પટનાઃવડાપ્રધાન નરેન્દ્ર મોદી પર જોરદાર પ્રહારો કરતા નીતિશ કુમારે ઘણા ગંભીર આરોપો લગાવ્યા છે. તેમણે કહ્યું કે કેન્દ્ર સરકાર INDIA ગઠબંધનથી નારાજ છે. INDIA દેશ અને રાજ્યના હિતમાં બન્યું છે. 2024ની ચૂંટણીમાં બિહારમાંથી ભાજપનો સફાયો થઈ જશે.
2024માં ભાજપ સાફ થશે: નીતિશ કુમારે કહ્યું કે વિપક્ષની ઘણી પાર્ટીઓ એક થઈ રહી છે. તેની શરૂઆત પટનાથી થઈ છે. કોણ ક્યાંથી લડશે, તે હવે નક્કી થશે, બેઠક ચાલી રહી છે. 2024માં ભાજપનો સફાયો થઈ જશે. દેશની જનતાને બરાબર ખબર પડી જશે કે આ લોકો માત્ર પ્રચાર જ કરે છે. કામ થઈ રહ્યું નથી, જ્યાં ઘટનાઓ બની હતી તેના પર કોઈ નિવેદન નથી. વસ્તુઓની માત્ર એક બાજુ બતાવવામાં આવી છે. બીજા લોકો શું કહે છે તે સામે આવતું નથી.
બિહારના વિશેષ રાજ્યનો દરજ્જાની માંગ: આ સાથે જ નીતિશ કુમારે દાવો કર્યો છે કે બિહારમાં જે પણ કામ થાય છે તે બિહાર સરકારે કરાવ્યું છે. અમે દરેક ઘરમાં નળનું પાણી શરૂ કર્યું, તે લોકો (ભાજપ) પોતાની વાત કહી રહ્યા છે. ઘણા સમયથી અમે વિશેષ દરજ્જાની માંગ કરી રહ્યા છીએ. પરંતુ તે આજ સુધી આપવામાં આવ્યો નથી. જો બિહારને વિશેષ રાજ્યનો દરજ્જો મળ્યો હોત તો રાજ્ય વિકાસના પંથે વધુ આગળ વધ્યું હોત. બિહાર સૌથી પૌરાણિક સ્થળ છે.
"કોઈ કહે છે કે અમે ત્રીજી પાર્ટી છીએ. 2005માં પણ અમે ત્રીજા નંબર પર હતા. 2010માં શું થયું ? આ વખતે હરાવવાનો પ્રયાસ થયો. એજન્ટને ઉભા રાખીને હરાવવાનો પ્રયાસ થયો. હવે ચૂંટણી થશે ત્યારે ખબર પડશે. અમે ઓછા સમયમાં મુખ્યમંત્રી બનવા માંગતા ન હતા. પણ અમે તે લોકોની વાત માની. અમે ત્રણ-ચાર વાર ફોન કરતા હતા. અમે ભૂલી ગયા કે 2009માં અમે અને ભાજપ સાથે લડ્યા હતા. 2009માં અમે 20 બેઠકો આવી. અમે 20 જીત્યા, તેઓ 12 જીત્યા. ભાજપ આ બધું ભૂલી ગયો છે." - નીતિશ કુમાર, મુખ્યમંત્રી, બિહાર
વિપક્ષી એકતાના કારણે ભાજપ ગુસ્સામાં: મુખ્યપ્રધાન નીતિશ કુમારે સ્પષ્ટપણે કહ્યું કે ભારતીય જનતા પાર્ટીના લોકો સમગ્ર દેશમાં પ્રવર્તી રહેલી સ્થિતિથી ચિંતિત છે. ભાજપના નેતાઓ ગુસ્સામાં કંઈક બોલે છે પણ તેનાથી અમને કોઈ ફરક પડવાનો નથી. અમે અમારા કામમાં વ્યસ્ત છીએ અને અમારો પ્રયાસ છે કે દેશભરમાં વિપક્ષ એક થાય. આગામી લોકસભા ચૂંટણીમાં એનડીએ સરકારને સત્તામાંથી હટાવી દેવી જોઈએ. અમે આશા રાખીએ છીએ કે દેશની જનતા અમારો સાથ આપશે અને અત્યાર સુધીની જે સ્થિતિ બની છે તેનાથી સ્પષ્ટ છે કે જનતા અમને સાથ આપી રહી છે.
- MP Raghav Chadha Suspended: AAP સાંસદ રાઘવ ચઢ્ઢા 'ગેરવર્તન' બદલ રાજ્યસભામાંથી સસ્પેન્ડ
- Supreme Court order on Manipur: 'મહિલાઓ સામે હિંસા એ એટ્રોસિટી છે', સુપ્રીમ કોર્ટે મણિપુર સમિતિઓને રિપોર્ટ સોંપવા બે મહિનાનો સમય આપ્યો
