બિહારના રેલવે સ્ટેશનો પર RDX બ્લાસ્ટ કાવતરું,13 જિલ્લાઓમાં રેલવે સ્ટેશનો હાઇ એલર્ટ

2 ISI એજન્ટોની દિલ્હીમાં ધરપકડ બાદ તેમની પૂછપરછમાં વિસ્ફોટક જાણકારી બહાર આવી હતી. જાણવા મળ્યું હતું કે આગામી દિવસોમાં RDXનો ઉપયોગ કરીને રેલવે પુલ અને પાટાને નિશાન બનાવવાની આતંકી યોજના છે. આ પછી બિહારના સમસ્તીપુર રેલવે વિભાગ દ્વારા હાઈ એલર્ટ જાહેર કરવામાં આવ્યું છે. આ સંદર્ભે રેલવે સુરક્ષા દળના વિભાગીય સુરક્ષા કમિશનરે બિહારના 13 જિલ્લાઓને એલર્ટ રહેવા જણાવ્યું છે.

• બિહારમાં રેલવે વિભાગ હાઈ એલર્ટ પર
• બે આઈએસઆઈ એજન્ટોની પૂછપરછમાં મળી જાણકારી
• 13 જિલ્લાના એસપીને સતર્ક રહેવા જણાવાયું

સમસ્તીપુરઃબિહારમાં સમસ્તીપુર રેલવે વિભાગ દિલ્હી પોલીસમાં બે ISI એજન્ટોની ધરપકડ બાદ હાઇ એલર્ટ પર છે. વિભાગે રાજ્ય સહિત દેશભરમાં RDXનો ઉપયોગ કરીને રેલ પુલ અને પાટા પર હુમલો કરવા માટે 'આતંકી કાવતરું' જાહેર કર્યું હતું. આ સંદર્ભે રેલવે સુરક્ષા દળના વિભાગીય સુરક્ષા કમિશનર એ.કે.લાલે રેલવે પોલીસને આદેશ જારી કર્યો છે. 13 જિલ્લાના પોલીસ અધિક્ષકો સહિત કોઈપણ અનિચ્છનીય ઘટના સામે સતર્ક રહેવા જણાવાયું છે.

અનિચ્છનીય ઘટના સામે સાવધ રહેવા જણાવાયું

અગાઉ 18 મી સપ્ટેમ્બરે આરપીએફના વિભાગીય સુરક્ષા કમિશનર એ.કે.લાલે સમસ્તીપુર, દરભંગા, સીતામઢી, સુપૌલ, મોતીહારી, બેટૈયા, મુઝફ્ફરપુર, ખગરીયા, મધુબની, બેગુસરાય, સહરસા, મધેપુરા, પૂર્ણિયા એસપી સહિત રેલવે પોલીસ અધિક્ષક મુઝફ્ફરપુર અને કટિહારને આ વિશે સૂચનાઓ આપવામાં આવી છે.

આઈએસઆઈ એજન્ટોની પૂછપરછમાં ખુલાસો

એડવાઇઝરીમાં ઉલ્લેખ કરવામાં આવ્યો છે કે બે ISI એજન્ટોની પૂછપરછમાં બહાર આવ્યું છે કે પુલ, કલ્વર્ટ, રેલવે ટ્રેક, ગીચ સ્થળો અને દેશના જુદા જુદા સ્થળો પર RDXનો ઉપયોગ કરવાની આતંકીઓની યોજના હતી. આ સંજોગોમાં રેલવે પ્રોટેક્શન ફોર્સ દ્વારા કોઈ પણ પ્રકારની અનિચ્છનીય ઘટના ન બને તે માટે જરુરી પગલાં લેવામાં આવી રહ્યાં છે.

આરપીએફએ પણ સુરક્ષા વ્યવસ્થા વધારી

તહેવારોની સીઝન પહેલાં કોઈ પણ પ્રકારની સુરક્ષાની ઊણપ ટાળવા માટે આરપીએફએ પણ સુરક્ષા વ્યવસ્થા વધારી દીધી છે. આગામી સમયમાં રજાઓમાં લોકો પોતાના વતન પરત ફરે ત્યારે ટ્રેનોમાં મોટી સંખ્યામાં લોકો પ્રવાસી તરીકે ભીડના સ્વરુપમાં હોય ત્યારે જો કોઇ દુર્ઘટના બને તો મોટી જાનહાનિ થવાની શક્યતાઓ હોય છે.

આ પણ વાંચોઃ પાકિસ્તાનથી ચાલતા આતંકી મોડ્યુલનો પર્દાફાશ: કુલ 6 આતંકીઓની ધરપકડ, નવરાત્રિ અને દિવાળીમાં કરવાના હતા હુમલો

આ પણ વાંચોઃ પાકિસ્તાની આતંકી મોડ્યુલ: મુંબઈ અને ઉત્તરપ્રદેશથી વધુ 2 સંદિગ્ધ આતંકીઓ ઝડપાયા