હવે આ શરતે કાશી વિશ્વનાથ મંદિરમાં પહેરી શકાશે ચંપલ

કાશી વિશ્વનાથ મંદિરમાં ચંપલ (Special slippers for Vishwanath temple Varanasi) પહેરીને દેવાધિદેવ મહાદેવના દર્શન કરી શકાશે પણ તેની એક શરતે છે. આપે ખાદી ગ્રામોદ્યોગમાંથી ખરીદવા પડશે આ ખાસ ચંપલ.

ન્યૂઝ ડેસ્ક: કાશી વિશ્વનાથ મંદિર પરિસરમાં દરેક તરફ માર્બલ લાગેલા છે. જેના કારણે દર્શનાર્થીઓને ઠંડીના સમયે ઉઘાડા પગે લાંબી લાઈનમાં ઉભા રહેવું પડે છે. આ સમસ્યાને ધ્યાનમાં રાખીને ખાદી ગ્રામોદ્યોગ એક ખાસ ચંપલ (Special slippers for Vishwanath temple Varanasi) બનાવી છે. જેને પહેરીને દર્શનાર્થીઓ દર્શન કરી શકશે અમે ધાર્મિક માન્યતાઓનું ઉલ્લંઘન પણ નહીં થાય. આ ખાસ ચંપલમાં કાગળ અને જ્યૂટનો ઉપયોગ કરવામાં આવ્યો છે. જો શ્રદ્ધાળુ ઇચ્છે તો તો ઉપયોગ કર્યા પછી તેને ફેંકી દઈ શકે છે અથવા જો આ ચંપલને પાણીથી દૂર રાખવામાં આવે તો તેનો ઉપયોગ લાંબા સમય સુધી કરી શકાશે. આ ચંપલનો ઉપયોગ લોકો પોતાના ઘરના પૂજા ઘર માટે પણ કરી શકશે. આ આપણા પર્યાવરણ માટે પણ ફાયદાકારક થશે.

સામાન્ય કિંમતે વેચાઇ રહ્યાં છે ચંપલ

અત્યારે તો આ ચંપલ મંદિર પરીસરથી થોડે દૂર ગ્રામીણ ઉદ્યોગની દુકાન પર ઉપલબ્ધ છે. થોડા સમય બાદ મંદિર પરિસરમાં પણ આ ચંપલ મળે તેવી વ્યવસ્થા કરવામાં આવશે. દુકાન સંચાલકના જણાવ્યા અનુસાર દરરોજ 10 - 15 જોડ ચંપલ વેચાઇ રહી છે. તમામ દર્શનાર્થી ખરીદી શકે તે માટે તેની કિંમત 50 રૂપિયા રાખવામાં આવી છે.

આ પણ વાંચો:covaxin postal stamp: રસીકરણ ઝુંબેશને એક વર્ષ પૂર્ણ થવા પર કેન્દ્રએ ટપાલ ટિકિટ બહાર પાડી

આ પણ વાંચો:દુનિયાને સૌથી વધુ બચ્ચા આપનાર ભારતીય વાઘણનું 16 વર્ષની ઉંમરે મોત