- નવા IT નિયમોના અમલ અંગે ટ્વિટરના જવાબ પર દિલ્હી હાઈકોર્ટની નારાજગી
- ટ્વિટરને એક સપ્તાહની અંદર વધુ સારુ સોગંદનામું દાખલ કરવા નિર્દેશ
- નવા IT નિયમોના અમલ અંગેના કેસની આગામી સુનાવણી 6 ઓગસ્ટે થશે
નવી દિલ્હી: હાઈકોર્ટે નવા IT નિયમોના અમલ અંગે ટ્વિટરના જવાબ પર નારાજગી વ્યક્ત કરી છે. જસ્ટિસ રેખા પલ્લીની ખંડપીઠે ટ્વિટરને એક સપ્તાહની અંદર વધુ સારુ સોગંદનામું દાખલ કરવા નિર્દેશ આપ્યો હતો, જેમાં મુખ્ય ફરિયાદ નિવારણ અધિકારી અને સ્થાનિક ફરિયાદ નિવારણ અધિકારીનો સ્પષ્ટ ઉલ્લેખ કર્યો હતો. આ કેસની આગામી સુનાવણી 6 ઓગસ્ટે થશે.
6 જુલાઈએ હાઇ કોર્ટે વાંધો ઉઠાવ્યો હતો
કોર્ટે ટ્વિટરને એફિડેવિટમાં જણાવ્યું છે કે, નોડલ અધિકારીની નિમણૂક ક્યારે કરવામાં આવશે. સુનાવણી દરમિયાન કેન્દ્ર તરફથી હાજર રહેલા એએસજી ચેતન શર્માએ કહ્યું કે, ટ્વિટર દ્વારા સાત મિલિયન ડોલરથી વધુનો ધંધો થયો છે, તે પછી પણ તેમને અધિકારીઓની નિમણૂકમાં મુશ્કેલીઓનો સામનો કરવો પડી રહ્યો છે. 8 મી જુલાઈએ દિલ્હી હાઈકોર્ટે સ્પષ્ટ કર્યું હતું કે, જો કેન્દ્ર સરકાર ઇચ્છે તો નવા IT નિયમો લાગુ નહીં કરવાને કારણે તે ટ્વિટર પર કોઈ કાર્યવાહી કરી શકે છે. કોર્ટે કહ્યું હતું કે, કોર્ટ તેમને કોઈ સુરક્ષા આપી રહી નથી. 6 જુલાઈએ હાઇ કોર્ટે વાંધો ઉઠાવ્યો હતો કે, ટ્વિટર દ્વારા નિયુક્ત ફરિયાદ નિવારણ અધિકારી વચગાળાના છે. આમાં કોઈ શંકા નથી કે તમે છેલ્લી સુનાવણીમાં કોર્ટને ગેરમાર્ગે દોરવાનો પ્રયાસ કર્યો હતો.
ટ્વિટરએ નવા IT નિયમોનું સંપૂર્ણ પાલન કર્યું નથી
ગત 5 જુલાઇએ કેન્દ્ર સરકારે હાઈકોર્ટમાં સોગંદનામું દાખલ કરતાં કહ્યું હતું કે, ટ્વિટર IT નિયમોનું પાલન કરવામાં નિષ્ફળ ગયું છે. કેન્દ્રીય ઇલેક્ટ્રોનિક્સ અને માહિતી ટેકનોલોજી મંત્રાલયે, હાઈકોર્ટમાં ફાઇલ કરેલા સોગંદનામામાં કહ્યું છે કે, નવા IT નિયમો લાગુ કરવા માટે તમામ મહત્વપૂર્ણ સોશિયલ મીડિયાને ત્રણ મહિનાનો પૂરતો સમય આપવામાં આવ્યો હતો, પરંતુ ટ્વિટરએ નવા IT નિયમોનું સંપૂર્ણ પાલન કર્યું નથી. કેન્દ્ર સરકારે કહ્યું છે કે, ટ્વિટરની વેબસાઇટ પરથી મળેલી માહિતી અનુસાર યુ.એસ.માં તેમના અધિકારીઓ દ્વારા ભારત તરફથી મળેલી ફરિયાદોનું નિવારણ કરવામાં આવી રહ્યું છે. આ નવા IT નિયમોનું ઉલ્લંઘન છે.
સ્થાનિક ફરિયાદ નિવારણ અધિકારીની નિમણૂક કરવી પડશે નિમણૂંક