છે.

• સ્થાનિક સ્વરાજની ચૂંટણીનો મામલો
• નવરંગપુરા વોર્ડમાંથી ચૂંટાયેલા નીરવ કવિને લઈ સર્જાયો વિવાદ
• અરજદારે નીરવ કવિનું ફોર્મ રદ્દ કરવા કરી માંગ

અમદાવાદ: અમદાવાદ મહાનગરપાલિકાનું ચૂંટણીનું પરિણામ આવી ગયું છે. ભાજપે નવા મેયર પદની તજવીજ હાથ ધરી છે. ત્યારે નવરંગપુરાના કોંગ્રેસ ઉમેદવાર જય પટેલે કોર્ટમાં અરજી કરી છે કે, ભાજપની ટિકિટ પર નવરંગપુરા વોર્ડમાં મુસ્લિમ ઉમેદવારે નામ બદલીને ચૂંટણી લડી છે અને જીતી ગયા છે. ભાજપના ઉમેદવાર નીરવ કવિ હિન્દૂ નહિ પણ મુસ્લિમ સમાજના છે, જેથી નિયમ પ્રમાણે તેમનું ફોર્મ રદ્દ કરવામાં આવે.

ઉમેદવારે ઉમેદવારી ફોર્મ માટે કેટલીક માહિતીઓ છુપાવી

જેમાં કૉંગ્રેસ ઉમેદવારે પિટિશન કરી છે કે અમદાવાદમાં નવરંગપુરા વોર્ડમાં કુલ 4 કોર્પોરેટર ચૂંટાયેલા જાહેર કરવાના હતા. જેમાં બે બેઠકો પર સ્ત્રીઓ માટે અનામત રાખવામાં આવી હતી અને બાકીની બે પુરુષો માટે રાખવામાં આવી હતી. બાકીની એક બેઠક સામાન્ય કેટેગરીની રાખેલ હતી. આ રીતે કુલ 11 ઉમેદવારોએ ઉમેદવારી નોંધાવી હતી. જેમાં ભાજપના એક ઉમેદવારે ઉમેદવારી ફોર્મમાં કોર્ટ કેસની વિગત સોગંદનામામાં છુપાવેલ હતી તો અન્ય ઉમેદવારે ઉમેદવારી ફોર્મમાં પોતાનો ધર્મ જણાવ્યો નથી. તેઓ જન્મથી હિન્દૂ જાતિના નથી પરંતુ મુસ્લિમ જાતિના છે.

આ પણ વાંચો:અમદાવાદ AMCની શાળાઓમાં ડ્રોપ આઉટ રેશિયો ફક્ત 1.28 ટકા

કોંગ્રેસ ઉમેદવારનો આક્ષેપ

આ સમગ્ર મામલે નીરવ કવિએ કહ્યું કે, મારી પર જે આક્ષેપ કરવામાં આવ્યા છે તે તમામ પાયાવિહોણા છે. હું જન્મથી જ હિન્દૂ છે. મારું નામ ખરાબ કરવા આ બધું કરવામાં આવે છે. જ્યારે કોંગ્રેસ ઉમેદવારે આક્ષેપ કર્યો છે કે તેમની માતા ક્રિશ્ચિયન છે અને ઉમેદવારના પિતાનું નામ સિકંદર મીર અને માતાનું નામ અમિતા સિકંદર છે. જેથી તેમનું ઉમેદવારી પત્ર રદ્દ કરવામાં આવે ભાજપના ઉમેદવારે ધર્મ પરિવર્તન કરવા માટે કાયદાકીય વિધિ કરવી પડે, પરંતુ તેમને કરી નથી.