- યુનેસ્કો ક્રિએટિવ સિટી નેટવર્ક હેઠળ હસ્તકલા-લોકકલા શ્રેણી પસંદ કરવામાં આવી
- યુનેસ્કો ક્રિએટિવ સિટી નેટવર્કમાં સાત સર્જનાત્મક ક્ષેત્રોનો સમાવેશ થાય છે
- ભારતમાં ત્રણ શહેરોને વર્ષ 2019માં સર્જનાત્મકતાની માન્યતા આપી હતી
શ્રીનગર (J&K): એક મહત્વપૂર્ણ વિકાસમાં, જમ્મુ અને કાશ્મીરની ઉનાળાની રાજધાની શ્રીનગરને યુનેસ્કો ક્રિએટિવ સિટી(UNESCO Creative City) નેટવર્ક હેઠળ હસ્તકલા અને લોકકલા(Crafts and folk art) શ્રેણી હેઠળ પસંદ કરવામાં આવ્યું છે. કલા અને હસ્તકલા માટેના ક્રિએટિવ સિટી નેટવર્કમાં સમાવેશથી શ્રીનગર માટે યુનેસ્કો દ્વારા વૈશ્વિક મંચ પર તેની હસ્તકલાનું પ્રતિનિધિત્વ કરવાનો માર્ગ મળ્યો છે.
યુનેસ્કો ક્રિએટિવ સિટી નેટવર્કમાં કલા અને લોક કલા, મીડિયા, ફિલ્મ, સાહિત્ય, ડિઝાઇન, ગેસ્ટ્રોનોમી અને મીડિયા આર્ટ્સના સાત સર્જનાત્મક ક્ષેત્રોનો સમાવેશ થાય છે.
વર્ષ 2019 ત્રણ ભારતીય શહેરોને સર્જનાત્મકતાની માન્યતા હતી
શ્રીનગર માટે ક્રિએટિવ સિટી તરીકે નોમિનેશન માટેનો ડોઝિયર સૌપ્રથમ વર્ષ 2019માં શ્રીનગર દ્વારા ફાઈલ કરવામાં આવ્યો હતો જો કે તે વર્ષ દરમિયાન ગેસ્ટ્રોનોમી માટે હૈદરાબાદ અને ફિલ્મ માટે મુંબઈની જ પસંદગી કરવામાં આવી હતી. વર્ષ 2019 પહેલા માત્ર ત્રણ ભારતીય શહેરોને સર્જનાત્મક શહેરો માટે UCCN ના સભ્ય તરીકે માન્યતા આપવામાં આવી હતી - 2015માં જયપુર (હસ્તકલા અને લોકકલા), 2015માં વારાણસી (સંગીતનું સર્જનાત્મક શહેર) અને 2017માં ચેન્નાઈ (સંગીતનું સર્જનાત્મક શહેર). વર્ષ 2020 માટે યુનેસ્કોએ ક્રિએટિવ સિટી નેટવર્ક માટે અરજીઓ મંગાવી ન હતી.