તેજપ્રતાપના બૉડીગાર્ડ અને મીડિયાકર્મીઓ વચ્ચે ઘર્ષણ, FIR દાખલ

નવી દિલ્હી: વોટિંગ દરમિયાન તેજપ્રતાપ યાદવના સમર્થકો અને મીડિયાકર્મીઓ વચ્ચે અથડામણ થઈ હતી. મીડિયાકર્મીઓ સાથે મારામારીથી લઇને તેજપ્રતાપ યાદવે નિવેદન આપ્યું હતું.

તેમણે જણાવ્યું કે, “મારા ગાર્ડ્સે કંઇ નથી કર્યું. જ્યારે હું મત આપીને આવી રહ્યો હતો ત્યારે એક ફોટોગ્રાફર મારી ગાડીનો કાંચ તોડી રહ્યો હતો. આ સંપૂર્ણ બાબત પરથી તો એવું લાગી રહ્યું છે કે, મારી હત્યાનું કાવતરૂં ઘડવામાં આવી રહ્યું છે.”

મળતી માહિતી મુજબ, તેજપ્રતાપ યાદવને મીડિયાકર્મીઓ પ્રશ્નો પૂછી રહ્યા હતા ત્યારે તેમના બૉડીગાર્ડ્સે આ પગલું ભર્યું હોવાનું સામે આવ્યું છે. આ દરમિયાન પત્થરમારો પણ કરવામાં આવ્યો છે.

તેજપ્રતાપ યાદવનું ટ્વીટ

આ સંપૂર્ણ ઘટના પર તેજપ્રતાપે ટ્વીટ કરીને કહ્યું કે, “આજે મતદાન કર્યા બાદ જ્યારે હું મતદાન કેન્દ્રમાંથી બહાર આવી રહ્યો હતો, ત્યારે મારા પર જીવલેણ હુમલો કરવામાં આવ્યો, આ હુમલામાં મારી ગાડીને પણ નુકસાન થયું છે. મારો ડ્રાઇવર પણ આ ઘટનામાં ઇજા પામ્યો છે.”

સૌ. ANI

તેજપ્રતાપ તરફથી આ ઘટના વિશે પોલીસ ફરિયાદ પણ નોંધાવવામાં આવી છે.

તેજપ્રતાપ યાદવનું ટ્વીટ