પટના: બિહારના મુઝફ્ફરપુર (Bihar muzaffarpur incident) શહેરના માદીપુર વિસ્તારની એક ખાનગી હોસ્પિટલમાં એક એવો કિસ્સો સામે આવ્યો, જેને જોઈને ડોક્ટરો પણ ચોંકી ગયા. હકીકતમાં, મહુઆના 55 વર્ષીય રહેવાસી પેટમાં દુખાવો અને કબજિયાતની ફરિયાદ સાથે હોસ્પિટલમાં આવ્યા હતા. જ્યારે ડોક્ટરોએ તેની તપાસ કરી તો એક્સ-રે રિપોર્ટમાં તેના પેટમાં ગ્લાસ દેખાયો. લાંબા ઓપરેશન બાદ ડોક્ટરોની ટીમે તે વ્યક્તિના પેટમાંથી ગ્લાસ કાઢી નાખ્યો (Removed Glass From Person Stomach).
પેટમાં દુખાવો અને કબજિયાતની ફરિયાદ
હોસ્પિટલ મેનેજમેન્ટના જણાવ્યા અનુસાર, કાચનો ગ્લાસ તેના પેટમાં કેવી રીતે પહોંચ્યો તે જાણી શકાયું નથી, કારણ કે દર્દીના દાવાથી વિપરીત આટલો મોટો ગ્લાસ ગળી જવો શક્ય નથી.જે દર્દીના પેટમાંથી ગ્લાસ કાઢવામાં આવ્યો તે દર્દી વૈશાલી જિલ્લાના મહુઆ વિસ્તારનો રહેવાસી છે. ઓપરેશન કરનાર ડૉક્ટર મહમુદુલ હસને જણાવ્યું કે, જ્યારે દર્દી આવ્યો ત્યારે તેણે પેટમાં દુખાવો અને કબજિયાતની ફરિયાદ કરી.
કાંચનો ગ્લાસ કેવી રીતે આવ્યો?
અલ્ટ્રાસાઉન્ડ અને એક્સ-રે રિપોર્ટ્સ (X ray report for glass in stomach) દર્શાવે છે કે, તેના આંતરડામાં ગંભીર ગરબડ હતી. ઓપરેશનના વિડિયો ફૂટેજ અને તેની પહેલાં લેવાયેલા એક્સ-રે મીડિયા સાથે શેર કરતાં હસને કહ્યું કે, દર્દીના શરીરમાં કાંચનો ગ્લાસ કેવી રીતે આવ્યો, તે હજુ પણ એક રહસ્ય છે. જો કે દર્દીએ દાવો કર્યો હતો કે તે ચા પીતી વખતે ગ્લાસ પણ ગળી ગયો હતો. તેમના દાવા પર ડૉ.મહમુદુલ હસને કહ્યું કે તે શક્ય નથી. માનવ ખોરાકની પાઈપ ગ્લાસ જેવી વસ્તુને પસાર કરવા માટે સાંકડી છે.