શિમલા: ફરી એકવાર શિમલામાં ભૂસ્ખલન થયું છે. રામપુરના જુરી નજીક NH 5 પર મોટા પ્રમાણમાં ભૂસ્ખલન થયું છે. ભૂસ્ખલનને કારણે એનએચ -5 બ્લોક કરવામાં આવ્યું છે. ભૂસ્ખલનનો એક વીડિયો પણ સામે આવ્યો છે. આ વીડિયો મોબાઈલ કેમેરા સાથે રસ્તા પરથી પસાર થઈ રહેલા એક રાહદારીએ બનાવ્યો છે.
ભૂસ્ખલન સમયે રસ્તાની બંને બાજુએ અનેક વાહનો પાર્ક કરવામાં આવ્યા હતા. આમાં કેટલાક વાહનોને નુકસાન થયું છે. સદ્ભાગ્યે કોઈ જાનહાનીના અહેવાલ નથી. ભૂસ્ખલન બાદ ટ્રાફિક પ્રભાવિત થયો છે. NHAI ની મશીનરી રસ્તાને પુન:સ્થાપિત કરવામાં વ્યસ્ત છે.
શિમલા રામપુરમાં NH 5 પર ભૂસ્ખલન, વાહનોને ભારે નુક્સાન આ પણ વાંચો : છેલ્લી ઈનિંગમાં મેઘરાજા ગુજરાતમાં કરશે ધમાકેદાર બેટીંગ
કિન્નૌર જિલ્લામાં ભૂસ્ખલનની ઘટનાઓ સતત બની રહી છે. અગાઉ, બાટસેરી અને નિગુલસરીમાં ભૂસ્ખલનને કારણે ઘણા લોકોએ જીવ ગુમાવ્યા છે. અગાઉ, નેશનલ હાઇવે -5 પર, નિગુલસરી નજીક પર્વત તૂટવાના કારણે મોટો અકસ્માત થયો હતો. જેમાં વીસથી વધુ લોકોએ જીવ ગુમાવ્યા હતા. ઘણા દિવસો સુધી સર્ચ ઓપરેશન ચલાવીને લોકોના મૃતદેહો બહાર કાવાનું કામ કરવામાં આવ્યું હતું.
આ પણ વાંચો : UP વિધાનસભાની ચૂંટણી પહેલા ભાજપે 18 શહેરોમાં 'પ્રબુદ્ધ સંમેલન' શરૂ કર્યું
આ વખતે હિમાચલ પ્રદેશમાં ભૂસ્ખલનની ઘટનાઓમાં સતત વધારો થયો છે. હિમાચલમાં વરસાદની મોસમમાં ભારે નુકસાન થયું છે. PWD ને મહત્તમ નુકસાનનું મૂલ્યાંકન કરવામાં આવ્યું છે. ડુંગરાળ વિસ્તારોમાંથી પસાર થતા લોકોને રસ્તામાં સાવધાની સાથે મુસાફરી કરવાની સલાહ આપવામાં આવી રહી છે.
