મહારાષ્ટ્રના CMના પત્ની રશ્મિ ઠાકરે હોસ્પિટલમાં દાખલ, 11 માર્ચે લીધી હતી કોરોના વેક્સિન

મહારાષ્ટ્રમાં કોરોનાના કેસ વધતા સ્થિતિ વણસી રહી છે. હવે મહારાષ્ટ્રના મુખ્યપ્રધાન ઉદ્ધવ ઠાકરેના પત્ની રશ્મિ ઠાકરે પણ કોરોનાના ઝપેટમાં આવી ગયાં છે. મંગળવારે એક ખાનગી હોસ્પિટલમાં તેમનો કોરોના રિપોર્ટ કરાવ્યો તો તે પોઝિટિવ આવ્યો હતો. કોરોના પોઝિટિવ આવતા રશ્મિ ઠાકરે હોમ ક્વોરન્ટાઈનમાં હતાં. રશ્મિ ઠાકરેએ 11 માર્ચે કોરોનાની વેક્સિન લીધી હતી. હાલમાં તો સારવાર માટે તેમને હોસ્પિટલમાં દાખલ કરાયા છે. આ પહેલા ઉદ્ધવ ઠાકરેના પુત્ર અને મહારાષ્ટ્ર સરકારમાં કેબિનેટ પ્રધાન આદિત્ય ઠાકરે પણ કોરોના પોઝિટિવ આવ્યા હતા.

• મુખ્યપ્રધાનના પત્નીએ 11 માર્ચે લીધી હતી કોરોના વેક્સિન
• કોરોના પોઝિટિવ હોવાથી તેઓ હોમ ક્વોરન્ટાઈનમાં હતા
• હાલમાં સારવાર માટે હોસ્પિટલમાં દાખલ કરાયા
• વેક્સિન લીધા પછી પણ મહારાષ્ટ્રના CMના પત્ની આવ્યા કોરોના પોઝિટિવ

આ પણ વાંચોઃમહારાષ્ટ્રમાં ફરી લાગુ થઇ શકે છે લોકડાઉન

મુંબઈઃ મહારાષ્ટ્રમાં કોરોનાના કેસ દિવસેને દિવસે વધી રહ્યા છે. હવે કોરોનાની ઝપેટમાં આવ્યા છે મહારાષ્ટ્રના મુખ્યપ્રધાન ઉદ્ધવ ઠાકરેના પત્ની રશ્મિ ઠાકરે. ચોંકાવનારી વાત તો એ છે કે, તેમણે 11 માર્ચે કોરોના વેક્સિન લીધી હતી અને તેઓ 23 માર્ચે કોરોના પોઝિટિવ આવ્યાં હતાં. આથી તેઓ હોમ ક્વોરન્ટાઈનમાં હતાં. જોકે, તેમની તબિયત વધુ બગડતા તેમને હાલમાં હોસ્પિટલમાં દાખલ કરાયાં છે. આ પહેલા આદિત્ય ઠાકરે પણ કોરોના પોઝિટિવ આવ્યા હતા.

આ પણ વાંચોઃમહારાષ્ટ્ર સરકારનો મોટો નિર્ણય: રાજ્યમાં 28 માર્ચથી નાઇટ કરફ્યૂ લાગૂ કરાશે

હમણાં નહીં થાય લૉકડાઉનઃ BMC

આપને જણાવી દઈએ કે, મહારાષ્ટ્રમાં કોરોનાના દર્દીઓની સંખ્યા વધી રહી છે, જેને ધ્યાનમાં રાખી મુખ્યપ્રધાન ઉદ્ધવ ઠાકરેએ લૉકડાઉન લગાવવાની તૈયારીની જાહેરાત કરી હતી, પરંતુ BMCના કમિશનર આઈ. એસ. ચહલે જણાવ્યું હતું કે, મહારાષ્ટ્રમાં હાલમાં લૉકડાઉન લગાવવાની કોઈ યોજના નથી.