ચંદીગઢઃ પંજાબ અને હરિયાણા હાઈકોર્ટમાં એક અલગ પ્રકારનો મામલો સામે આવ્યો છે. આ બાબતને લઈને પણ અનેક સવાલો ઉઠી રહ્યા છે. હકીકતમાં કોર્ટ સમક્ષ બે યુવતીઓ દ્વારા એકબીજા સાથે લગ્ન કરવાની પરવાનગી માંગવામાં આવી છે. આટલું જ નહીં આને લગતી અરજી પણ બંને દ્વારા દાખલ કરવામાં આવી છે.
લગ્ન કરવાની છૂટ આપવા અરજી:સામે આવેલી માહિતી પ્રમાણે મળતી માહિતી મુજબ આ યુવતીઓ ચંદીગઢ અને મોહાલી વચ્ચેના સેક્ટરની રહેવાસી છે. બંનેએ કોર્ટમાં અરજી કરી છે અને માંગ કરી છે કે તેઓને એકબીજા સાથે લગ્ન કરવાની છૂટ આપવામાં આવે. હાઈકોર્ટમાં દાખલ કરવામાં આવેલી આ અરજીમાં કહેવામાં આવ્યું છે કે એક યુવતીનો પરિવાર આ લગ્ન માટે રાજી છે પરંતુ બીજી યુવતીનો પરિવાર સહમત નથી.
આ પણ વાંચો:શ્રી કૃષ્ણ જન્મભૂમિ ઇદગાહ કેસમાં કોર્ટનો સર્વેનો આદેશ, અમીને 17મી સુધીમાં રિપોર્ટ સોંપવો પડશે
કોર્ટની ટિપ્પણી:ઉલ્લેખનીય છે કે આ અંગે કોર્ટ કહ્યું છે કે ભારતમાં સમલૈંગિક લગ્ન માન્ય નથી. આને લગતા ઘણા મામલા સુપ્રીમ કોર્ટમાં પણ વિચારણા હેઠળ છે. તેથી કોર્ટ બંનેને સાથે રહેવા દેવાનો અધિકાર આપી શકે છે, પરંતુ લગ્ન જેવી મહત્વની મંજૂરી આપી શકાતી નથી.
આ પણ વાંચો:Fertility Care: વૈશ્વિક સ્વાસ્થ્ય માટે જરૂરી પ્રજનન સંભાળનો અભાવ - WHO
યુવતીઓની અપાઈ સુરક્ષા: યુવતીઓના વકીલે કહ્યું કે, કોર્ટે આદેશ આપ્યો છે કે યુવતીઓની સુરક્ષા સુનિશ્ચિત કરવામાં આવે. તેથી, ચંદીગઢ પોલીસને ખાસ સૂચના આપવામાં આવી છે. કારણ કે છોકરીઓએ કહ્યું છે કે તેમના પરિવાર આ લગ્નથી નારાજ થઈ શકે છે અને તેમનો જીવ જોખમમાં હોઈ શકે છે. કહેવામાં આવી રહ્યું છે કે આ બંને યુવતીઓ તાજેતરમાં સાથે રહી રહી છે. બંનેની ઉંમર 20 વર્ષથી વધુ છે અને બંને એક જ જગ્યાએ કામ કરે છે. બીજી તરફ તેઓએ કહ્યું કે અમે લિવ-ઈનમાં પણ ખુશીથી જીવીએ છીએ.
