જમ્મુ કાશ્મીર (Jammu Kashmir): LOC પર આતંકીઓ સાથે અથડામણમાં એક જવાન ઘાયલ

જમ્મુ-કાશ્મીર (Jammu Kashmir) ના રાજૌરી જિલ્લામાં નિયંત્રણ રેખાની પાસે શંકાસ્પદ આતંકવાદીઓ સાથે એન્કાઉન્ટર થતા એક જવાન ઘાયલ થયો હતો. મંગળવાર અને બુધવારે રાત્રે સર્ચ ઓપરેશન દરમિયાન આ ઘટના બની હતી. હાલ વિસ્તારમાં સર્ચ ઓપરેશન ચાલી રહ્યું છે.

• જમ્મુ-કાશ્મીરના રાજૌરી જિલ્લામાં સર્ચ ઓપરેશન
• સૈનિકો અને આતંકવાદીઓ વચ્ચે એન્કાઉન્ટર
• ઘટનામાં એક જવાન ઘાયલ

શ્રીનગર: જમ્મુ-કાશ્મીરના રાજૌરી જિલ્લામાં ગઈકાલે રાત્રે લાઇન ઓફ કંટ્રોલ (LOC) પર સર્ચ ઓપરેશન દરમિયાન સૈનિકો અને શંકાસ્પદ આતંકવાદીઓ વચ્ચે એન્કાઉન્ટર થયું હતું. જેમાં સેનાનો એક જવાન ઘાયલ થયો હતો. આર્મીના વ્હાઇટ નાઈટ કોર્પ્સે (White Knight Corps) આ માહિતી આપી હતી.

LOC પર સૈનિકો અને આતંકવાદીઓ વચ્ચે એન્કાઉન્ટર

અંગે વધુમાં અધિકારીઓએ જણાવ્યું હતું કે, આ ઘટના મંગળવાર અને બુધવારની રાત્રે બની હતી. જ્યારે દાદલ (Dadal)ગામે સર્ચ ઓપરેશન ચાલુ હતું તે દરમિયાન આ ઘટના બની હતી. તેમણે જણાવ્યું કે, આંતકીઓ અંગે માહિતી મળ્યા બાદ, મંગળવારે સાંજે નિયંત્રણ રેખાની પાસે આવેલા એક ગામ અને તેની આસપાસના વિસ્તારોમાં સર્ચ ઓપરેશન શરૂ કરવામાં આવ્યું હતું.આ દરમિયાન આતંકવાદીઓએ સુરક્ષા દળો પર ફાયરિંગ શરૂ કરી દીધું હતું. આ પછી સુરક્ષા દળોએ જવાબી કાર્યવાહી કરી હતી અને બંને તરફથી ફાયરિંગ થતા સેનાનો એક જવાન ઘાયલ થયો હતો. હાલ જવાનને હોસ્પિટલમાં દાખલ કરવામાં આવ્યો છે.હાલમાં વિસ્તારમાં સર્ચ ઓપરેશન ચાલુ છે. અધિકારીઓએ જણાવ્યું હતું કે, સ્થળ ઉપર વધારાના જવાનો તૈનાત કરવામાં આવ્યા છે અને આતંકવાદીઓને ઠાર કરવાનો પ્રયાસો ચાલુ છે.

આ પણ વાંચો : ડ્રોન પેધું પડ્યુંઃ જમ્મુમાં ફરી Suspected drone activity જોવા મળી

જમ્મુમાં આર્મી બેઝ પાસે ફરી દેખાયા 2 ડ્રોન

જમ્મુમાં ભારતીય વાયુસેનાના એરબેઝ (Indian Air Force Airbase)પર ડ્રોન હુમલા (Drone attacks) પછી આસપાસના વિસ્તારોમાં સતર્કતા વધારી દેવામાં આવી હતી, પરંતુ આ વિસ્તારમાં ફરી એક વાર ત્રીજા દિવસે પણ ડ્રોન (Drone) જોવા મળ્યા હતા. આ અંગે મળતી માહિતી અનુસાર, બુધવારે સવારે જમ્મુના કાલૂચક અને કુંજવાની વિસ્તારમાં 2 ડ્રોન દેખાયા હતા. જોકે, આ અંગે વિસ્તૃત માહિતી નથી મળી. મંગળવારે પણ જમ્મુ શહેરના બાહ્ય વિસ્તારોમાં એક સૈન્ય સ્ટેશનની ઉપર 2 ડ્રોન જોવા મળ્યા હતા, પરંતુ ત્યારબાદથી તે અખબારોનું એક બંડલ નીકળ્યું હતું.

આ પણ વાંચો : Jammu Kashmir: સીમાંકન પંચની આજે મહત્વપૂર્ણ બેઠક