ઝારખંડ : જિલ્લામાં ફરી એકવાર આગ લાગવાની ઘટના સામે આવી છે. આ વખતે આગની ઘટના શહેરના જોડા ફાટક વિસ્તારમાં બની છે. જોડા ફાટક વિસ્તારમાં આવેલા આશીર્વાદ ટાવર એપાર્ટમેન્ટમાં ભીષણ આગ લાગી હતી. આ આગમાં 8 લોકોના મોતના સમાચાર છે. જ્યારે અનેક લોકો ફસાયા હોવાની આશંકા છે. માહિતી મળતાં જ ફાયર બ્રિગેડની ગાડીઓ ઘટનાસ્થળે પહોંચી ગઈ હતી.
13 લોકોના મોત :ધનબાદ શહેરના સૌથી વ્યસ્ત વિસ્તારમાં મોડી સાંજે એક એપાર્ટમેન્ટમાં આગ લાગી હતી. આગના કારણે વિસ્તારમાં અફરા-તફરીનો માહોલ સર્જાયો હતો. લોકોએ આ અંગે તાત્કાલિક ફાયર વિભાગને જાણ કરી હતી. ઘટનાની જાણ થતાં જ ફાયર વિભાગની ગાડીઓ ઘટનાસ્થળે પહોંચી ગઈ હતી અને આગને કાબૂમાં લેવાનો પ્રયાસ કરી રહી છે.
13 માળના એપાર્ટમેન્ટમાં આગ :બેંક મોડ પોલીસ સ્ટેશન વિસ્તારના જોડા ફાટક રોડ પર સ્થિત શક્તિ મંદિર પાસેના આશીર્વાદ ટાવર એપાર્ટમેન્ટમાં અચાનક ભીષણ આગ ફાટી નીકળી હતી. આગની ઘટના બાદ ઘટના સ્થળે અફરાતફરીનો માહોલ સર્જાયો હતો. 13 માળના એપાર્ટમેન્ટના બીજા માળે આગ લાગી છે. માહિતી મળતાં જ ફાયર બ્રિગેડની ટીમ ઘટનાસ્થળે પહોંચીને આગ પર કાબૂ મેળવવાનો પ્રયાસ કરી રહી છે.
લોકોને બહાર કાઢવાની કામગીરી ચાલું : સાથે જ એપાર્ટમેન્ટમાં ફસાયેલા લોકોને બહાર કાઢવાની કામગીરી ચાલી રહી છે. આગમાં સળગેલા લોકોને બહાર કાઢવામાં આવી રહ્યા છે. 13 માળના એપાર્ટમેન્ટમાં લગભગ 100 ફ્લેટ છે. કહેવામાં આવી રહ્યું છે કે આમાં બાળકો અને વડીલોથી લઈને 400 થી વધુ લોકો રહે છે. આ વિસ્તારનું આ સૌથી મોટું એપાર્ટમેન્ટ માનવામાં આવે છે. આગ પછી, એપાર્ટમેન્ટમાં ફસાયેલા લોકોને બહાર કાઢવા અને તેમને હોસ્પિટલ પહોંચાડવા માટે દસથી વધુ એમ્બ્યુલન્સ રોકાયેલા છે. જણાવવામાં આવી રહ્યું છે કે આગ પહેલા બીજા માળે લાગી હતી. આ પછી આગ ત્રીજા માળે પહોંચી હતી. આગે થોડી જ વારમાં વિકરાળ સ્વરૂપ ધારણ કર્યું હતું.
ઇજાગ્રસ્તોને હોસ્પિટલમાં ખસેડાયા :આ દિવસોમાં ઝારખંડના અલગ-અલગ વિસ્તારોમાં આગ લાગવાની ઘટનાઓ સતત બની રહી છે. બે દિવસ પહેલા ધનબાદની હઝરા હોસ્પિટલમાં આગ લાગી હતી. જેમાં 5 લોકોના મોત થયા હતા. આ સાથે જ હજારીબાગ અને ચાઈબાસામાં પણ આગની ઘટનાઓ બની છે. જેમાં ચાર લોકોના મોત થયા હતા. મૃતકોમાં ત્રણ બાળકોનો સમાવેશ થાય છે.
