Assembly elections 2022 : ચૂંટણીઓ પહેલા ભાજપની મીડિયા ટીમ વિવિધ જિલ્લાનો પ્રવાસ કરશે

વિધાનસભાની ચૂંટણી 2022 (Assembly elections 2022) પહેલા ભાજપની મીડિયા ટીમની બેઠક પ્રદેશ કાર્યાલય કમલમ ખાતે યોજાઈ હતી. વિધાનસભા ચૂંટણીને ધ્યાનમા રાખીને ભાજપની પ્રદેશ મીડિયા ટીમ વિવિધ જિલ્લાનો પ્રવાસ કરશે.

અમદાવાદ:ભાજપ દ્વારા દરેક જિલ્લામાં મીડિયા ટીમને મજબૂત કરવા કવાયત હાથ ધરાઈ છે. આ બેઠકમાં સંગઠનના મહામંત્રી પ્રદીપસિંહ વાઘેલા, સંગઠન મંત્રી મહેશ કસવાલા, મીડિયાના પ્રવક્તાઓ વગેરે જોડાયા હતા. આ બેઠકમાં મીડિયા અને ડિબેટ ટીમના સભ્યોને ભાજપ પ્રદેશ પ્રમુખ સી.આર.પાટીલે વર્ચ્યુઅલી સંબોધન કર્યું હતું. સાંપ્રત પ્રવાહમાં વિકાસની રાજનીતિ કેવી રીતે લોકો વચ્ચે મુકવી તે અંગે પક્ષના અગ્રણી હોદ્દેદારોએ મીડિયાના કાર્યકરોને માર્ગદર્શન આપ્યું (Guided media activists) હતું.

આ પણ વાંચો:ભાજપ 'યુવા મિત્ર' અભિયાનનું તીર છોડશે

મીડિયા ટીમનું મજબૂતીકરણ કરાશે

આગામી માર્ચ મહિનામાં પ્રદેશ પ્રમુખ સી.આર.પાટીલ ગુજરાતના વિવિધ જિલ્લાના પ્રવાસ કરશે, ત્યારે વિધાનસભાની 182 બેઠકો પર આગામી દિવસમોમાં ભાજપ મજબૂત મીડિયા ટીમ તૈયાર કરશે. આ માટે સાત સભ્યોની મીડિયા કમિટી તૈયાર કરાઈ છે.

આ પણ વાંચો:ઉત્તર પ્રદેશમાં યોગીને વોટ આપવા અમદાવાદથી લખાઈ રહ્યા છે પત્રો