મહારાષ્ટ્રમાં ફરી લાગુ થઇ શકે છે લોકડાઉન

મહારાષ્ટ્રમાં કોરોના વાઇરસના પોઝિટિવ કેસમાં વધારાને ધ્યાનમાં રાખીને મહારાષ્ટ્રના મુખ્યપ્રધાન ઉદ્ધવ ઠાકરેએ રાજ્યમાં ફરીથી લોકડાઉન લાગુ કરવા માટેની તૈયારી કરવાની સૂચના આપી છે. આ સંદર્ભે તેમને સિનિયર ઓફિસર્સ અને આરોગ્ય પ્રધાન સાથે બેઠક યોજી હતી.

• મહારાષ્ટ્રમાં ફરી લાગુ થઇ શકે છે લોકડાઉન
• મંત્રાલય અને સરકારી કચેરીઓમાં મુલાકાતીઓના પ્રવેશ પર પ્રતિબંધ
• ઉદ્ધવ ઠાકરેએ સિનિયર ઓફિસર્સ અને આરોગ્ય પ્રધાન રાજેશ ટોપે સાથે બેઠક યોજી

મુંબઇ : મહારાષ્ટ્રમાં કોરોના વાઇરસનું સંક્રમણ ઝડપથી ફેલાઇ રહ્યું છે. જેને ધ્યાનમાં રાખીને મુખ્ય પ્રધાન ઉદ્ધવ ઠાકરેએ કોરોના નિયમોનું પાલન ન કરવાને કારણે લોકડાઉન માટેની તૈયારીની સૂચના આપી છે. આ અંતર્ગત મુખ્યપ્રધાન ઉદ્ધવ ઠાકરેએ સિનિયર ઓફિસર્સ અને આરોગ્ય પ્રધાન રાજેશ ટોપે સાથે બેઠક યોજી હતી. ઉદ્ધવ ઠાકરેએ બેઠક બાદ લોકડાઉન લાગૂ કરવા અંગેનો નિર્ણય લીધો છે.

આ પણ વાંચો -મહારાષ્ટ્રમાંથી ગુજરાતમાં આવતા તમામ પ્રવાસીઓ માટે કોરોના ટેસ્ટ ફરજિયાત

કોરોનાના વધતા પ્રમાણને કારણે આરોગ્ય સુવિધાઓ ઘટી

મહારાષ્ટ્રમાં કોરોનાના વધતા પ્રમાણને કારણે આરોગ્ય સુવિધાઓ ઘટી રહી છે. આ જોતાં તેમણે આ સૂચનાઓ આપી છે. મુખ્યપ્રધાને મંત્રાલય અને સરકારી કચેરીઓમાં મુલાકાતીઓના પ્રવેશ પર પ્રતિબંધ મૂકવાનો નિર્દેશ પણ આપ્યો છે.

આ પણ વાંચો -મહારાષ્ટ્રમાં રાત્રિ કર્ફ્યૂમાં આ નિયમોનું કરવું પડશે પાલન

મહારાષ્ટ્રમાં કોવિડ 19ના વધતા કેસોને લઈને સમગ્ર રાજ્યમાં ગુરુવારના રોજ રાતથી નાઇટ કર્ફ્યૂ લાદી દેવામાં આવ્યો છે. મુખ્યપ્રધાન ઉદ્ધવ ઠાકરેએ કહ્યું કે, જો લોકો કોવિડ 19ના સુરક્ષા નિયમોનું પાલન નહીં કરતા તો કડક પગલાઓ લેવામાં આવી શકે છે. આ સિવાય મહારાષ્ટ્ર સરકારે રાજનીતિક અને ધાર્મિક સહિત બધા જ પ્રકારની સભાઓના આયોજન પર પ્રતિબંધની ઘોષણા કરી છે.

આ પણ વાંચો - મહારાષ્ટ્ર સરકારનો મોટો નિર્ણય: રાજ્યમાં 28 માર્ચથી નાઇટ કરફ્યૂ લાગૂ કરાશે

રાત્રિના 8થી સવારના 7 વાગ્યા સુધી નાઇટ કર્ફ્યૂ

બહાર પાડવામાં આવેલા આદેશ મુજબ, રેસ્ટોરન્ટ, બગીચા, મોલ રાત્રિના 8થી સવારના 7 વાગ્યા સુધી બંધ રહેશે. આદેશમાં એ પણ કહ્યું છે કે, લોકોને રાત્રિના 8થી સવારના 7 વાગ્યા સુધી સમુદ્ર કિનારે જવાની અનુમતિ નહીં હોય. સિનેમા થિયેટર પણ શનિવાર રાતથી બંધ રહેશે. આ આદેશ શનિવારની મધ્યરાત્રિથી લાગૂ કરાશે. જો કે, સરકારે તેની નવી માર્ગદર્શિકામાં રાત્રે ખોરાકની ડિલીવરીમાં રાહત આપી છે.

આ પણ વાંચો: મહારાષ્ટ્ર સરકારનો મોટો નિર્ણય: રાજ્યમાં 28 માર્ચથી નાઇટ કરફ્યૂ લાગૂ કરાશે

રાત્રિ કર્ફ્યૂ દરમિયાન પાંચથી વધુ લોકોને એકઠા થવા દેવામાં આવશે નહીં

આદેશમાં કહેવામાં આવ્યું છે કે, રાત્રે 8થી સવારે 7 વાગ્યા સુધીમાં પાંચથી વધુ લોકોને એકઠા થવા દેવામાં આવશે નહીં. આ આદેશ 27 માર્ચની મધ્યરાત્રિથી લાગુ થયો છે. ઉલ્લંઘન કરવાથી વ્યક્તિ દીઠ રૂપિયા 1000નો દંડ આવશે.

સામાજિક, સાંસ્કૃતિક, રાજકીય અને ધાર્મિક કાર્યક્રમો પર પ્રતિબંધ

રાજ્યમાં સામાજિક, સાંસ્કૃતિક, રાજકીય અને ધાર્મિક કાર્યક્રમોના સંગઠન પર સંપૂર્ણ પ્રતિબંધ લાદવામાં આવી રહ્યો છે. આદેશમાં કહેવામાં આવ્યું છે કે, ઓડિટોરિયમ અથવા સિનેમા થિયેટર પણ શનિવાર રાતથી બંધ રહેશે.

આ પણ વાંચો: મહારાષ્ટ્રમાં કોરોના સંકટ યથાવત : પૂણેમાં રાત્રિ કરફ્યૂ લાગુ

મુખ્યપ્રધાને રાજ્યમાં કોરોનાની સ્થિતિની સમીક્ષા કરી

મુખ્યપ્રધાને વિભાગીય કમિશ્નરો, જિલ્લા કલેકટરો, પોલીસ અધિક્ષક અને મેડિકલ કોલેજના ડીન સાથે રાજ્યમાં કોરોનાની સ્થિતિની સમીક્ષા કરી હતી. ઠાકરેએ કહ્યું હતું કે, 'હું લોકડાઉન લાગુ કરવાની ઇચ્છા ધરાવતો નથી. પરંતુ, કોરોના વાઇરસથી સંક્રમિત દર્દીઓની વધતી સંખ્યાને જોતા, હોસ્પિટલોમાં ભીડ થવાની સંભાવના છે.

ગુરુવારે મહારાષ્ટ્રમાં કોરોનાના રેકોર્ડ 35,952 નવા કેસ

નિવેદનમાં કહેવામાં આવ્યું છે કે, મુખ્યપ્રધાને અધિકારીઓને હોસ્પિટલોમાં પૂરતા બેડ અને દવાઓની ઉપલબ્ધતા સુનિશ્ચિત કરવા જણાવ્યું હતું. ગુરુવારે મહારાષ્ટ્રમાં કોરોનાના રેકોર્ડ 35,952 નવા કેસ નોંધાયા છે. 4 દિવસમાં રાજ્યમાં અત્યાર સુધીમાં 1 લાખથી વધુ કેસ નોંધાયા છે.