OBC અનામત બિલના સમર્થનમાં મોદી સરકાર અને વિપક્ષ એક સાથે

સોમવારે મોદી સરકાર તરફથી લોકસભામાં ઓબીસી અનામતનું લીસ્ટ બનાવવાના સંબંધે એક બિલ પેશ કરાયું છે. વિપક્ષે આ બિલને લઇને મોદી સરકારને સમર્થન આપ્યું અને કહ્યું કે, આ એક જરૂરી અને સાચો નિર્ણય છે.

• વિપક્ષી પાર્ટીઓએ કહ્યું કે તેઓ આ બિલ બાબતે સરકારના સપોર્ટમાં છે
• લોકસભા બાદ રાજ્યસભામાં પસાર થયા બાદ રાષ્ટ્રપતિ દ્વારા આ બિલને મંજૂરી આપવાની બાકી છે
• લોકસભામાં ઓબીસી અનામતના લીસ્ટ બનાવવાના સંબંધે એક બિલ પેશ કરવામાં આવ્યું

નવી દિલ્હી: છેલ્લા કેટલાક દિવસથી અલગ-અલગ મુદ્દાઓ પર સંસદના બન્ને સદનમાં સત્તા પક્ષ અને વિપક્ષ વચ્ચે હોબાળો જોવા મળી રહ્યો છે, પરંતું સોમવારે પણ આવો જ માહોલ જોવા મળ્યો હતો, જો કે ફરી આવો માહોલ અચાનક બદલાઇ ગયો અને વિપક્ષ સત્તા પક્ષના સમર્થનમનાં આવી ગઇ છે. સોમવારે મોદી સરકાર તરફથી લોકસભામાં ઓબીસી અનામતના લીસ્ટ બનાવવાના સંબંધે એક બિલ પેશ કરવામાં આવ્યું હતું. વિપક્ષે આ બિલને લઇને મોદી સરકારને પુરુ સમર્થન આપ્યું અને કહ્યું કે, આ એક જરૂરી અને સાચો નિર્ણય છે.

આ પણ વાંચો- લોકસભામાં હંગામો વચ્ચે 127 મો બંધારણ સુધારો બિલ રજૂ કરાયુ, વિપક્ષે કહ્યું - લોકશાહીની હત્યા

રાજ્યને ઓબીસીનું લીસ્ટ બનાવવા માટે વધુ અધિકાર મળશે

આ બિલના પાસ થવાથી રાજ્યને ઓબીસીનું લીસ્ટ બનાવવા માટે વધુ અધિકાર મળશે. આનો સીધો ફાયદો સામાન્ય લોકો પર પડશે અને સરકારી યોજનાઓનો વધુથી વધુ લાભ એ બધી લાભાર્થીઓ સુધી પહોંચી શકશે જે સાચા અર્થમાં આના હકદાર છે.

પક્ષ અને વિપક્ષ ઓબીસી અનામતના આ બિલ પર એક થઇ ગયા છે

ઉલ્લેખનિય છે કે, છેલ્લા કેટલાક દિવસ પહેલા જ કેન્દ્રીય કેબિનેટે(Union Cabinet) આ બિલને લઇને પોતાની સહમતિ આપી હતી. ભલે, સત્તા પક્ષ અને વિપક્ષ ઓબીસી અનામતના આ બિલ પર એક થઇ ગયા છે, પણ એ સમજવું અને જાણવું જરૂરી છે કે, આખરે મોદી સરકાર મોનસૂન સત્રમાં જ આ બિલને કેમ લઇને આવી છે? અને આની અસર રાજ્ય અને સામાન્ય લોકો પર શું થશે?

ઓબીસી અનામત સાથે જોડાયેલા આ બિલમાં શું છે

હવે સૌથી પહેલા એ જાણવું જરૂરી છે કે ઓબીસી અનામત સાથે જોડાયેલા આ બિલની ખાસ વાત શું છે? જો કે, સોમવાર 9 ઓગસ્ટે મોદી સરકાર ઓબીસી અનામત સાથે જોડાયેલું એક બિલ લોકસભામાં રજૂ કર્યું. આ 127મું સંવિધાન સંશોધન બિલ છે. આને આર્ટિકલ 342A(3) હેઠળ લાગુ કરવામાં આવશે. આ બિલના પાસ થયા પછી રાજ્ય સરકારને એ અધિકાર મળશે કે તેઓ પોતાની મરજી મુજબ ઓબીસી સમુદાયનું લિસ્ટ તૈયાર કરી શકશે. આ બિલના પાસ થયા પછી રાજ્યને ઓબીસી સમુદાયનું લીસ્ટ તૈયાર કરવા માટે કેન્દ્ર સરકાર પર નિર્ભર નહી રહેવું પડે.

રાજ્ય પર આ બિલની અસર કેટલી થશે?

આ બિલના પાસ થયા પછી રાજ્ય પર આની કેટલી અસર પડશે. એમ માનવામાં આવી રહ્યું છે કે, રાજ્યને વધુ અધિકાર મળશે તો તેનાથી એ રાજ્યના લોકોને સૌથી વધુ લાભ થશે, જે સતત ઓબીસી અનામતની માંગ કરી રહ્યા છે. મહારાષ્ટ્ર, હરિયાણા, ગુજરાત, કર્ણાટક, ઉત્તર પ્રદેશ, રાજ્સ્થાન જેવા વિવિધ રાજ્યમાં કેટલીય જાતિઓના લોકો સતત ઓબીસીમાં શામેલ કરવાની માંગ કરી રહ્યા છે. આવામાં રાજ્ય સરકારે એ જાતિઓને ઓબીસી લિસ્ટમાં શામેલ કરી શકે છે. મરાઠા, લિંગાયાત, જાટ, પટેલ જેવા સમુદાયના લોકોને આનો સીધો ફાયદો થઇ શકે છે.

મોદી સરકાર કેમ લાવ્યું આવું બિલ

દેશભરમાં કેટલાય રાજ્યમાં એવી કેટલીક જાતિ અને સમુદાય છે જે ઓબીસીના દાયરામાં શામેલ થવાની માંગ સતત કરી રહી છે. કારણ કે હજુ સુધી ઓબીસીમાં શામેલ કરવા અથવા નહી કરવા કેન્દ્ર સરકારના અધિકારમાં હતું અને ગઇ 5 મેએ મરાઠા અનામતના મુદ્દે સુનવણી કરતા સુપ્રીમ કોર્ટે કહ્યું હતું કે, ઓબીસીની સૂચિ તૈયાર કરવાનો અધિકાર કેન્દ્ર સરકાર પાસે જ છે.

2024માં લોકસભાની ચૂંટણી યોજાશે

એવામાં અનામત જેવા સંવેદનશીલ મામલામાં મોદી સરકાર કોઇ પણ રિસ્ક લેવા માંગતી નથી, કારણ કે આગામી કેટલાક મહિનામાં કેટલાય રાજ્યની વિધાનસભાની ચૂંટણી અને પછી 2024માં લોકસભાની ચૂંટણી યોજાનારી છે. તેથી મોદી સરકાર હવે સંવિધાનમાં સંશોધન કરીને રાજ્યને આ અધિકાર આપી રહી છે તેથી તે પોતાના હિસાબથી ઓબીસીનું લિસ્ટિંગ તૈયાર કરી શકે છે.

આ પણ વાંચો-ચોમાસુ સત્ર: સંસદમાં ઓલિમ્પિક મેડલ વિજેતાઓને અભિનંદન આપવામાં આવ્યા

ઉત્તરપ્રદેશ સહિત અન્ય રાજ્યમાં થશે અસર

ઉલ્લેખનિય છે કે, 2022ના શરૂઆતના મહિનામાં ઉત્તરપ્રદેશ સહિત કેટલાક રાજ્યમાં વિધાનસભાની ચૂંટણી યોજાવાની છે. ત્યારબાદ વર્ષના અંતે અને ફરી આવતા વર્ષે પણ મધ્યપ્રદેશ, બિહાર, છત્તીસગઢ, રાજસ્થાન જેવા રાજ્યમાં વિધાનસભાની ચૂંટણી યોજાવાની છે. રાજનૈતિક વિશલેષ્કોનું માનવું છે કે, મોદી સરકાર ચૂંટણી રણનિતી હેઠળ આ બિલને સંસદના આ મોનસૂન સત્રમાં લઇને આવી છે. ઉત્તરપ્રદેશમાં ઘણી મોટી સંખ્યામાં ઓબીસી સમુદાયના લોકો રહે છે અને ઘણા સમયથી કેટલીક જાતિઓ શામેલ કરવાને લઇને તેની માંગ કરી રહ્યા છે. એવામાં આની વધુ અસર થઇ શકે છે.