મહારાષ્ટ્ર:શરદ પવારે મંગળવારે નેશનલ કોંગ્રેસ પાર્ટી (NCP)ના અધ્યક્ષ પદેથી રાજીનામું આપવાની જાહેરાત કરી હતી. પવારે હજુ સુધી પદ છોડવાનું કારણ જણાવ્યું નથી. જોકે હાલ તેમણે આ પદેથી રાજીનામું આપ્યું હોવાની માહિતી મળી રહી છે. NCP મહારાષ્ટ્રમાં મહા-વિકાસ અઘાડી ગઠબંધનમાં સહયોગી છે. 4 દિવસ પહેલા ગુરુવારે શરદ પવારે કહ્યું હતું કે, રોટલા ફેરવવાનો સમય આવી ગયો છે. તેમને કોઈએ કહ્યું કે, રોટલા યોગ્ય સમયે ફેરવવા પડે છે. જો ઉલટાવી લેવામાં ન આવે તો તે કડવી બની જાય છે. આ નિવેદન પર અજિત પવારે કહ્યું કે, નવા ચહેરાઓને આગળ લાવવાની એનસીપીની પરંપરા રહી છે.
આ પણ વાંચો:New Parliament building: મેના અંત સુધીમાં નવી સંસદ ભવનનું ઉદ્ઘાટન થવાની સંભાવના
પવારની રાજકીય સફર: શરદ પવારનો જન્મ તારીખ 12 ડિસેમ્બર, 1940ના રોજ થયો હતો. પવારે 1967માં કોંગ્રેસ સાથે રાજકીય સફર શરૂ કરી હતી. તેઓ પહેલીવાર 1984માં બારામતીથી લોકસભા ચૂંટણી જીત્યા હતા. તેમણે 20 મે 1999ના રોજ કોંગ્રેસથી અલગ થઈ ગયા અને 25 મે 1999ના રોજ એનસીપીની રચના કરી. એનસીપીની રચના શરદ પવાર, તારિક અનવર અને પીએ સંગમાએ મળીને કરી હતી. આ ત્રણેય અગાઉ કોંગ્રેસમાં હતા.મહારાષ્ટ્રના સૌથી યુવા મુખ્યપ્રધાન બનવાનો રેકોર્ડ તેમના નામે છે.
ચાર વખત મુખ્યપ્રધાનઃ 1993માં તેમણે ચોથી વખત સીએમ તરીકે શપથ લીધા હતા. તેમની રાજકીય કારકિર્દીમાં તેઓ યુપીએ સરકારમાં કેન્દ્રીય મંત્રી પણ રહી ચૂક્યા છે. આ સિવાય તેઓ ભારતીય ક્રિકેટ કંટ્રોલ બોર્ડ (BCCI)ના પ્રમુખ પણ રહી ચૂક્યા છે. પવાર 2005 થી 2008 સુધી BCCI ના અધ્યક્ષ હતા અને 2010 માં ICC ના અધ્યક્ષ બન્યા હતા. પવાર રાષ્ટ્રવાદી કોંગ્રેસ પાર્ટીના અધ્યક્ષ છે. પોતાનો રાજકીય વારસો પુત્રી સુપ્રિયા સુલેને સોંપી દીધો છે. NCPના ટોચના નેતાઓમાંના એક હોવા ઉપરાંત, સુપ્રિયા 2009 અને 2014માં તેમના પિતાની બેઠક બારામતીથી બે વખત સાંસદ રહી ચૂક્યા છે.
આ પણ વાંચો:Weather Forecast: રાજધાની દિલ્હી સહિત ઉત્તર ભારતના રાજ્યમાં વરસાદનું એલર્ટ, પશ્ચિમ પ્રાંતને અસર
નિર્ણય પાછો ખેંચવા અપીલઃ ઘણાને આશ્ચર્યચકિત કરનાર એક પગલામાં આ પગલું ગણી શકાય છે. જે રાજકીય સંગઠન તેમણે બે દાયકા કરતાં પણ વધુ સમય પહેલાં શરૂ કર્યું હતું. શરદ પવારની આ પોતાની જ પાર્ટી હતી તે કહેવું પણ ખોટું નથી. હાલ તો તેના તેમના જ નેતાઓ જ હોબાળો કરી રહ્યા છે અને કહી રહ્યા છે કે તમારો આ નિર્ણય પાછો ખેચી લો. પવારે જણાવ્યું કે' “રાજ્યસભામાં મારો ત્રણ વર્ષનો કાર્યકાળ બાકી છે. હું હવેથી ચૂંટણી લડીશ નહીં,” એનસીપી વડા, જેમણે 1999 માં પક્ષની સ્થાપના કરી હતી, તેમની આત્મકથા 'લોક માઝે સંગાતિ' ની બીજી આવૃત્તિના લોન્ચિંગ સમયે જણાવ્યું હતું. “મેં મારી રાજકીય કારકિર્દી 1 મે, 1960ના રોજ શરૂ કરી હતી. ગઈકાલે અમે મે દિવસની ઉજવણી કરી હતી. આ લાંબી રાજકીય કારકિર્દી પછી ક્યાંક અટકવાનું વિચારવું જ જોઈએ.”
નેતાઓનો વિરોધ:પવારની હાજરીમાં એનસીપીના નેતાઓ અને કાર્યકરોએ તેમની બહાર નીકળવાના વિરોધમાં સૂત્રોચ્ચાર કર્યા, અને કહ્યું કે તેઓ "જ્યાં સુધી તેઓ પોતાનો નિર્ણય પાછો ખેંચી લેશે નહીં ત્યાં સુધી હોલ છોડશે નહીં." નેતાઓએ કહ્યું, “અમે સાહેબનો નિર્ણય સ્વીકારતા નથી. અમે તમને તેને પાછી ખેંચવા વિનંતી કરીએ છીએ. જ્યાં સુધી તે ન કરે ત્યાં સુધી અમે અમારૂ સ્થાન ખસેડીશું નહીં." અજિત પવારએ કહ્યું કે શરદ પવાર કમિટી જે નિર્ણય લેશે તેની સાથે સંમત થશે. બીજી બાજૂ સાંસદ પદ પર શરદ પવારના 3 વર્ષ બાકી છે. જોકે શરદ પવાર 3 વર્ષ સુધી રાજ્ય અને કેન્દ્રના મુદ્દાઓ પર ધ્યાન કેન્દ્રિત કરશે.
