અમદાવાદઃ દેશમાં કોરોનાવાયરસની મહામારી ચાલી રહી છે તેવામાં ધંધોવેપાર એકતરફ છે તો બીજીતરફ શોર્ટકટ રસ્તો અપનાવવી કાકાબાપાના બે દીકરાઓએ ફોઈના ઘરમાં રહી નકલી નોટો બનાવવાનું ષડયંત્ર શરૂ કર્યું. જો કે સમગ્ર ઘટનાની જાણ અમદાવાદ શહેર ક્રાઇમબ્રાન્ચની થતાંની સાથે જ ક્રાઈમ બ્રાન્ચ ઘટનાસ્થળે પહોંચી હતી અને ત્યાંથી બંને યુવાનોને દબોચી લીધાં હતાં. પરંતુ મહત્વની વાત એ હતી કે બંને યુવાનો નકલી નોટોની સાથે સાથે વિદેશી દારૂનો અને બિયરનો પણ ધંધો કરતા હોવાનું જાણવા મળ્યું હતું.
પિતરાઈભાઈઓએ સંપીલા બની કર્યો નકલી નોટો અને વિદેશી દારુનો વેપાર, એસીબીએ દબોચી લીધાં પકડાયેલા આરોપીઓ પૈકી ઉદય રમેશભાઈ ભગવાનભાઈ પ્રજાપતિ અને મીત મહેશભાઈ ભગવાનભાઈ પ્રજાપતિ અમદાવાદના સંજય એપાર્ટમેન્ટ થલતેજ ખાતે પોતાના જ ફોઇના મકાનમાં છેલ્લાં કેટલાય સમયથી રહી રહ્યાં હતાં. દેશમાં કોરોના વાઇરસના કારણે લોકડાઉન લાદવામાં આવતાં બંને આરોપીઓ મૂંઝવણમાં મુકાયાં હતાં. જેને લઇ શોર્ટકટ રસ્તો અપનાવી ડુપ્લીકેટ નોટો બનાવવાનું શરૂ કર્યું હતું અમદાવાદ શહેર ક્રાઇમબ્રાન્ચને બાતમી મળતાની સાથે જ ઉદય અને મિતના ઘરે દરોડા પાડવામાં આવ્યાં હતાં. તે દરમિયાન ડુપ્લીકેટ ભારતીય ચલણી નોટો નંગ - 436 જેની કુલ કિંમત 2,09,600 રૂપિયા થઈ રહી છે. બંને ઈસમોએ આ નોટ પોતાના રહેણાંક મકાને કલર પ્રિન્ટ મારફતે છાપેલી હોવાનું હાલ પ્રાથમિક તપાસમાં જાણવા મળ્યું છે. પિતરાઈભાઈઓએ સંપીલા બની કર્યો નકલી નોટો અને વિદેશી દારુનો વેપાર, એસીબીએ દબોચી લીધાં સાથે જ લોકડાઉન બાદ અનલોક થતાં સોશિયલ ડિસ્ટન્સ અને માસ્ક જરૂરી હોવાના કારણે લોકો એકબીજાથી દૂર હોવાથી તેનો ફાયદો ઉપાડી આરોપીઓએ બજારમાંથી નાનીમોટી જરૂરિયાતની વસ્તુઓ ખરીદીને નોટ વટાવી હોવાનું પણ હાલ સામે આવ્યું છે. જોકે બીજી તરફ મહત્વની બાબત એ પણ છે કે આરોપીના રહેણાંક મકાને નકલી ચલણી નોટો અંગે તપાસ દરમિયાન બંનેના રહેણાંકના મકાનમાં પરથી ભારતીય બનાવટની વિદેશીની દારૂ તથા બિયરની કાચની બોટલો પણ મળી આવી છે. જે અંગે તપાસ કરવામાં આવતાં બંને ડીલીવરી મારફતે લોકોના ઘરે દારૂ પહોંચાડવાનું કામ પણ કરતાં હતાં.
હાલ અમદાવાદ શહેર ક્રાઈમ બ્રાન્ચે બંને વિરુદ્ધ ગુનો નોંધી કાયદેસરની કાર્યવાહી હાથ ધરી છે. પરંતુ સવાલ અહી એ ઉપસ્થિત થાય છે કે બંને યુવાનો ગ્રેજ્યુટ હોવા છતાં શા માટે આ રીતનો કારસો ઘડયો હતો સાથે જ તેમને કોણ કોણ મદદ કરતું હતું તે અંગે હવે અમદાવાદ શહેર ક્રાઇમબ્રાન્ચે તપાસનો દોર શરૂ કર્યો છે.
