શેરબજારમાં સતત ત્રીજા દિવસે ઘટાડો, સેનસેક્સ 289 અંક ઘટીને બંધ

મુંબઈ: શુક્રવારે સતત ત્રીજા દિવસે સ્થાનિક શેરબજારમાં ઘટાડો નોંધાયો હતો. BSEના મુખ્ય સંવેદનશીલ ઈન્ડેક્સ સેન્સેક્સ અગાઉના સત્રની સરખામણીમાં 289.29 પોઇન્ટ એટલેકે 0.73 ટકા ઘટીને 39,452.07 બંધ રહ્યો હતો. નિફ્ટી કારોબારના અંતિમ દિવસે 90.75 પોઇન્ટ એટલેકે 0.76 ટકા ઘટીને 1,123.30 પર રહ્યું.

બોમ્બે સ્ટોક એક્સચેન્જ (બીએસઈ) ના 30 શેરો પર આધારિત સેન્સેક્સ 9 .00 વાગ્યે મજબુતી સાથે 39,797 પર ખુલ્યું અને અંતિમ સત્રમાં 289.29 અંકોના ઘટાડા સાથે 39,452.07 ની સપાટીએ બંધ રહ્યો હતો. દિવસના ટ્રેડિંગ દરમિયાન, સેન્સેક્સ 39,799.90 ના ઉપરના સ્તર પર જ્યારે નીચી સપાટી 39,363.45 પર રહ્યો હતો. અગાઉના સત્રમાં સેન્સેક્સ 39,741.36 પર બંધ રહ્યો રહ્યો હતો.

નેશનલ સ્ટોક એક્સચેન્જ (એનએસઈ) ના 50 શેર પર આધારિત નિફ્ટી સત્રની શરૂઆતમાં નબળાઇ સાથે 11,910.10 પર ખુલ્યું અને 11,911.85 સુધી પહોંચી ગયું હતું પરંતુ આ પછી તેમાં ઘટાડો જોવા મળ્યો. નિફ્ટી સત્રના અંતે, અગાઉના સત્ર કરતા 90.75 પોઇન્ટ ઘટીને 11,823.30 પર બંધ રહ્યું હતું, ગાઉના સત્રમાં નિફ્ટી 11, 914.05 પર બંધ રહ્યું હતું.

બીએસઇ મિડ-કેપ ઇન્ડેક્સ 151.98 પોઇન્ટ 14,720.99 પર બંધ થયો હતો. બીએસઈ સ્મોલ-કેપ ઇન્ડેક્સ અગાઉના સત્રની સામે 110.45 પોઇન્ટ ઘટીને બંધ 14,365.93 ની સપાટીએ બંધ રહ્યો હતો. BSEના 19 સેક્ટરમાથી 18 સેક્ટરમાં દબાણ જોવા મળ્યું હતું, જ્યારે એક સેક્ટરમાં મજબુતી જોવા મળી હતી.