કુલગામ: દક્ષિણ કાશ્મીરના કુલગામ જિલ્લામાં ગુરુવારે આતંકવાદીઓ અને સુરક્ષા જવાનો વચ્ચે અથડામણ શરૂ થઈ છે. પ્રાથમિક માહિતી અનુસાર, સુરક્ષા કર્મચારીઓને આતંકવાદીઓની હાજરીની માહિતી મળ્યા બાદ, સેના અને જમ્મુ અને કાશ્મીર પોલીસની સંયુક્ત ટીમે જિલ્લાના નેહામા ગામને ઘેરી લીધું અને ઘરે-ઘરે સર્ચ ઓપરેશન શરૂ કર્યું. આ ઘેરામાં બેથી ત્રણ આતંકવાદીઓ ફસાયા હોવાની આશંકા (jammu kashmir, Encounter begins in South Kashmir Kulgam district) છે.
જમ્મુ-કાશ્મીરના કુલગામ જિલ્લામાં સુરક્ષા જવાનો અને આતંકવાદીઓ વચ્ચે અથડામણ
દક્ષિણ કાશ્મીરના કુલગામ જિલ્લામાં આતંકવાદીઓ અને સુરક્ષા જવાનો વચ્ચે એન્કાઉન્ટર શરૂ થયું છે. સુરક્ષા દળોએ વિસ્તારને ઘેરી લીધો છે. jammu kashmir, Encounter begins in South Kashmir Kulgam district
Published : Nov 16, 2023, 6:15 PM IST
જાનહાનિ અંગે કોઈ માહિતી પ્રાપ્ત થઈ નથી:અધિકારીઓએ જણાવ્યું કે સર્ચ ઓપરેશન દરમિયાન આતંકીઓએ ગોળીબાર શરૂ કરી દીધો હતો. જવાબમાં સુરક્ષા જવાનોએ પણ ગોળીબાર કર્યો હતો. અધિકારીઓએ જણાવ્યું કે હજુ સુધી કોઈ જાનહાનિ અંગે કોઈ માહિતી પ્રાપ્ત થઈ નથી. વધુ માહિતીની રાહ જોવાઈ રહી (jammu kashmir, Encounter begins in South Kashmir Kulgam district) છે.
ઘૂસણખોરીનો પ્રયાસ કરી રહેલા બે આતંકીઓને ઠાર:ઉલ્લેખનીય છે કે બારામુલ્લા જિલ્લાના ઉરી સેક્ટરમાં સેના અને પોલીસના સંયુક્ત ઓપરેશન દરમિયાન ઘૂસણખોરીનો પ્રયાસ કરી રહેલા બે આતંકીઓને ઠાર કરવામાં આવ્યા હતા. આ આતંકવાદીઓ પાસેથી હથિયારો અને દારૂગોળો ઉપરાંત વાંધાજનક સામગ્રી મળી આવી હતી. નોંધનીય છે કે 26 ઓક્ટોબરે કુપવાડા જિલ્લાના માછિલ સેક્ટરમાં નિયંત્રણ રેખા પર પોલીસ અને સેના દ્વારા શરૂ કરવામાં આવેલા સંયુક્ત ઓપરેશનમાં ઘૂસણખોરીના પ્રયાસને સફળતાપૂર્વક નિષ્ફળ કરવામાં આવ્યો હતો. એ જ રીતે, 30 ઓક્ટોબરે કુપવાડા જિલ્લામાં પોલીસ અને સેના વચ્ચેના સંયુક્ત ઓપરેશનમાં ઘૂસણખોરીના પ્રયાસને નિષ્ફળ બનાવીને એક આતંકવાદી માર્યો ગયો હતો.