સેનસેક્સ 400 પોઇન્ટ ગગડ્યો, નિફ્ટી 11 હજારની નીચે

મુંબઇ: સ્થાનિક શેરબજાર ગુરુવારે ઘટાડા સાથે ખુલ્યા હતા. શરુઆતી કારોબારમાં પ્રમુખ ઇન્ડેક્સ સેનસેક્સ સવારે 9.48 વાગ્યે 240.98 અંક ઘટીને 37,240.14 પર કારોબાર કરતા જોવા મળ્યા હતા. નિફ્ટી પણ લગભગ આ જ સમયે 37.40 અંકોના ઘટાડા સાથે 11,048.00 પર કારોબાર કરતા જોવા મળ્યા હતા.

ત્યારબાદ સવારે 11.14 વાગ્યે સેનસેક્સ 400 પોઇન્ટ એટલે કે 1.07 ટકા ગગડીને 37,077 પર કારોબાર કરી રહ્યો હતો.

BSEના 30 શેર પર આધારિત સેનસેક્સ સવારે 93.94 અંક ઘટીને 37,387.18 પર જ્યારે NSEના 50 શેર પર આધારિત નિફ્ટી 25.2 અંકોના મામુલી ઘટાડા સાથે 11,060.20 પર ખુલ્યું.

ભારતીય રૂપિયાની શરૂઆત મજબૂતી સાથે થઇ હતી . ડૉલરના મુકાબલે ભારતીય રૂપિયો 59 પૈસા ઉછળીને 69.20 ના સ્તર પર ખુલ્યો હતો.