કોલકાતા:પશ્ચિમ બંગાળ શિક્ષક ભરતી કૌભાંડ સાથે જોડાયેલા દરોડામાં (SSC recruitment scam) અત્યાર સુધીમાં 50 કરોડ રૂપિયાની વસૂલાત કરવામાં આવી છે. રોકડ રકમ મળી આવી છે. આ સિવાય ઇડીએ દાગીના (છ કિલો સોનું) અને વિદેશી ચલણ સંબંધિત કેટલાક (ssc recruitment scam west bengal) દસ્તાવેજો પણ જપ્ત કર્યા છે. ટીએમસી નેતા પાર્થ ચેટરજીના સહયોગી અર્પિતા મુખર્જીના બે અલગ-અલગ આવાસ પરથી તમામ જપ્તી કરવામાં આવી હતી. ED સૂત્રોના જણાવ્યા અનુસાર, અર્પિતાએ સ્વીકાર્યું છે કે, તમામ પૈસા પાર્થ ચેટર્જીના છે, આ પૈસા સાથે તેની કોઈ લેવાદેવા નથી.
આ પણ વાંચો:10 મુસ્લિમ જેહાદીઓની ધરપકડ કરી મદરેસાને સીલ કરવામાં આવ્યું
શિક્ષક ભરતી કૌભાંડ:અર્પિતાએ એ પણ જણાવ્યું કે, પાર્થ અહીં કોઈ અન્ય વ્યક્તિ (arpita mukherjee cash) સાથે આવતો હતો અને જ્યાંથી પૈસા વસૂલ કરવામાં આવ્યા હતા તે રૂમમાં તેની પાસે પણ પ્રવેશ નહોતો. હવે ED એ જાણવાની કોશિશ કરી રહી છે કે, ત્રીજો માણસ કોણ છે, જે પાર્થ સાથે આવતો-જતો હતો અને આ શખ્સનો શિક્ષક ભરતી કૌભાંડ સાથે કોઈ સંબંધ હતો કે કેમ. સૂત્રોએ ETV ભારતને જણાવ્યું છે કે, પાર્થ ચેટર્જી અર્પિતા મુખર્જીના ડાયમંડ સિટીના ફ્લેટમાં અવારનવાર આવતો હતો.
50 કરોડ રૂપિયા રોકડ અને સોનું: એન્ફોર્સમેન્ટ ડિરેક્ટોરેટ (ED)ના અધિકારીઓના જણાવ્યા અનુસાર, ચેટરજીના એપાર્ટમેન્ટમાંથી લગભગ 50 કરોડ રૂપિયા રોકડ અને સોનું મળી આવ્યું છે. આ સિવાય કેટલીક પ્રોપર્ટી અને વિદેશી ચલણ સાથે સંબંધિત દસ્તાવેજો પણ મળી આવ્યા હતા, ત્યારબાદ તેમની ધરપકડ કરવામાં આવી હતી.
પાછળ કોઈ અન્ય રમત છે: જો કે, પી. બંગાળના મુખ્ય પ્રધાન મમત બેનર્જીએ આજે કંઈક બીજું કહ્યું. તેણે કહ્યું કે, આ પૈસા એક છોકરી પાસેથી વસૂલ કરવામાં આવ્યા છે, તેની પાછળ કોઈ અન્ય રમત છે, પરંતુ તે હવે તેના વિશે વાત કરશે નહીં. તેમણે એમ પણ કહ્યું કે, અમારી પાર્ટી કડક હોવાના કારણે પાર્થને હટાવવામાં આવ્યો છે.
આ પણ વાંચો:હત્યાની તપાસ દરમિયાન સગીરા પર દુષ્કર્મ થયાનું ખલ્યું, 10 શખ્સો ઝડપાયા
મની લોન્ડરિંગ કેસ: નોંધનીય છે કે સરકારી શાળાઓ અને અનુદાનિત શાળાઓમાં કથિત શિક્ષક ભરતી કૌભાંડ સમયે પાર્થ ચેટર્જી શિક્ષણ વિભાગનો હવાલો સંભાળતા હતા. બાદમાં આ વિભાગ તેમની પાસેથી લેવામાં આવ્યો હતો. એન્ફોર્સમેન્ટ ડિરેક્ટોરેટે શનિવારે મની લોન્ડરિંગ કેસમાં તેની ધરપકડ કરી હતી. એન્ફોર્સમેન્ટ ડિરેક્ટોરેટ શાળા સેવા આયોગ દ્વારા શિક્ષકોની ભરતીમાં કથિત અનિયમિતતાના આરોપોની તપાસ કરી રહ્યું છે.
