રશિયાથી "સ્પુતનિક-વી"ની રસીની પ્રથમ ખેપ પહોંચી હૈદરાબાદ

સેન્ટ્રલ બોર્ડ ઓફ ઈનડાયરેક્ટ ટેક્સ અને કસ્ટમ્સના જણાવ્યા અનુસાર, ભારતે શનિવારે હૈદરાબાદમાં રશિયા પાસેથી સ્પુતનિક-વીની રસીની પ્રથમ ખેપ પ્રાપ્ત કરી હતી.

• હૈદરાબાદ કસ્ટમ્સે રશિયાથી આયાત કરેલા કોવિડ -19 રસીના માલની મંજૂરીની પ્રક્રિયા ઝડપી કરી છે
• આજથી 18 વર્ષથી વધુ ઉંમરના લોકોને રસીકરણ મળવાનું શરૂ થયું છે
• રશિયાએ 11 ઓગસ્ટ 2020ના રોજ કોરોના વાઇરસની સ્પુટનિક વીની રસીને મંજૂરી આપી હતી

નવી દિલ્હી: ભારતમાં કોરોના વાઇરસના સંક્રમણને હરાવવા માટે રશિયામાં ઉત્પન્ન કરાયેલી કોરોના (રશિયા)ની પ્રથમ રસી સ્પુતનિક વીની પ્રથમ ખેપ આજે એટલે કે રવિવારે હૈદરાબાદ પહોંચી ગઇ છે. આજથી 18 વર્ષથી વધુ ઉંમરના લોકોને રસીકરણ મળવાનું શરૂ થયું છે. સેન્ટ્રલ બોર્ડ ઈનડાયરેક્ટ ટેક્સ અને કસ્ટમ્સ (સીબીઆઈસી)ના જણાવ્યા અનુસાર, ભારતને રશિયા તરફથી શનિવારે સ્પુટનિક વીની રસીની પ્રથમ ખેપ મળી આવ્યો હતો. સીબીઆઈસીએ એક ટ્વિટમાં જણાવ્યું છે કે, હૈદરાબાદ કસ્ટમ્સે રશિયાથી આયાત કરેલા કોવિડ -19 રસીના માલની મંજૂરીની પ્રક્રિયા ઝડપી કરી છે.

આ પણ વાંચોઃરશિયાથી સ્પુટનિક-5ની પહેલી ખેપ ભારત પહોંચી

રશિયાથી આયાત થતી સ્પુટનિક વીની રસીને વહેલી તકે મંજૂરી આપવામાં આવી

સીબીઆઈસીએ ટ્વીટ કર્યું હતું કે, "હૈદરાબાદ કસ્ટમ્સ દ્વારા રશિયાથી આયાત થતી સ્પુતનિક વીની રસીને વહેલી તકે મંજૂરી આપવામાં આવી છે." આ તરફ નાણાં પ્રધાન નિર્મલા સીતારામણે એક ટ્વીટમાં કહ્યું હતું કે, "હૈદરાબાદ કસ્ટમ્સ સમયસર યોગ્ય કામગીરી કરે. આ સમયની જરૂરિયાત છે.

રશિયાથી "સ્પુતનિક-વી"ની રસીની પ્રથમ ખેપ પહોંચી હૈદરાબાદ

સરકારે 1 મેથી 18 વર્ષથી વધુ ઉંમરના નાગરિકોને રસી આપવાની મંજૂરી પણ આપી

ગયા મહિને સરકારે કોરોના વાઇરસના સંક્રમણના પ્રકોપને રોકવા માટે આયાત રસીના કટોકટીના ઉપયોગની મંજૂરી આપી હતી અને તેમની આયાત પરની કસ્ટમ ડ્યુટી માફ કરી હતી. સરકારે 1 મેથી 18 વર્ષથી વધુ ઉંમરના નાગરિકોને રસી આપવાની મંજૂરી પણ આપી છે.

આ પણ વાંચોઃસ્પુટનિક વી ના પરીક્ષણો દરમિયાન સંક્રમણના સંકેત, રશિયન વૈજ્ઞાનિક કરી રહ્યા છે શોધ

ડો. રેડ્ડીઝને રશિયન રસીના ઇમરજન્સી ઉપયોગની મંજૂરી મળી ચૂકી છે

રશિયાએ 11 ઓગસ્ટ 2020ના રોજ કોરોના વાઇરસની સ્પુતનિક વીની રસીને મંજૂરી આપી હતી. ત્યારબાદ સપ્ટેમ્બરમાં, રેડ્ડીઝ લેબોરેટરીઝ અને રશિયન ડાયરેક્ટ ઇન્વેસ્ટમેન્ટ ફંડ (આરડીઆઇએફ)એ સ્પુતનિક વીની ક્લિનિકલ ટ્રાયલ માટે કરાર કર્યો. ડો. રેડ્ડીઝને રશિયન રસીના ઇમરજન્સી ઉપયોગની મંજૂરી મળી ચૂકી છે. શનિવારે, ભારતમાં કોવિડ-19 વાઇરસના નવા 4.01 લાખ કેસ નોંધાયા છે, જે એક રેકોર્ડ છે. આ સાથે, કોરોનાથી પણ 3,523 લોકોના મોત થયા હોવાના અહેવાલ છે.

ભારતીય વિદેશ મંત્રાલયના પ્રવક્તા અરિંદમ બાગચી કોરોના સામે ભારતની લડતમાં મદદ કરશે

જ્યારે સ્પુટનિક-વી રસી ભારત આવી ત્યારે ભારતીય વિદેશ મંત્રાલયના પ્રવક્તા અરિંદમ બાગચીએ કહ્યું કે તે કોરોના સામે ભારતની લડતમાં મદદ કરશે. તેમણે ટ્વિટ કર્યું હતું કે, “રશિયાની સ્પુટનિક-વી રસી હૈદરાબાદ પહોંચી છે! મહામારી સામે લડવામાં ભારતને મદદ કરશે. આ ત્રીજો વિકલ્પ અમારી રસીની ક્ષમતામાં વધારો કરશે અને આપણી રસીકરણ અભિયાનને વેગ આપશે. "

જૂન સુધીમાં ભારતને રસીનાં 5 મિલિયન ડોઝ મળવાની સંભાવના છે

બાગચીએ કહ્યું, "સ્પુટનિક-વી ના દો 1.5 લાખ ડોઝની આ પહેલી બેચ છે અને લાખો ડોઝ આવવાના બાકી છે." નોંધપાત્ર વાત એ છે કે, જૂન સુધીમાં ભારતને રસીનાં 5 મિલિયન ડોઝ મળવાની સંભાવના છે. જો કે, મીડિયા અહેવાલો અનુસાર, રસીના લગભગ 150,000 થી 200,000 ડોઝ મેની શરૂઆતમાં અને મેના અંત સુધીમાં 3 મિલિયન ડોઝ પહોંચાડવામાં આવશે.