Budget 2023 Updates: બજેટને લઈને PM મોદીનું સંબોધન- વિકસિત ભારતનો વિરાટ સંકલ્પ પૂરો થશે

14:44 February 01

પ્રધાનમંત્રી આવાસ ભાડે અપાયેલા મકાનો સિલ

ભાવનગર : પ્રધાનમંત્રી આવાસ ભાડે અપાયેલા મકાનો સિલ, એરપોર્ટ રોડ પર આવેલા પ્રધાનમંત્રી આવાસનો મામલો, ભાડુઆતનો સામાન બહાર કાઢી સિલ માર્યા, 271 અપાયેલા ભાડાના મકાનમાંથી 40 ખાલી કર્યા, બાકી રહેતા મકાનોને સિલ મારવામાં આવ્યા છે.

14:15 February 01

બજેટ પર PM મોદીનું સંબોધન- વિકસિત ભારતનો વિરાટ સંકલ્પ પૂરો થશે

બજેટને લઈને વડાપ્રધાન મોદીએ નાણા પ્રધાન અને તેની ટીમને અભિનંદન પાઠવ્યા હતા. તેમણે જણાવ્યું હતું કે બજેટને લઈને તમામ લોકોના સપનાં પૂરા થશે. બજેટથી મજબૂત પાયાનું નિર્માણ થશે.

મહિલાઓને સશક્ત બનાવવામાં મદદરૂપ થશે. સરકારે જનહિત માટે અનેક પગલાં લીધા. મહિલાઓ માટે વિશેષ બચત યોજનાની જાહેરાત કરાઈ છે.

14:00 February 01

પ્રાદેશિક એર કનેક્ટિવિટી સુધારવા માટે 50 વધારાના એરપોર્ટ બનાવાશે

નાણાપ્રધાન નિર્મલા સીતારમણે કહ્યું કે પ્રાદેશિક એર કનેક્ટિવિટી સુધારવા માટે 50 વધારાના એરપોર્ટ, હેલિપોડ્સ, વોટર એરો ડ્રોન, એડવાન્સ લેન્ડિંગ ગ્રાઉન્ડને પુનર્જીવિત કરવામાં આવશે. મેક એઆઈ ઈન ઈન્ડિયાના વિઝનને સાકાર કરવા અને મેક એઆઈ વર્ક ફોર ઈન્ડિયા, ટોચની શૈક્ષણિક સંસ્થાઓમાં આર્ટિફિશિયલ ઈન્ટેલિજન્સ માટે 3 સેન્ટર્સ ઓફ એક્સેલન્સની સ્થાપના કરવામાં આવશે. કૃષિ, આરોગ્ય અને ટકાઉ શહેરોના ક્ષેત્રોમાં ઉદ્યોગ-અગ્રણી કંપનીઓ આંતર-શિસ્ત સંશોધન કરવા, અત્યાધુનિક એપ્લિકેશનો વિકસાવવા અને સ્કેલેબલ સમસ્યાનું નિરાકરણ કરવા માટે ભાગીદારી કરશે.

13:57 February 01

ઈ-કોર્ટ પ્રોજેક્ટ રૂપિયા 7000 કરોડના ખર્ચ સાથે શરૂ કરાશે

નાણાપ્રધાન નિર્મલા સીતારમણે કહ્યું કે ન્યાયના કાર્યક્ષમ વહીવટ માટે, ઈ-કોર્ટ પ્રોજેક્ટનો સ્ટેજ-3 રૂપિયા 7000 કરોડના ખર્ચ સાથે શરૂ કરવામાં આવશે. વ્યાપારી વિવાદોના સમાધાન માટે સરકાર વિવાદ સે વિશ્વાસ-2 યોજના લાવશે. GI ઉત્પાદનો અને અન્ય હસ્તકલાના પ્રચાર અને વેચાણ માટે રાજ્યોને રાજ્યની રાજધાની અથવા રાજ્યના સૌથી લોકપ્રિય પર્યટન સ્થળમાં 'એક જિલ્લા, એક ઉત્પાદન' અને 'યુનિટી મોલ' સ્થાપવા માટે પ્રોત્સાહિત કરવામાં આવશે.

13:07 February 01

બજેટની રજૂઆત બાદ ભારતીય શેરબજારોમાં તેજીનો માહોલ

સેન્સેક્સમાં 1076 પોઈન્ટનો ઉછાળો, નિફ્ટીમાં 264 પોઈન્ટ વધ્યો

13:03 February 01

ભારત વિશ્વની 5મી સૌથી મોટી અર્થવ્યવસ્થા

નિર્મલા સીતારમણે જણાવ્યું હતું કે 2014 થી સરકારના પ્રયાસોએ તમામ નાગરિકો માટે જીવનની સારી ગુણવત્તા અને ગૌરવપૂર્ણ જીવન સુનિશ્ચિત કર્યું છે. માથાદીઠ આવક બમણીથી વધુ વધીને રૂ. 1.97 લાખ થઈ છે. આ 9 વર્ષોમાં, ભારતીય અર્થતંત્ર વિશ્વની 5મી સૌથી મોટી અર્થવ્યવસ્થા તરીકે વિકસ્યું છે.

13:02 February 01

ખેડૂતોને કુદરતી ખેતી અપનાવવામાં મદદ કરવામાં આવશે

આગામી 3 વર્ષમાં એક કરોડ ખેડૂતોને કુદરતી ખેતી અપનાવવામાં મદદ કરવામાં આવશે. 10,000 બાયો ઇનપુટ રિસોર્સ સેન્ટર ખોલવામાં આવશે.

13:00 February 01

એકલવ્ય શાળાઓમાં 38 હજારથી વધુ ભરતી થશે

આગામી 3 વર્ષમાં કેન્દ્ર સરકાર 3.5 લાખ આદિવાસી વિદ્યાર્થીઓ માટે 740 એકલવ્ય મોડલ રેસિડેન્શિયલ સ્કૂલ શરૂ કરશે. અત્યાર સુધીમાં દેશભરમાં કુલ 689 EMRSને મંજૂરી આપવામાં આવી છે અને તેમાંથી 394 કાર્યરત છે.

12:58 February 01

નાણાપ્રધાને ખેડૂતો માટે કરી મોટી જાહેરાતો

નાણાપ્રધાન નિર્મલા સીતારમણે બજેટ ભાષણમાં કૃષિ ક્ષેત્ર માટે ઘણી મોટી જાહેરાતો કરી છે. નાણાપ્રધાન નિર્મલા સીતારમણે કહ્યું કે કૃષિ સંબંધિત સ્ટાર્ટઅપ્સને પ્રાથમિકતા આપવામાં આવશે. આ માટે યુવા ઉદ્યોગ સાહસિકો દ્વારા એગ્રી સ્ટાર્ટઅપ્સને પ્રોત્સાહિત કરવા માટે એક એગ્રીકલ્ચર એક્સિલરેટર ફંડ બનાવવામાં આવશે. અહીં જાણો ખેડૂતો માટે અન્ય કઈ કઈ જાહેરાતો કરવામાં આવી હતી.

12:57 February 01

રમકડાં પરની કસ્ટમ ડ્યુટી ઘટાડીને 13 ટકા કરાઈ

નાણાપ્રધાન નિર્મલા સીતારમણે તેમના બજેટ ભાષણ દરમિયાન કહ્યું હતું કે કસ્ટમ ડ્યુટી, સેસ, સરચાર્જ દરમાં ફેરફાર કરવામાં આવ્યો છે. રમકડાં પરની કસ્ટમ ડ્યુટી ઘટાડીને 13 ટકા કરી દેવામાં આવી છે, એટલે કે હવે રમકડાં સસ્તા થશે. આ ઉપરાંત સાયકલ પણ સસ્તી કરવામાં આવી છે. લિથિયમ આયન બેટરી પર કસ્ટમ ડ્યુટીમાં રાહત આપવામાં આવી છે.

12:41 February 01

ઊર્જા સુરક્ષાના ક્ષેત્રમાં 35 હજાર કરોડ રૂપિયાનું રોકાણ

નાણાપ્રધાન નિર્મલા સીતારમણે કહ્યું કે ઊર્જા સુરક્ષાના ક્ષેત્રમાં 35 હજાર કરોડ રૂપિયાનું રોકાણ કરવામાં આવશે. રિન્યુએબલ એનર્જી સેક્ટરમાં 20,700 કરોડ રૂપિયાનું રોકાણ કરવામાં આવશે. વૈકલ્પિક ખાતરોને પ્રોત્સાહન આપવા માટે પીએમ પ્રણામ યોજના શરૂ કરવામાં આવશે. ગોવર્ધન યોજના હેઠળ 500 નવા પ્લાન્ટ લગાવવામાં આવશે. આગામી 3 વર્ષમાં એક કરોડ ખેડૂતોને કુદરતી ખેતી અપનાવવામાં મદદ કરવામાં આવશે. 10,000 બાયો ઇનપુટ રિસોર્સ સેન્ટરની સ્થાપના કરવામાં આવશે. યુવાનોને આંતરરાષ્ટ્રીય તકો માટે કૌશલ્યવાન બનાવવા માટે, વિવિધ રાજ્યોમાં 30 સ્કીલ ઈન્ડિયા ઈન્ટરનેશનલ સેન્ટરની સ્થાપના કરવામાં આવશે.

12:39 February 01

રાજકોષીય ખાધ જીડીપીના 6.4 ટકા

2023નું બજેટ રજૂ કરતાં સીતારમણે કહ્યું કે સુધારેલી રાજકોષીય ખાધ જીડીપીના 6.4 ટકા છે. નાણાકીય વર્ષ 24 માટે રાજકોષીય ખાધનો લક્ષ્યાંક જીડીપીના 5.9 ટકા રહેશે. તેણીએ કહ્યું, "હું 2025-26 સુધીમાં રાજકોષીય ખાધને જીડીપીના 4.5 ટકાથી નીચે લાવવાના મારા ઇરાદાને પુનરાવર્તિત કરું છું.

12:37 February 01

મૂડીખર્ચનો લક્ષ્યાંક વધારીને રૂપિયા 10 લાખ કરોડ કરવામાં આવ્યો

મૂડીખર્ચનો લક્ષ્યાંક વધારીને રૂપિયા 10 લાખ કરોડ કરવામાં આવ્યો છે. ત્રણ કરોડનું ટર્નઓવર ધરાવતા સૂક્ષ્મ ઉદ્યોગોને ટેક્સમાં છૂટ આપવામાં આવશે.

12:27 February 01

7 લાખ આવક સુધીની આવક પર કોઈ ટેક્સ નહિ

નાણાપ્રધાને વ્યક્તિગત આવકવેરાને લઈને મોટી જાહેરાત કરી છે. નવી ટેક્સ વ્યવસ્થામાં 7 લાખ રૂપિયા સુધીની આવકને છૂટ આપવામાં આવી છે. તેમણે કહ્યું કે, મેં 2020માં 2.5 લાખ રૂપિયાથી શરૂ થતા 6 આવકના સ્લેબ સાથે નવી વ્યક્તિગત આવકવેરા વ્યવસ્થા રજૂ કરી હતી. હું આ બજેટમાં સ્લેબની સંખ્યા ઘટાડીને રૂપિયા 5 લાખ અને કરમુક્તિની મર્યાદા વધારીને રૂપિયા 3 લાખ કરીને ટેક્સ માળખામાં ફેરફાર કરવાનો પ્રસ્તાવ મૂકું છું.

બજેટમાં ટેક્સ પર મોટી રાહત

0થી 3 લાખ - 0

3થી 6 લાખ - 05 ટકા

6થી 9 લાખ - 10 ટકા

9થી 12 લાખ - 15 ટકા

12થી 15 લાખ - 20 ટકા

15લાખથી વધુ - 30 ટકા

12:24 February 01

30 સ્કીલ ઈન્ડિયા ઈન્ટરનેશનલ સેન્ટરની સ્થાપના

30 સ્કીલ ઈન્ડિયા ઈન્ટરનેશનલ સેન્ટરની સ્થાપના કરવામાં આવશે, પીએમ કૌશલ વિકાસ યોજના 4.0 શરૂ કરવામાં આવશે નાણામંત્રીએ કહ્યું કે, યુવાનોને આંતરરાષ્ટ્રીય તકો માટે કૌશલ્યવાન બનાવવા માટે વિવિધ રાજ્યોમાં 30 સ્કીલ ઈન્ડિયા ઈન્ટરનેશનલ સેન્ટરો સ્થાપવામાં આવશે. આ સાથે સરકાર પ્રધાનમંત્રી કૌશલ વિકાસ યોજના 4.0 શરૂ કરશે. વિવિધ સરકારી એજન્સીઓ, નિયમનકારો અને નિયમનકારી સંસ્થાઓ દ્વારા જાળવવામાં આવતી વ્યક્તિઓની ઓળખ અને સરનામાના રિઝોલ્યુશન અને અપડેટ માટેનો વન-સ્ટોપ સોલ્યુશન ડિજીલોકર સેવા અને આધારનો મૂળભૂત ઓળખ તરીકે ઉપયોગ કરીને સેટ કરવામાં આવશે.

12:20 February 01

સહકારી સમિતી માટે ટીડીએસ માટે 3 કરોડની મર્યાદા અપાઈ

સહકારથી સમૃદ્ધિનો હેતું સાકાર કરવા માટે કેટલાક ઉપાયો કરાયા છે. સરકારી સમિતી માટે 15 ટકા ઓછા કોર્પોરેટ દરનો લાભ મળી રહેશે. પ્રાથમિક કૃષિ સહકારી સમિતીને રોકડમાં આપેલા 2 લાખ રૂપિયાની મર્યાદા અપાશે. સહકારી સમિતી માટે ટીડીએસ માટે 3 કરોડની મર્યાદા અપાઈ છે. સ્ટાર્ટઅપ માટે અનેક ઉપાય કર્યા છે. જેના પરિણામ જોવા મળ્યા છે. ભારત આ યાદીમાં ત્રીજા ક્રમે છે. સ્ટાર્ટ દ્વારા ઈન્કમટેક્સ વધારીને 31.3.2024 સુધીનો પ્રસ્તાવ, IFSC એક્ટમાં પણ બદલાવ કરવામાં આવશે.

12:18 February 01

બજેટમાં મોટી જાહેરાત, શું થશે સસ્તું, શું થશે મોંઘું?

• રમકડાં, સાઈકલ, ઓટોમોબાઈલ સસ્તા થશે
• ઇલેક્ટ્રિક વાહનો સસ્તા થશે
• વિદેશથી આવતી ચાંદીની વસ્તુઓ મોંઘી થશે
• દેશની કિચન ચીમની મોંઘી થશે
• કેટલાક મોબાઈલ ફોન, કેમેરાના લેન્સ સસ્તા થશે
• સિગારેટ મોંઘી થશે

12:14 February 01

પ્રવાસનને લઈને બજેટમાં મોટી જાહેરાતો

50 પ્રવાસન સ્થળોની ઓળખ કરવામાં આવશે. આને સ્થાનિક અને આંતરરાષ્ટ્રીય પ્રવાસન માટે સંપૂર્ણ પેકેજ તરીકે વિકસાવવામાં આવશે. રાજધાનીમાં યુનિટી મોલ ખોલવા માટે રાજ્યોને પ્રોત્સાહિત કરવામાં આવશે. આ અંતર્ગત વન ડિસ્ટ્રિક્ટ, વન પ્રોડક્ટ અને હેન્ડીક્રાફ્ટ વસ્તુઓને પ્રોત્સાહન આપવામાં આવશે.

12:11 February 01

ઈલેક્ટ્રોનિક્સ માટે ભારતમાં મોબાઈલનું ઉત્પાદન વધ્યું

ઈલેક્ટ્રોનિક્સ માટે ભારતમાં મોબાઈલનું ઉત્પાદન વધ્યું છે. મોબાઈલ ફોનનું ઉત્પાદન વધારવા માટે કેમેરા લેન્સની આયાત પર રાહત આપવામાં આવી રહી છે. આ ઉપરાંત લિથિયમ બેટરીને લગતી આયાત માટે પણ રાહત, ટીવી પેનલના સાધનો માટે 2.5 આયાત ડ્યૂટી ઘટાડવામાં આવી છે. ઈનડાયરેક્ટ ટેક્સ: નિકાસને વેગ આપવા, ડોમેસ્ટિક મુલ્ય વધારવા અને હરિત ઉત્પાદનને પ્રોત્સાહિત કરવાનો હેતું છે. 21થી 13 કરવાનો પ્રસ્તાવ મૂકુ છું. રમકડા, સાયકલ અને ઓટોમોબાઈલના સાધનો સસ્તા થશે. ટેક્સની ટકાવારી ઘટાડી છે.

12:08 February 01

મહિલા સન્માન બચત પત્ર શરૂ કરાશે

• મહિલા સન્માન બચત પત્ર શરૂ કરવામાં આવશે. તે બે વર્ષ માટે ઉપલબ્ધ રહેશે. આ માર્ચ 2025 સુધી રહેશે. મહિલાઓ બે વર્ષ માટે બે લાખ રૂપિયા જમા કરાવી શકશે.
• વરિષ્ઠ નાગરિકો માટે બચત યોજનામાં જમા રકમમાં વધારો કરવામાં આવ્યો છે, હવે તેઓ રૂ. 30 લાખ સુધી જમા કરાવી શકે છે….પહેલાં મર્યાદા રૂ. 15 લાખ હતી.
• MIS સ્કીમમાં જમા કરાવવાની રકમમાં પણ વધારો કરવામાં આવ્યો છે. મર્યાદા રૂ.4.5 લાખથી વધારીને રૂ.9 લાખ કરવામાં આવી છે..
• જોઈન્ટ MIS ખાતામાં મર્યાદા 9 લાખ રૂપિયાથી વધારીને 15 લાખ રૂપિયા કરવામાં આવી છે.

12:06 February 01

મહિલા સન્માન બચત પત્ર-માર્ચ 2025 સુધી બે વર્ષ સુધી લઘુ બચત યોજના

આઝાદી અમૃત મહોત્સવ: મહિલા સન્માન બચત પત્ર-માર્ચ 2025 સુધી બે વર્ષ સુધી લઘુ બચત યોજના મળશે. આ મહિલાઓ તથા બાળકીઓના નામ પર બે વર્ષ માટે 7.5 ટકાના વ્યાજે 2 લાખની રકમ જમા કરી શકાય છે. સિનિયર સિટિઝન માટે 15 લાખથી વધારીને .30 લાખ રકમ મર્યાદા વાધારશે. સંયુક્ત ખાતા માટે 9 લાખથી વધારીને 15 લાખ રકમ મર્યાદા કરાશે. રાજ્યને 50 વર્ષ માટે વ્યાજમુક્ત લોન મળી રહેશે.

12:02 February 01

પ્રધાનમંત્રી કૌશલ વિકાસ યોજના 4 લોન્ચ

યુવા શક્તિ: યુવાને સશક્ત કરવા માટે કૌશલ વર્ધન રાષ્ટ્રીય શિક્ષા નીતિ તૈયાર કરી છે. વ્યવસાયની તક ઊભી થાય એવા પ્રયાસ કર્યા છે. પ્રધાનમંત્રી કૌશલ વિકાસ યોજાનામાં આગામી 3 વર્ષમાં આ યોજનાને વેગ આપશે. ઓન જોબ ટ્રેનિંગ આપવામાં આપશે. એઆઈ, રોબોટ્કિસ, મેકાટ્રોનિક, 3ડી, ડ્રોનો જેવા વિષયોને સામિલ કરી લેવાશે. જુદા જુદા રાજ્યમાં સ્કિલ ઈન્ડિયા સેન્ટર શરૂ કરવામાં આવશે. આ લક્ષ્ય હાંસિલ કરવા માટે ડિજિટલ તંત્રને વધુ વિસ્તારવામાં આવશે.

12:01 February 01

પીએમ પ્રણામ યોજનાનો પ્રારંભ, બજેટમાં મોટી જાહેરાતો

• પીએમ પ્રણામ યોજના શરૂ કરવામાં આવશે. આ યોજના વૈકલ્પિક ખાતરોને પ્રોત્સાહન આપવા માટે હશે. આ ઉપરાંત ગોવર્ધન યોજના હેઠળ 500 નવા પ્લાન્ટ લગાવવામાં આવશે.
• વ્યાપારી વિવાદોના સમાધાન માટે સરકાર વિવાદ સે વિશ્વાસ-2 યોજના લાવશે.
• પ્રદુષણ કરતા વાહનોને બદલવા માટે પગલાં લેવાશે. વાહન સ્ક્રેપની નીતિને વધુ વેગ આપવામાં આવશે. જેની શરૂઆત સરકારી વાહનથી થશે. આ માટે કામ ચાલું કરી દેવામાં આવ્યું છે.

11:56 February 01

બજેટની મોટી વાતો- 5G પર સંશોધન માટે એન્જિનિયરિંગ કોલેજોમાં 100 લેબ બનાવાશે

• આગામી નાણાકીય વર્ષમાં રેલવે માટે 2.40 લાખ કરોડ રૂપિયાની જોગવાઈ
• આગામી 1 વર્ષ માટે મફત અનાજ યોજના, આ માટે 2 લાખ કરોડ રૂપિયાનું બજેટ
• મૂડી રોકાણ પરિવ્યય 33% વધારીને 10 લાખ કરોડ રૂપિયા કરવામાં આવી રહ્યો છે, જે GDPના 3.3% હશે.
• રોગચાળાથી પ્રભાવિત MSMEને રાહત આપવામાં આવશે
• 5G પર સંશોધન માટે એન્જિનિયરિંગ કોલેજોમાં 100 લેબ બનાવવામાં આવશે

11:54 February 01

પીપીપીના ધોરણે નૌકાવહનને પણ વેગ અપાશે.

અમૃત ધરોહર: વડાપ્રધાને તાજેતરમાં મન કીબાતમાં કહ્યું હતું કે, રામસર સાઈટની સંખ્યા વધી છે. 75 છે આજે. 2014 પહેલા આ સંખ્યા માત્ર 26 હતી. સરકાર અમૃત ધરોહર સ્કિમ અંતર્ગત આવી ધરોહરનો વિકાસ કરાશે. જેથી પ્રવાસનને પણ વેગ મળશે. આ માટે 3 વર્ષમાં કામ કરાશે. પીપીપીના ધોરણે નૌકાવહનને પણ વેગ અપાશે.

11:47 February 01

બજેટમાં નાણાપ્રધાનની મોટી જાહેરાતો

• PANને ઓળખ પત્ર તરીકે માન્યતા
• ગટર સફાઈ મશીન આધારિત હશે
• સેન્ટર ફોર ઇન્ટેલિજન્સ ફોર AI
• મ્યુનિસિપલ કોર્પોરેશનો તેમના પોતાના બોન્ડ લાવી શકશે
• પીએમ આવાસ યોજનાના ફંડમાં વધારો કરવામાં આવશે

11:44 February 01

પીએમ આવાસ યોજનાનો ખર્ચ વધારાયો

પીએમ આવાસ યોજનાનો ખર્ચ 66% વધારીને 79,000 કરોડ રૂપિયાથી વધુ કરવામાં આવી રહ્યો છે. આગામી 3 વર્ષમાં સરકાર આદિવાસી વિદ્યાર્થીઓને મદદ કરતી 740 એકલવ્ય મોડલ શાળાઓ માટે 38,800 શિક્ષકો અને સહાયક સ્ટાફની નિમણૂક કરાશે.

11:42 February 01

બજેટની 7 પ્રાથમિકતાઓ

નાણાપ્રધાને કહ્યું કે બજેટની 7 પ્રાથમિકતાઓ છે.

1. સમાવેશી વૃદ્ધિ, 2. વંચિતોને પ્રાધાન્ય, 3. ઇન્ફ્રાસ્ટ્રક્ચર અને રોકાણ, 4. ક્ષમતા વિસ્તરણ, 5. હરિયાળી વૃદ્ધિ, 6. યુવા શક્તિ, 7. નાણાકીય ક્ષેત્ર.

11:37 February 01

એગ્રીકલ્ચર એક્સિલરેટર ફંડની સ્થાપના કરવામાં આવશે

એગ્રી-સ્ટાર્ટઅપ્સને પ્રોત્સાહન મળશે:એગ્રીકલ્ચર એક્સિલરેટર ફંડની સ્થાપના કરવામાં આવશે નાણાપ્રધાન નિર્મલા સીતારમણે બજેટની રજૂઆત દરમિયાન જણાવ્યું હતું કે, "મિશન મોડ પર પ્રવાસનને પ્રોત્સાહન આપવા માટે કામ કરવામાં આવશે. તેમણે કહ્યું કે બજેટ 2023-24ની પ્રાથમિકતાઓ સમાવેશી વૃદ્ધિ, છેલ્લા માઈલ સુધી પહોંચવું, ઈન્ફ્રાસ્ટ્રક્ચર અને ઈન્વેસ્ટમેન્ટ, ઉજાગર કરવાની સંભાવના, હરિયાળી વૃદ્ધિ, યુવા અને નાણાકીય ક્ષેત્ર છે. કૃષિ સંબંધિત સ્ટાર્ટઅપ્સને પ્રાથમિકતા આપવામાં આવશે. યુવા ઉદ્યોગસાહસિકો દ્વારા એગ્રી-સ્ટાર્ટઅપ્સને પ્રોત્સાહિત કરવા માટે એગ્રીકલ્ચર એક્સિલરેટર ફંડની સ્થાપના કરવામાં આવશે.

11:35 February 01

મફત અનાજ યોજના વધુ એક વર્ષ સુધી ચાલુ રહેશે

મોટી જાહેરાતઃ મફત અનાજ યોજના વધુ એક વર્ષ સુધી ચાલુ રહેશે. ખાદ્ય સુરક્ષા પ્રત્યેની તેની પ્રતિબદ્ધતાના ચાલુ રાખવા માટે, સરકાર 1 જાન્યુઆરી, 2023 થી એક વર્ષ માટે તમામ અંત્યોદય અને પ્રાથમિકતા ધરાવતા પરિવારોને પ્રધાનમંત્રી ગરીબ કલ્યાણ અન્ન યોજના હેઠળ મફત અનાજ સપ્લાય કરવાની યોજના બનાવી રહી છે. અમલીકરણ કરી રહી છે. નાણાપ્રધાને કહ્યું કે EPFO ​​મેમ્બરશિપ બમણી થવાને કારણે અર્થવ્યવસ્થા ખૂબ જ ઔપચારિક બની ગઈ છે. તેમણે કહ્યું કે, પરંપરાગત કારીગરો અને કારીગરો માટે પીએમ વિશ્વ કર્મ કૌશલ સન્માન પેકેજની કલ્પના કરવામાં આવી છે, જે તેમને MSME મૂલ્ય શૃંખલા સાથે સંકલિત કરતી વખતે તેમના ઉત્પાદનોની ગુણવત્તા, સ્કેલ અને પહોંચને સુધારવા માટે સક્ષમ બનાવશે. ઇન્ડિયન ઇન્સ્ટિટ્યૂટ ઑફ મિલેટ્સ રિસર્ચને શ્રેષ્ઠતાના કેન્દ્ર તરીકે સમર્થન આપવામાં આવશે. 2014 થી સ્થપાયેલી હાલની 157 મેડિકલ કોલેજો સાથે મળીને 157 નવી નર્સિંગ કોલેજો સ્થાપવામાં આવશે.

11:34 February 01

પ્રધાનમંત્રી પીબીટી મિશનની શરૂઆત

આરોગ્ય, શિક્ષણ, જળસંસાધન અને આંતરમાળખાના વિકાસ માટે કામ કરાશે. સમાજના જનજાતિ વર્ગની મદદ કરવા પ્રધાનમંત્રી પીબીટી મિશનની શરૂઆત કરવામાં આવી છે. જે અનેક પરિવારોને મૂળભૂત જરૂરિયાત જેમ કે, આવાસ, પાણી, ફોન જેવી સુવિધા આપવામાં આવે છે. આગામી ત્રણ વર્ષ સુધી આવા પરિવારનો અપાશે. એકલવ્ય મોડલ માટે 38800 મોનટર્સને પસંદ કરવામાં આવશે. કર્ણાટક માટે સુક્ષ્મ સિંચાઈ માટે ભદ્રા પરિયોજના માટે 5300 કરોડની આર્થિક મદદ કરવામાં માટે

11:34 February 01

વિકાસ અને રોજગાર માટે રોકાણમાં સતત ત્રીજા વર્ષે વધારો

મહામારી બાદ ખાનગીક્ષેત્રમાં થતું રોકાણ વધી ગયું છે. વિકાસ અને રોજગાર માટે રોકાણમાં સતત ત્રીજા વર્ષે વધારો થયો છે. 2019-20ની તુલનામાં આ રોકાણ ત્રણ ગણું વધારે હશે. હાલના વર્ષોમાં થયેલી વૃદ્ધિ અને રોજગાર સર્જનને વધારવા માટે સરકાર પ્રયાસ કરી રહી છે.

11:24 February 01

મેડિકલ કૉલેજ તથા નર્સિક કોલેજ શરૂ કરવામાં આવશે

Health: મેડિકલ કૉલેજ તથા નર્સિક કોલેજ શરૂ કરવામાં આવશે, સ્કિલ સ્કેલ એલિમિયા માટે એક મિશન શરૂ કરવામાં આવશે. જેમાં 0-40 વર્ષના દરેક લોકો માટે એક કાઉન્સિલનું કામ કરવામાં આવશે. મેડિકલ કૉલેજ તથા નર્સિક કોલેજ શરૂ કરવામાં આવશે, સ્કિલ સ્કેલ એલિમિયા માટે એક મિશન શરૂ કરવામાં આવશે. જેમાં 0-40 વર્ષના દરેક લોકો માટે એક કાઉન્સિલનું કામ કરવામાં આવશે. ટીચર્સ ટ્રેનિંગને નવા દ્રષ્ટિકોણથી આકાર આપવા માટેનો પ્રયાસ કરાશે. યુવા અને બાળકો માટે રાષ્ટ્રીય ડિજિટલ લાયબ્રેરી શરૂ કરાશે. જેમાં અનેક પ્રકારની સારી બુક્સ મળી રહેશે. તે કોઈ પણ માધ્યમ પર પ્રાપ્ય રહેશે. પંચાયત સ્તરે પણ તે માટે એક માળખું તૈયાર કરવામાં આવશે. જેથી રાષ્ટ્રીય ડિજિટલ લાયબ્રેરી બનાવી શકાય. અભ્યાસને વેગ આપવા માટે આ પગલું લેવાઈ રહ્યું છે. સાક્ષરતા માટે કામ કરતા એનજીઓને પણ આ મિશન હેતું સાંકળી લેવામાં આવશે. ઉમર અનુસાર જે તે વ્યક્તિને પુસ્તક મળે એવી વ્યવસ્થા કરવામાં આવશે. સમાજના અંતિમ વ્યક્તિ સુધી પહોંચવા માટે પ્રયત્ન કરી રહ્યા છે. વડાપ્રધાન વાયપેઈ એ પૂર્વત્તર માટે કામ કર્યું હતું. જળશક્તિ જેવા મંત્રાલયની સ્થાપના કરી છે.

11:23 February 01

પશુપાલન, ડેરી તથા મત્સ્ય ઉદ્યોગને વેગ આપવા માટે યોજના

આપણે દુનિયામાં સૌથી મોટા અન્ન ઉત્પાદક છીએ. કેટલાય પ્રકારના અન્ન ભારતમાં ઉગે છે. જેના ઘણા ફાયદાઓ છે. વર્ષોથી આ અન્ન દરેકની થાળીમાં મુખ્ય છે. ખેડૂતોને આ માટે ખૂબ ખૂબ આભાર. પશુપાલન, ડેરી તથા મત્સ્ય ઉદ્યોગને વેગ આપવા માટે યોજના લાવી રહ્યા છીએ. જેમાં 6000 કરોડનું રોકાણ કરવામાં આવશે. પીએમ મત્સ્ય યોજનાથી માછીમાર, મછલી વિક્રેતાઓને ફાયદો થશે. ખાસ કરીને નાના ખેડૂતો માટે સરકાર સહકારી આધારીત આર્થિક વિકાસ મોડલને વેગ આપી રહી છે. આ વિઝનને સાકાર કરવા માટે પહેલાથી જ 63000 પીએસીએમનું કામ શરૂ થઈ ચૂક્યું છે. 2516 કરોડનું ફંડ નક્કી કરાયું છે. વિકેન્દ્રીકરણ માટે યોજના તૈયાર કરીશું. જેનાથી ખેડૂતોને સમયસર એનો પાક વેચવામાં મદદ મળી રહેશે. સહકારી સોસયટીઓ

11:17 February 01

કૃષિ માટે ડિજિટલ ઈન્ફ્રા. તૈયાર કરાશે

સૌનો સાથ સૌના વિકાસે ખેડત, યુવા, મહિલા, દિવ્યાંગ અને આર્થિક રીતે નબળા લોકોને આવરી લઈને વિકાસ કર્યો છે. તમામને એક સ્તર આપવામાં આવ્યું છે. ખાસ કરીને પૂર્વોત્તર અને કાશ્મીર જેવા રાજ્યમાં પૂરતું ધ્યાન આપવામાં આવ્યું છે. કૃષિ માટે ડિજિટલ ઈન્ફ્રા. તૈયાર કરાશે. જેમાં પાક અને આરોગ્ય માટે, ફાર્મ, વીમા, પાક મુલ્યાંક, માર્કેટ ઈન્ટેલિજન્સ, ખેડૂત સમાધાન જેવી સુવિધાઓ મળી રહેશે. કૃષિ સ્ટોર્ટ ખોલવા માટે એમને પ્રોત્સાહિત કરવા માટે કૃષિ વર્ધક પોલીસી સ્થાપિત કરાશે. જેનો હેતું ખેડૂતોની સમસ્યાઓનો નીવેડો લાવવાનું રહેશે. આ માટે ઉત્પાદક પર પૂરતું પણ ધ્યાન આપવામાં આવશે. પીપીપીના ધોરણે પણ વેલ્યુ ચેઈન દ્રષ્ટિકોણ અપનાવવામાં આવશે. માર્કેટ લિંકની વ્યવસ્થા કરવામાં આવશે.

11:15 February 01

ઊર્જાના સારા ઉપયોગ માટે સરકાર કામ કરી રહી

હરિત વિકાસ: હરિત ભવનથી લઈને હરિત સાધનો માટે અનેક કાર્યક્રમ તથા ઊર્જાના સારા ઉપયોગ માટે સરકાર કામ કરી રહી છે. જે કાર્બનનું ઉત્પાદન ઓછું કરવા માટે કામ છે. એ ક્ષેત્રમાં પણ સારી એવી રોજગારીનું સર્જન કરે છે.

11:13 February 01

2014 બાદ દરેક વ્યક્તિઓની આવકમાં મોટો વધારો થયો

વર્ષ 2014 બાદ દરેક વ્યક્તિઓની આવકમાં મોટો વધારો થયો છે. પર્યટન વિદેશી પ્રવાસીઓ માટે પણ ઘણા ડેસ્ટિનેશન છે. આમા ઘણી મોટી તક રહેલી છે. જેનો ઉપયોગ કરવાનો છે. આ માટે યુવાનો માટે રોજગારીની તક છે. પ્રવાસનને રાજ્યો વેગ આપી શકે છે. મિશન આધારિત કામ કરવામાં આવશે

11:12 February 01

ત્રણ માપદંડો પર કામ કરવામાં આવ્યું, 81 લાખ મહિલાઓને એક સમુહ સાથે જોડી દેવામાં આવી

આ સિદ્ધિઓ માટે ત્રણ નાગરિકો (યુવા માટે તક), વિકાસ અને રોજગારી સર્જન, આર્થિક મજબુતી માટે પગલાં લેવા આ ત્રણ માપદંડો પર કામ કરવામાં આવી. રાષ્ટ્રીય આજીવિકા મિશને અસાધારણ સફળતા મેળવી છે. 81 લાખ મહિલાઓને એક સમુહ સાથે જોડી દેવામાં આવી છે. મોટી સંખ્યામાં હજુ મહિલાઓને આ યોજનામાં જોડી દેવામાં આવશે. મહિલાઓને સક્ષમ બનાવવા આવશે જેથી તેમના ગૃહઉત્પાદન વૈશ્વિક સ્તરે પ્રાપ્ય બની રહે.

11:09 February 01

ભારતીય અર્થવ્યવસ્થાનો આકાર નવ વર્ષમાં બદલ્યો

આર્થિક વિકાસ કરવા માટે લોકકેન્દ્રીય યોજના પર ચાલી રહ્યા છે. વર્ષ 2014થી દેશવાસી શાંતિથી જીવન જીવી શકે એ માટે કામ કર્યું છે. ભારતીય અર્થવ્યવસ્થાનો આકાર આ નવ વર્ષમાં બદલ્યો છે. કારોબાર માટે અનુકુળ વાતાવરણ બદલાવ્યુ છે. જેવી રીતે વૈશ્વિક ધોરણે પરિવર્તન થાય છે.

11:07 February 01

અમૃતકાળમાં યોજાઈ રહેલું પહેલું બજેટ છે - નાણાપ્રધાન

અમૃતકાળમાં યોજાઈ રહેલું પહેલું બજેટ છે. સમૃદ્ધ અને સમાવેશી ભારતની કલ્પના કરીએ છીએ. ખાસ કરીને યુવાનો તથા તમામ દેશવાસી સુધી પહોંચવાનો લક્ષ્યાંક છે. સચોટ નીતિ પર ધ્યાન કેન્દ્રીય કર્યું છે. જેના કારણે જરૂરિયાત ધરાવતા લોકોને મદદ મળી છે. દુનિયામાં ભારતનું કદ વધી રહ્યું છે. જેની પાછળ કેટલીય સિદ્ધિઓ આભારી છે. જેમાં યુપીઆઈ અને વેક્સિનેશન જેવી સિદ્ધિઓ જવાબદાર છે. કોવિડ-19 મહામારી દરમિયાન 28 મહિના સુધી લોકોને ખાદ્ય સામગ્રી આપી છે.

10:10 February 01

નાણાપ્રધાન નિર્મલા સીતારમણનું લોકસભામાં બજેટ ભાષણ શરૂ

વડાપ્રધાન મોદી અને અમિત શાહ સંસદ ભવન પહોંચ્યા છે. કેબિનેટની બેઠકમાં બજેટ 2023ને મંજુરી મળી છે. નિર્મલા સીતારમણ 11 વાગે લોકસભામાં બજેટ રજૂ કરશે.

10:00 February 01

બજેટ શરૂ થતા પહેલા સેંસેક્સમાં 400 પોઈન્ટનો ઉછાળો, નિફ્ટી 17700 પોઈન્ટ પર ઓપન થયો

બજેટ શરૂ થતા પહેલા સેંસેક્સમાં 400 પોઈન્ટનો ઉછાળો જોવા મળ્યો છે. નિફ્ટી 17700 પોઈન્ટ પર ઓપન થયો છે. દિવસની શરૂઆતમાં રીયલ એસ્ટેટ સેક્ટરમાં નવા જૂની થાય એવા એંધાણ જોવા મળ્યા હતા. બેકિંગ અને ટેલિકોમ સેક્ટર પણ ગ્રીન સિગ્નલ સાથે ઓપન થયા છે.

09:55 February 01

નાણાપ્રધાન નિર્મલા સીતારમણ સંસદ ભવન પહોંચ્યા, થોડી વારમાં કેબિનેટની બેઠક

નાણાપ્રધાન નિર્મલા સીતારમણ સંસદ ભવન પહોંચ્યા છે. થોડી વારમાં સંસદમાં કેબિનેટની બેઠક મળશે. જેમાં બજેટને મંજૂરી આપવામાં આવશે. એ પછી નિર્મલા સીતારમણ સંસદમાં બજેટ રજૂ કરશે.

09:28 February 01

Budget 2023 Updates: દેશનું 75મું બજેટ અને નિર્મલા સીતારમણનું પાંચમું બજેટ રજૂૂ

નાણાપ્રધાન નિર્મલા સીતારમણ રાષ્ટ્રપતિ ભવન પહોંચ્યા છે. બજેટની પહેલી કોપી રાષ્ટ્રપતિને બતાવી હતી. રાષ્ટ્રપતિએ બજેટને મંજુરી આપી હતી. થોડી વારમાં સંસદમાં કેબિનેટની બેઠક મળશે. જેમાં બજેટને મંજૂરી આપવામાં આવશે. એ પછી નિર્મલા સિતારમણ સંસદમાં બજેટ રજૂ કરશે.