નવી દિલ્હી : કારગિલ વિજય દિવસની 21મી વર્ષગાંઠ પર આજે આખો દેશ શહીદોને નમન કરી રહ્યો છે. સંરક્ષણપ્રધાન રાજનાથ સિંહ પણ નવી દિલ્હીમાં આવેલ નેશનલ વૉર મેમોરિયલ જઇને શહીદોને શ્રદ્ધાંજલિ આપી હતી. રાજનાથ સિંહની સાથે રક્ષા રાજ્યપ્રધાન શ્રીપદ નાઇક અને ચીફ ઓફ ડિફેન્સ સ્ટાફ જનરલ બિપિન રાવત પણ હાજર રહેશે.
શ્રદ્ધાંજલિ અર્પણ કરીને રાજનાથ સિંહે વિઝિટ બુકમાં એક સંદેશ પણ લખ્યો હતો. આ ઉપરાંત ત્યાં નૌસેના પ્રમુખ કરમબીર સિંહ, જનરલ એમએમ નરવણે અને વાયુસેના પ્રમુખ ભદૌરિયાએ પણ સૈનિકોને શ્રદ્ધાંજલિ આપી હતી.
રાષ્ટ્રપતિ રામનાથ કોવિંદને ટ્વીટ કરીને શહીદોને શ્રદ્ધાંજલિ આપી હતી. તેમણે લખ્યું કે, વિજ્ય દિવસ આપણા સશસ્ત્ર દળોની નિડરતા ,દૃઢ સંકલ્પ અને વીરતાનો પ્રતીક છે. હું તે સૈનિકોને નમન કરૂ છું. જેમણે દુશ્મનોનો મુકાબલો કર્યો અને ભારત માતાની રક્ષા કરી પોતાના પ્રાણ પણ ન્યોછાવર કરી દીધા હતા. રાષ્ટ્ર હમેશાં તેનું અને તેમના પરિવારનું આભારી છે.
ઉપરાષ્ટ્રપતિ વૈકૈયા નાયડુએ પણ ટ્વીટ કરીને શહીદોને યાદ કર્યા હતા. તેમણે લખ્યું કે આજે ઓપરેશન વિજયની 21મી વર્ષગાંઠ છે. તેમની કારગિલની લડાઇમાં મહત્વની ભૂમિકા રહી છે. અને સેના એ પાકિસ્તાનને પરાજિત કર્યું હતું.
ગૃહપ્રધાન અમિત શાહે ટ્વીટ કરીને શહિદ સૈનિકોને શ્રદ્ધાંજલિ આપી હતી. શાહે કહ્યું કે, માતૃભૂમિની રક્ષા માટે સમર્પિત ભારતના વીરો પર દેશને ગર્વ છે.
સંરક્ષણપ્રધાન રાજનાથ સિંહે ટ્વિટ કરીને શહીદોને નમન કર્યું હતું. કારગિલ વિજ્ય દિવસ વાસ્તવમાં ઉત્કૃષ્ટ સૈન્ય સેવા, અનુકરણીય વીરતા અને બલિદાનની ભારતની ગૌરવશાળી પરંપરાનો ઉત્સવ છે. રાજનાથ સિંહે ટ્વીટમાં લખ્યું કે, કારગિલ યુદ્ધમાં પોતાના શરીરના અંગોને ગુમાવનાર ઘણા સૈનિકો આજે પણ પોત પોતાના સ્થળોએ રહીને દેશની સેવા કરી રહ્યા છે. તેમણે લખ્યું કે આવા સૈનિકોએ દેશની સામે ઉદાહરણ પુરૂ પાડ્યું છે.