પુણે: પુણેના અલંકાર પોલીસ સ્ટેશનના (Alankar Police Station Pune) પરિસરમાં એક ખૂબ જ ચોંકાવનારી ઘટના સામે આવી છે. 10માં ધોરણના વિદ્યાર્થીએ બાથરૂમમાં ફોન મૂકીને ટ્યુશન ટીચરનો વીડિયો બનાવવાનો પ્રયાસ કર્યો હતો. ટ્યુશન ટીચર છેલ્લા 5 વર્ષથી છોકરાને ભણાવવા તેના ઘરે આવતો હતો. ભણાવ્યા પછી જ્યારે ટીચર બાથરૂમમાં ગયા, ત્યારે તેણે સાબુના કેસમાં કેમેરા જેવું કંઈક જોયું. સોપકેસ ખોલતા તેને ત્યાં મોબાઈલ મળ્યો જેનો કેમેરા ચાલુ હતો. ટ્યુશન ટીચરે ફોન પોલીસને આપ્યો હતો.
આ પણ વાંચો:Crime In Valsad: સગીરા સાથેની અંગતપળોના ફોટો સોશિયલ મીડિયા પર વાયરલ કરનારા વલસાડના યુવકની ધરપકડ
સગીરને બાળ કલ્યાણ સમિતિ સમક્ષ રજૂ કરાશે : શિક્ષિકાએ જણાવ્યું હતું કે, આ ઘટનાથી તેને ખૂબ જ માનસિક આઘાત લાગ્યો છે. તે છેલ્લા 5 વર્ષથી આ વિદ્યાર્થીને ભણાવે છે. તેણે કહ્યું કે, ઉંમરમાં હું તેની માતા કરતાં મોટી છું. પોતાની ફરિયાદમાં શિક્ષકે શંકા વ્યક્ત કરી છે કે વિદ્યાર્થીએ તેનો અગાઉ પણ વીડિયો બનાવ્યો હશે.
આ પણ વાંચો:Robbery in Morbi: મોરબીમાં આંગડિયા પેઢીના કર્મચારીને માર મારી 1.19 કરોડની લૂંટ, 4 ઈસમો ફરાર
સગીર વિરુદ્ધ કેસ નોંધવ્યો : સગીર વિરુદ્ધ IPC 354 (C) અને IT એક્ટ 66 (E) હેઠળ કેસ નોંધવામાં આવ્યો છે અને મોબાઇલ જપ્ત કરવામાં આવ્યો છે. વરિષ્ઠ પોલીસ નિરીક્ષક રાજેન્દ્ર સાહાણેએ માહિતી આપી છે કે, આરોપી સગીરને બાળ કલ્યાણ સમિતિ સમક્ષ રજૂ કરવામાં આવશે. કહેવાય છે કે વિદ્યાર્થીને ઓનલાઈન ક્લાસ માટે મોબાઈલ ફોન આપવામાં આવ્યો હતો.
