બિલાસપુરનો એક પરિવાર દરરોજ કેમ ફરકાવે છે તિરંગો, જાણો

આપણા દેશમાં કેટલાક દેશભક્તો છે, જે છેલ્લા 20 વર્ષથી ઘરની છત પર ધ્વજ લહેરાવી રહ્યા છે. આખી દુનિયા તેમની દેશભક્તિને સલામ કરી રહી છે. આ જ કારણ છે કે, આ અનોખી દેશભક્તિને ગોલ્ડન બુક ઓફ રેકોર્ડ દ્વારા નોંધવામાં આવી છે.

• નિવૃત્ત પ્રોફેસરનું નામ ગોલ્ડન બુક ઓફ વર્લ્ડ રેકોર્ડમાં પણ નોંધાયેલું છે
• એક શિક્ષક દંપતિ છેલ્લા 20 વર્ષથી ઘરની છત પર ધ્વજ લહેરાવી રહ્યા છે
• અહીં કોઈપણ તહેવારની શરૂઆત પણ રાષ્ટ્રગીતથી થાય છે

બિલાસપુર: દેશભક્તિનો જુસ્સો એવો છે કે, છેલ્લા 20 વર્ષથી એક શિક્ષક દંપતિ સંપૂર્ણ કાયદા સાથે તેમના ઘરની છત પર ધ્વજારોહણ કરે છે. ધ્વજ ફરકાવ્યા બાદ પતિ -પત્ની તિરંગાને સલામી આપી અને રાષ્ટ્રગીત પણ ગાય છે. એટલું જ નહીં, તેણે ઘરની સીમા દિવાલને ત્રિરંગા એટલે કે ત્રણ રંગમાં રંગી રાખી છે. આ માટે નિવૃત્ત પ્રોફેસરનું નામ ગોલ્ડન બુક ઓફ વર્લ્ડ રેકોર્ડમાં પણ નોંધાયેલું છે.

આ પણ વાંચો- દાહોદઃ 72માં પ્રજાસત્તાક દિને 2 હેલીકોપ્ટર રાષ્ટ્રધ્વજ ઉપર ગુલાબની પાંખડીઓ વરસાવશે

કેકે શ્રીવાસ્તવે પોતાના ઘરમાં આ પરંપરા વર્ષ 2002થી શરૂ કરી છે

નહેરુ નગરમાં આઈટીઆઈના નિવૃત્ત પ્રોફેસર કેકે શ્રીવાસ્તવની આ વાત છે. તેમણે પોતાના ઘરમાં આ પરંપરા વર્ષ 2002થી શરૂ કરી છે, જે આજ સુધી ચાલુ છે. જો તેના ઘરે કોઈ મહેમાન આવે તો તેને તિરંગાની સામે સલામ કરવી જરૂરી છે, એ પછી જ ઘરમાં આગળનું કામ થાય છે.

નોકરી દરમિયાન તેઓ તેમની સરકારી ઓફિસમાં તિરંગો ફરકાવતા હતા

કેકે શ્રીવાસ્તવે જણાવ્યું છે કે, બાળપણમાં 15 ઓગસ્ટના રોજ તેમને તેમની શાળાના શિક્ષકે ધ્વજની છાયા નીચે ઉભા રહેવાની ના પાડી હતી. તેઓ માન્યા નહી તેથી તેમને ધક્કો મારીને દૂર કરવામાં આવ્યા. આ જ વાત તેના મનમાં ઘર કરી ગઈ. ત્યારે તેઓ નાના હતા, પણ ત્યારથી તેણે નક્કી કર્યું હતું કે, એક દિવસ તે પણ તિરંગો ફરકાવશે. અગાઉ, નોકરી દરમિયાન તેઓ તેમની સરકારી ઓફિસમાં તિરંગો ફરકાવતા હતા.

કેકે શ્રીવાસ્તવના ઘરમાં દરરોજ તિરંગો ફરકાવવામાં આવે છે

પરંતુ 2002માં નવીન જિંદલે સુપ્રીમ કોર્ટમાં અરજી દાખલ કરી કહ્યું, તો સુપ્રીમ કોર્ટના આદેશ પછી તેઓ સરકારી આવાસમાં અને રિટાયર થયા બાદ ખાનગી નિવાસસ્થાનમાં તિરંગો ફરકાવી સલામી આપે છે અને રાષ્ટ્રગીત ગાય છે. તે તેના પરિવારને પણ આવું કરવા માટે પ્રેરણા આપે છે. કેકે શ્રીવાસ્તવે જણાવ્યું કે, તેણે લગ્ન બાદ આ વાત તેની પત્ની સાથે શેર કરી, પછી પત્નીએ પણ તેને આ કામ કરવા માટે સાથ આપ્યો અને આજ સુધી તે તેને સપોર્ટ કરી રહી છે. આના પરિણામે ઘરના દરેક સભ્યએ પતિનો આદર્શ અપનાવ્યો છે. તેમના ઘરમાં દરરોજ તિરંગો ફરકાવવામાં આવે છે.

બિલાસપુરનો એક પરિવાર દરરોજ કેમ ફરકાવે છે તિરંગો, જાણો

આ પણ વાંચો- રાજ્યના સામાન્ય વહીવટ વિભાગે જારી કર્યા આદેશો, રાષ્ટ્રધ્વજ અડધી કાઠીએ ફરકાવાશે

દીકરા-દીકરીઓએ પણ પરંપરાને ચાલુ રાખી

શ્રીવાસ્તવ પરિવારે તિરંગો ફરકાવવાનો અને તેના સન્માનને પોતાની ધરોહર માની લીધી છે. કેકે શ્રીવાસ્તવની પત્ની નીરજા શ્રીવાસ્તવે જણાવ્યું કે, તેમની એક પુત્રી શ્વેતા દિલ્હીમાં ડોક્ટર છે અને બીજી પુત્રી નીલમ વીજળી વિભાગમાં છે. સાથે જ દીકરાએ IIT કર્યુ છે અને PSC ની તૈયારી કરી રહ્યો છે અને તેનામાં પણ તિરંગો ફરકાવવાનો અને દેશ માટે પણ જુસ્સો છે.

બિલાસપુરનો એક પરિવાર દરરોજ કેમ ફરકાવે છે તિરંગો, જાણો

સુપ્રીમ કોર્ટના નિર્ણય પછી નિયમિત કરી રહ્યા છે ધ્વજારોહણ

નિવૃત્ત પ્રોફેસર કે.કે. શ્રીવાસ્તવે જણાવ્યું કે, સરકારે વર્ષ 2002 પછી ઘર અથવા ઓફિસમાં નિયમિત તિરંગો ફરકાવવાથી અનુમતિ આપી છે. ત્યારથી તેઓ આ કરી રહ્યા છે. આની પાછળનો હેતુ લોકોને તેમના દેશ અને રાષ્ટ્રધ્વજ પ્રત્યે ગંભીર બનાવવાનો છે. તેઓ ઈચ્છે છે કે, તેમનો રાષ્ટ્રધ્વજ દરેક ઘરમાં લહેરાતો રહે. તેનાથી તેમને ખુશી મળશે. તેમના બાળકો પણ તેમને આ કાર્યમાં આગળ આવવા માટે પ્રેરણા આપે છે.

ગોલ્ડન બુક ઓફ રેકોર્ડમાં નોંધાયું નામ

પ્રોફેસરના આ જુસ્સાની વાત એટલી લોકપ્રિય બની કે ગોલ્ડન બુક ઓફ રેકોર્ડ્સની ટીમે તેમનો સંપર્ક કર્યો અને તેમનું નામ ગોલ્ડન બુક ઓફ રેકોર્ડમાં નોંધાયું છે. આ કામનો તમામ શ્રેય તે પોતાના પરિવારને આપે છે. અહીં કોઈપણ તહેવારની શરૂઆત પણ રાષ્ટ્રગીતથી થાય છે.

આસપાસના લોકો પણ કરે છે મદદ

શ્રીવાસ્તવે કહ્યું કે, તેના પડોશમાં રહેતા લોકો પણ તેને મદદ કરે છે અને કહે છે કે, એવો કોઇ દિવસ નહીં હોય, જ્યારે પ્રોફેસર દંપતિએ તેમના ઘરે ધ્વજ ફરકાવ્યો ન હોય. પછી ભલે તે ઠંડી હોય, વરસાદ હોય કે ગરમી. તેમની છત પર દરરોજ ધ્વજ ફરકાવવામાં આવે છે.

બિલાસપુરનો એક પરિવાર દરરોજ કેમ ફરકાવે છે તિરંગો, જાણો

આ પણ વાંચો- રાજ્યપાલ આચાર્ય દેવવ્રતે દાહોદમાં રાષ્ટ્રધ્વજ ફરકાવી 72માં પ્રજાસત્તાક પર્વની ઉજવણી કરી

દેશવાસિયોએ લેવી જોઇએ શીખ

આ દેશભક્ત દંપતી પાસેથી આવા રાજકારણીઓ અને નાગરિકોએ શીખવું જોઈએ, જેઓ માત્ર 15મી ઓગસ્ટ અને 26મી જાન્યુઆરીએ રાષ્ટ્રધ્વજ ફરકાવે છે અને તેને ભૂલી જાય છે. આપણે બધાએ દેશભક્તિનું આ અનોખું ઉદાહરણ અપનાવવાની જરૂર છે જેથી આપણા યુવાનો તેના માટે પ્રેરિત થાય.