PM Modi Advice To Ministers : પીએમ મોદીની મંત્રીઓને સલાહ, INDIA Vs Bharat પર બોલવાનું ટાળો અને સનાતન ધર્મ પર જવાબ આપો

PM નરેન્દ્ર મોદીએ G-20 સમિટને લઈને મંત્રી પરિષદની બેઠકમાં સનાતન ધર્મ પર આપવામાં આવેલા નિવેદનનો કડક જવાબ આપવાની સલાહ આપી હતી. આ સાથે જ તેમણે મંત્રીઓને INDIA અને ભારત મુદ્દે બોલવાનું ટાળવા કહ્યું છે.

નવી દિલ્હી : G-20 સમિટ માટે બોલાવવામાં આવેલી કેન્દ્રીય મંત્રી પરિષદની બેઠકમાં, વડા પ્રધાન નરેન્દ્ર મોદીએ તમામ પ્રધાનોને G-20 ઇન્ડિયા એપ ડાઉનલોડ કરવા, INDIA અને ભારત પર બોલવાનું ટાળવા અને ઉધયનિધિ સ્ટાલિનના નિવેદન પર સખ્તાઇથી જવાબ આપવા કહ્યું છે. G-20 સમિટને ધ્યાનમાં રાખીને ભારત સરકારના વિદેશ મંત્રાલયે સમિટ પહેલા ખાસ એપ લોન્ચ કરી છે. આ એપ ઘણી ભાષાઓમાં એક્સેસ કરી શકાય છે.

India Vs Bharat પર વડાપ્રધાનનું બયાન : બુધવારે કેન્દ્રીય મંત્રી પરિષદની બેઠકની અધ્યક્ષતા કરતી વખતે વડાપ્રધાન મોદીએ તમામ મંત્રીઓને આ મોબાઈલ એપ ડાઉનલોડ કરવાની સલાહ આપી હતી. આ એપ દ્વારા મંત્રીઓ વિદેશી પ્રતિનિધિઓ સાથે વાતચીત કરી શકશે. જ્યાં સુધી ભારત G-20નું પ્રમુખપદ ધરાવે છે ત્યાં સુધી આ એપ કામ કરશે. મંત્રી પરિષદની બેઠકમાં G-20 સમિટ અંગે પ્રેઝન્ટેશન પણ આપવામાં આવ્યું હતું. જણાવવામાં આવી રહ્યું છે કે, મંત્રી પરિષદની બેઠકમાં વડાપ્રધાન નરેન્દ્ર મોદીએ તમામ મંત્રીઓને જી-20 સમિટના સંદર્ભમાં INDIA બનાવ ભારત ચર્ચાને લઈને નિવેદન આપવાથી બચવાની સલાહ પણ આપી છે.

સનાતન ધર્મ પર જવાબ આપવા આહવાહન :આ સાથે વડાપ્રધાન મોદીએ તેમના મંત્રીઓને ઉધયનિધિ સ્ટાલિન દ્વારા સનાતન ધર્મ પર આપવામાં આવેલા નિવેદનનો યોગ્ય અને કડક જવાબ આપવા જણાવ્યું છે. સ્પષ્ટ છે કે તમિલનાડુના મુખ્યમંત્રી એમ.કે. સ્ટાલિનના પુત્ર અને રાજ્ય સરકારમાં મંત્રી ઉધયનિધિ સ્ટાલિનના નિવેદનને ભાજપ મોટો અને દેશવ્યાપી મુદ્દો બનાવવા જઈ રહી છે. આ સાથે જ G-20 સમિટ દરમિયાન પણ વડાપ્રધાન નરેન્દ્ર મોદીએ મંત્રીઓને VVIP કલ્ચરથી દૂર રહેવાની સલાહ આપી હતી અને બસ બ્રિજનો ઉપયોગ કરવા કહ્યું હતું. તેમણે 9 સપ્ટેમ્બરે રાષ્ટ્રપતિ દ્વારા આયોજિત રાત્રિભોજનમાં હાજરી આપનારા મંત્રીઓને સલાહ આપી છે કે તેઓ પહેલા સંસદ ભવન પહોંચે અને ત્યાંથી બસમાં બેસીને સ્થળ પર જાય.