નવી દિલ્હીઃ કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા મુજબ, ભારતમાં છેલ્લા 24 કલાકમાં કોરોનાના 2,09,918 નવા કેસ (India Corona Update) સામે આવ્યા છે. આ સાથે જ છેલ્લા 24 કલાકમાં કોરોનાથી 959 લોકોના મોત થયા છે. આજે સોમવારે સવારે 8 વાગ્યે બહાર પાડવામાં આવેલા તાજેતરના ડેટા અનુસાર, દેશમાં હાલમાં 18,31,268 સક્રિય કેસ છે. જે સાથે દૈનિક હકારાત્મકતા દર 15.77 ટકા જોવા મળી રહ્યો છે.
દેશમાં હાલમાં 18,31,268 સક્રિય કેસ
સોમવારે સવારે 8 વાગ્યે બહાર પાડવામાં આવેલા તાજેતરના ડેટા અનુસાર, દેશમાં હાલમાં 18,31,268 સક્રિય કેસ છે. તે જ સમયે, દૈનિક હકારાત્મકતા દર 15.77 ટકા છે. આ ઉપરાંત, એક દિવસમાં 2,62,628 દર્દીઓ સ્વસ્થ થઈને ઘરે પરત ફર્યા છે.
આ પણ વાંચો:રવિવારે 24 કલાકમાં 2,34,281 નવા કેસ નોંધાયા, 893 લોકોના મોત
સંક્રમિતોની સંખ્યા 4 કરોડને પાર
આ પહેલા રવિવારે એક દિવસમાં કોવિડ-19ના 2,34,281 નવા કેસ સામે આવ્યા બાદ દેશમાં સંક્રમિતોની સંખ્યા વધીને 4,10,92,522 થઈ ગઈ હતી. સંક્રમણને કારણે અત્યાર સુધીમાં 4,94,091 લોકોના મોત થયા છે. આ સાથે જ એક દિવસમાં 3,52,784 દર્દીઓ સ્વસ્થ થઈને ઘરે પરત ફર્યા છે. જે બાદ સંક્રમણમાંથી સાજા થયેલા દર્દીઓની સંખ્યા વધીને 3,87,13,494 થઈ ગઈ છે.
