યુપીમાં યોગીના કુંડળ ફેશનમાં: યુવાનોમાં દેખાયો અનોખો ક્રેઝ

ઉત્તર પ્રદેશ વિધાનસભા ચૂંટણીમાં ઐતિહાસિક (UP Assembly Election 2022) જીત નોંધાવ્યા બાદ સીએમ યોગી હવે યુવાનો માટે રોલ મોડલ બની ગયા છે. યુવા શપથ ગ્રહણ સમારોહ (Oath taking ceremony) પહેલા યોગી કુંડળ પહેરીને ભાજપની જીતની ઉજવણી કરી રહ્યા છે.

વારાણસીઃ ઉત્તર પ્રદેશ વિધાનસભા ચૂંટણીમાં ઐતિહાસિક જીત (UP Assembly Election 2022) નોંધાવ્યા બાદ સીએમ યોગી હવે યુવાનો માટે રોલ મોડલ બની ગયા છે. સીએમ યોગીનું બુલડોઝર હોય કે, તેમની કામ કરવાની રીત તમામ વસ્તુ યુવાનોને ખૂબ જ પસંદ આવી રહી છે. આ જ કારણ છે કે, સીએમ યોગી આજકાલ યુવાનો માટે રોલ મોડલ બની ગયા છે અને તેમની સ્ટાઈલને ફોલો કરી રહ્યા છે. જેની તસવીર વડાપ્રધાન નરેન્દ્ર મોદીના સંસદીય ક્ષેત્રમાં પણ જોવા મળી રહી છે. શપથ ગ્રહણ સમારોહ પહેલા (Oath taking ceremony) યુવાનો યોગી કુંડળ પહેરીને યોગી શૈલીમાં સરકારની જીતની ઉજવણી કરી રહ્યા છે. ખાસ વાત એ છે કે, યુવાનોની આ સ્ટાઇલે માર્કેટમાં નવો ટ્રેન્ડ શરૂ કર્યો છે.

આ પણ વાંચો:CM યોગીના શપથ ગ્રહણ સમારોહના મંચ પર PM મોદી સાથે 62 VVIP નો સમાવેશ

યોગી શૈલીમાં ઉજવણી કરતા યુવાનો:ઉલ્લેખનીય છે કે, 25 માર્ચે સીએમ યોગીનો શપથ ગ્રહણ સમારોહ છે. આ પહેલા બજારોમાં યોગી કુંડળની માંગ જોવા મળી રહી છે. યોગી કુંડળને ફેશનમાં સમાવીને યુવાનો ઉત્સાહભેર ઉજવણી કરી રહ્યા છે. યુવાનોનો ઉત્સાહ જોઈને બજાર પણ સજાવવામાં આવ્યું છે. વારાણસીના સિગરા વિસ્તારના પીયર્સન પોઈન્ટ પર યુવાનોની ભીડ એકઠી થઈ રહી છે.

યોગી હવે રોલ મોડલ બની ગયા: કાન વીંધાવવાની સાથે યુવાનો યોગી સ્ટાઇલના કુંડળ પણ ખરીદી રહ્યા છે. આ અંગે યુવાનોનું કહેવું છે કે, સરકારે ગુનેગાર માફિયાઓ પર લગામ લગાવી છે. આ જ કારણ છે કે, યોગી હવે રોલ મોડલ બની ગયા છે, તેથી અમે તેમની જેમ કુંડળની સ્ટાઇલ કરી રહ્યા છીએ. કારણ કે, અમને તેમના કુંડળ ખૂબ જ પસંદ આવી રહ્યા છે અને આ શૈલી દ્વારા અમે તેમને વિજય માટે અભિનંદન પણ પાઠવી રહ્યા છીએ.

આ પણ વાંચો:one nation one election issue: રાજ્યસભામાં ઉઠાવવામાં આવ્યો 'એક રાષ્ટ્ર, એક ચૂંટણી'નો મુદ્દો

બજારોમાં કુંડળની માંગ:દુકાનદારનું કહેવું છે કે, તેણે આ પહેલીવાર જોયું છે, જ્યારે લોકો અભિનેતાની નહીં પણ રાજકારણીની શૈલીને અનુસરે છે અને ઉજવણી કરી રહ્યા છે. તેમણે કહ્યું કે, મોદી પછી હવે લોકો સીએમ યોગીને પણ ખૂબ પસંદ કરી રહ્યા છે અને તેમની જેમ કુંડળ પહેરી રહ્યા છે. આ દિવસોમાં બજારમાં કુંડળની માંગ ઘણી વધારે છે. યુવાનો કુંડળ પહેરવાની સાથે સાથે પિયર્સન પણ કરી રહ્યા છે.