ચંદીગઢઃ 4 એપ્રિલે ઝજ્જરના બહાદુરગઢમાં 4 શ્રમિકોના મોત થયા હતા. સેપ્ટિક ટાંકીમાં પાણી નીકાળવા માટે પાઈપ લગાવતી વખતે ચારેય શ્રમિકો ઝેરી ગેસની લપેટમાં આવી ગયા હતા. આ મામલે નેશનલ હ્યુમન રાઈટ્સ કમિશને મીડિયા રિપોર્ટ્સ પર સ્વતઃ સંજ્ઞાન લીધું હતું.
રાષ્ટ્રીય માનવાધિકાર પંચની નોટિસ:રાષ્ટ્રીય માનવાધિકાર પંચે હરિયાણા સરકારના મુખ્ય સચિવ સંજીવ કૌશલ અને પોલીસ મહાનિર્દેશકને નોટિસ આપી હતી. જેમાં રાષ્ટ્રીય માનવાધિકાર પંચે 6 અઠવાડિયાની અંદર ઘટનાની રિપોર્ટ આપવા કહ્યું છે. અહેવાલ મુજબ આ ઘટનામાં કામદારોને સુરક્ષા સાધનો આપવામાં આવ્યા ન હતા. નોટિસ જારી કરતા પંચે કહ્યું કે મીડિયા રિપોર્ટ્સ અનુસાર આ મામલે અધિકારીઓની બેદરકારી હોઈ શકે છે. જેના કારણે ચાર શ્રમિકોના મોત થયા છે.
આ પણ વાંચો:Haryana Crime: પ્રેમ સંબંધનો કરૂણ અંત, આરોપી પહેલેથી પરણિત, યુવતી સાથે કર્યા લગ્ન, ઝગડો થતાં નશામાં કરી હત્યા
સુરક્ષા અંગે માગી માહિતી: કમિશને કહ્યું કે તે સંબંધિત અધિકારીઓને આવી ઘટના માટે તેમની જવાબદારીમાંથી મુક્ત થવા દેતું નથી. આયોગે કહ્યું કે હરિયાણા સરકારના રિપોર્ટમાં દોષિતો સામે કરવામાં આવેલી કાર્યવાહી અને પીડિત પરિવારોને આપવામાં આવેલી રાહત વિશે જણાવો. જાગૃતિ ફેલાવવા માટે લેવાયેલા પગલાં વિશે પણ માહિતી હોવી જોઈએ.
આ પણ વાંચો:Ahmedabad News : મહાઠગ કિરણ પટેલ ક્રાઈમ બ્રાન્ચમાં સકંજામાં, પ્રિઝન વાનમાં જમ્મુથી અમદાવાદ આવવા રવાના
ચાર શ્રમિકોના મોત: સામે આવેલી માહિતી પ્રમાણે બહાદુરગઢમાં સેપ્ટિક ટાંકીમાં પાઈપ લગાવનાર કામદારો પાસે કોઈ સુરક્ષા સાધનો નહોતા. જેના કારણે ચાર શ્રમિકોના મોત થયા હતા. મળતી માહિતી મુજબ પહેલા મહેન્દ્ર નામનો મજૂર પાઇપ લગાવવા માટે સેપ્ટિક ટાંકીમાં ગયો હતો. સેપ્ટિક ટાંકીમાં જતાં જ મહેન્દ્ર ઝેરી ગેસને શ્વાસમાં લેવાથી બેહોશ થઈ ગયો હતો. તેને બચાવવા માટે દીપક નામનો મજૂર સેપ્ટિક ટાંકીમાં ગયો હતો. એ જ રીતે દીપક અને મહેન્દ્રને બચાવવા અન્ય બે શ્રમિકોના પણ સેપ્ટિક ટાંકીમાં ગયા હતા. ચારેય ફરી બહાર ન આવ્યા અને તેમના મોત થયા હતા.
