નવી દિલ્હીઃભારતીય વાયુસેનાની એક એવી તસવીર સામે આવી છે, જેની સમગ્ર દેશમાં ચર્ચા થઈ રહી છે. પિતા અને પુત્રીએ સાથે મળીને ફાઈટર પ્લેન (Father And Daughter Make History By Flying Fighter Planes) ઉડાવ્યું હતું. ફ્લાઈંગ ઓફિસર અનન્યા શર્માએ તેના પિતા એર કોમોડોર સંજય શર્મા સાથે હોક-132 એરક્રાફ્ટ ઉડાવ્યું હતું. તે ભારતની પ્રથમ મહિલા ફાઈટર પાઈલટ બની હતી, જેણે તેના પિતા સાથે ફાઈટર પ્લેન ઉડાડ્યું હતું.
આ પણ વાંચો:રાફેલ સાથે સ્પર્ધા કરવા માટે ચીને પાકિસ્તાનને આપ્યું હતું J-10C ફાઈટર જેટ
આ તસવીર સોશિયલ મીડિયા પર વાયરલ થઈ :આ ફ્લાઈટ 30 મેના રોજ ઉડાન ભરી હતી. ભારતીય વાયુસેનાએ કહ્યું કે, બંનેએ કર્ણાટકના બિદરમાં હોક-132 એરક્રાફ્ટથી ઉડાન ભરી હતી. હવે આ તસવીર સોશિયલ મીડિયા પર વાયરલ થઈ રહી છે.
આ પણ વાંચો:J 10C Fighter Jet Pakistan: પાકિસ્તાને ચીન પાસેથી 25 ફાઈટર જેટ ખરીદ્યા
અનન્યાએ ફાઈટર પ્લેનની ટ્રેનિંગ લીધી હતી :અનન્યા 2016થી ફાઈટર પાઈલટ છે. તેણે ઈલેક્ટ્રોનિક્સ અને કોમ્યુનિકેશનમાં B.Tech પૂર્ણ કર્યું હતું. જે બાદ તેણે ફાઈટર પ્લેનની ટ્રેનિંગ લીધી હતી. તેને ડિસેમ્બર 2021માં ફાઈટર પાઈલટ તરીકે નિયુક્ત કરવામાં આવ્યો હતો. તેમના પિતા સંજય શર્માને 1989માં ફાઇટર સ્ટ્રીમમાં કમિશન આપવામાં આવ્યું હતું. 2015માં ભારત સરકારે ભારતીય વાયુસેનામાં મહિલા ફાઈટર પાઈલટને સામેલ કરવાની મંજૂરી આપી હતી. અગાઉ એરફોર્સમાં મહિલાઓ હેલિકોપ્ટર અને ટ્રાન્સપોર્ટ એરક્રાફ્ટ ઉડાવતી રહી છે.