Canada Cigarettes: દરેક સિગારેટ પર સ્વાસ્થ્ય ચેતવણીઓ પ્રિન્ટ થશે, લોકોને કરી મોટી અપીલ

કેનેડામાં હવે દરેક સિગારેટ પર સ્વાસ્થ્ય ચેતવણીઓ લખવામાં આવશે. આમ કરવાથી, યુવાનો અને પુખ્ત ધૂમ્રપાન કરનારાઓ ચેતવણીથી બચી શકતા નથી. કેનેડાની સરકામાકુના વપરાશમાં 5 ટકાનોરે 2035 સુધીમાં દેશમાં ત ઘટાડો કરવાનો લક્ષ્યાંક નક્કી કર્યો છે. આમ કરનાર કેનેડા પ્રથમ દેશ બની ગયો છે.

ઓટાવા: તમાકુના કારણે કેન્સરના કેસમાં સતત વધારો થઇ રહ્યો છે. જેના કારણે મોટા ભાગના દેશોમાં જનતામાં મોતનું કારણ કેન્સર હોવાનું સામે આવ્યું છે. જેના કારણે સતત તમાકુનું સેવન ઓછું કરવા માટે કહેવામાં આવી રહ્યું છે.'તમાકુના ધુમાડાથી બાળકોને નુકસાન થાય છે..'સિગારેટથી લ્યુકેમિયા થાય છે.' 'દરેક કસમાં ઝેર છે'. આ કેટલાક સંદેશાઓ છે જે ટૂંક સમયમાં કેનેડામાં સિગારેટ પર અંગ્રેજી અને ફ્રેન્ચ બંનેમાં દેખાશે. કેનેડાએ બુધવારે જાહેરાત કરી હતી કે દરેક સિગારેટ પર સ્વાસ્થ્ય ચેતવણી લખવી જરૂરી છે. ઇન્ટરનેશનલ મીડિયા ઇન્સ્ટિટ્યૂટ CNNએ જણાવ્યું કે, આવું કરનાર તે દુનિયાનો પહેલો દેશ બની ગયો છે.

સ્વાસ્થ્ય માટે પગલાં: કેનેડા સરકાર યુવાનો અને પુખ્ત વયના લોકોના સ્વાસ્થ્ય માટે સતત જરૂરી પગલાં લઈ રહી છે. આ રીપોર્ટમાં, કેનેડા સરકાર દરેક સિગારેટ પર આવા સ્લોગન લખવા જઈ રહી છે. જે ધૂમ્રપાન છોડવામાં મદદ કરે છે. આ સંદર્ભમાં કેનેડાના આરોગ્ય અધિકારીઓએ એક ન્યૂઝ રિલીઝમાં આ વાત કહી છે. રિલીઝમાં કહેવામાં આવ્યું છે કે, યુવાનો અને તમાકુ-સિગારેટ ન પીનારાઓને નિકોટીનના વ્યસનથી બચાવવા માટે આ અપીલ કરવામાં આવી છે.

ધૂમ્રપાન કરનારાઓ માટે ચેતવણી: આરોગ્ય અધિકારીઓના જણાવ્યા અનુસાર વ્યક્તિગત સિગારેટ પરના લેબલ્સ ધૂમ્રપાન કરનારાઓ માટે ચેતવણીઓને ટાળવાનું લગભગ અશક્ય બનાવશે. કેનેડિયન કેન્સર સોસાયટીના વરિષ્ઠ નીતિ વિશ્લેષક રોબ કનિંગહામના જણાવ્યા મુજબ, નવું નિયમન એ "વર્લ્ડ પ્રિસડેન્ટ-સેટિંગ માપદંડ છે. જે દરેક પફ સાથે ધૂમ્રપાન કરનાર દરેક વ્યક્તિ સુધી પહોંચશે." કસ ખેંચતા લોકોની ટકાવારી ઘટાડવાના દેશના લક્ષ્યનો એક ભાગ છે. સીએનએનના જણાવ્યા અનુસાર, આરોગ્ય અધિકારીઓના જણાવ્યા અનુસાર, તમાકુના ઉત્પાદનોના પેકેજો પર આરોગ્ય સંદેશાઓને પ્રોત્સાહન આપવા જેવા દેશમાં ધૂમ્રપાન કરનારાઓની સંખ્યા ઘટાડવાના હેતુથી આ વધારાના પગલાઓ દ્વારા પૂરક બનશે. આરોગ્ય પ્રધાન જીન-યવેસ ડુક્લોસે એક નિવેદનમાં જણાવ્યું હતું કે, તમાકુનો ઉપયોગ કેનેડાની સૌથી મહત્વપૂર્ણ જાહેર આરોગ્ય સમસ્યાઓમાંની એક છે અને તે રોગ અને અકાળ મૃત્યુનું દેશનું મુખ્ય કારણ છે.

નવી ચેતવણીઓ સામેલ: તેમણે કહ્યું કે, નવા નિયમો તારીખ 1 ઓગસ્ટથી લાગુ થશે પરંતુ તેને તબક્કાવાર લાગુ કરવામાં આવશે. તમાકુ ઉત્પાદનોના પેકેજનું વેચાણ કરતા રિટેલરોએ એપ્રિલ 2024ના અંત સુધીમાં નવી ચેતવણીઓ સામેલ કરવી પડશે. મોટા કદની સિગારેટમાં જુલાઈ 2024 ના અંત સુધીમાં વ્યક્તિગત ચેતવણીઓ શામેલ હોવી જોઈએ, ત્યારબાદ એપ્રિલ 2025 ના અંત સુધીમાં નિયમિત-કદની સિગારેટ અને અન્ય ઉત્પાદનોનો સમાવેશ થવો જોઈએ.