જૂનાગઢના ઇતિહાસમાં શ્વાનમાં કુત્રિમ બીજદાન થકી 5 જેટલા ગલુડિયાને જન્મ આપવામાં જૂનાગઢના પશુ તબીબ ડોક્ટર મિથુન ખાટરીયાને સફળતા મળી હતી. મૂળ માલિકના ઘરે રહેલી હની નામની માદા લેબ્રાડૉગ એકવાયું જીવન જીવતી હતી. જેને લઈને અન્ય શ્વાનોનો સંપર્ક નહિ થતા હની કોઈ પણ શ્વાનને જોઈને ડઘાઈ જતી હતી. માટે કુદરતી રીતે બચ્ચાને જન્મ આપવાની શક્યતાઓ નહિવત જણાતા ડોક્ટર મીથુન ખાટરીયાએ કુત્રિમ રીતે સફળ બીજદાન કરવામાં સફળતા મળી હતી, અને 2 મહિના બાદ હની નામની શ્વાન ગર્ભવતી બનતા તેણે 5 જેટલા નર ગલુડિયાને જન્મ આપ્યો હતો. જૂનાગઢ જિલ્લામાં કોઈ શ્વાનને કુત્રિમ બીજદાન થકી બચ્ચાને જન્મ આપવાના પ્રયોગમાં પ્રથમ પ્રયાસે જ સફળતા મળી હતી. જેને લઈને શ્વાન પ્રેમીઓમાં પણ ખુશી જોવા મળી રહી છે.
જૂનાગઢ