મુંબઈ: હવામાન વિભાગે જણાવ્યું છે કે, અરબી સમુદ્રમાં હવાનું હળવું દબાણ સર્જાયું છે. જે ચક્રવાતી વાવાઝોડાનું સ્વરુપ લઈ શકે છે અને 3 જૂન સુધીમાં મહારાષ્ટ્ર અને ગુજરાતમાં વાવાઝોડું આવી શકે છે.
હવામાન વિભાગની ચક્રવાત વાવાઝોડાની ચેતવણી બાદ મહારાષ્ટ્રના મુખ્યપ્રધાન ઉદ્ધવ ઠાકરે માછીમારોને દરિયા કિનારે નહીં જવાની અપીલ કરી છે. ઠાકરે કહ્યું કે, આગામી 2-3 દિવસમાં ચક્રવાત મહારાષ્ટ્રમાં ટકરાવવાની આશંકા છે. હું માછીમારોને આગામી 3-4 દિવસ માટે દરિયામાં માછીમારી ન કરવાની અપીલ કરુ છે. આગામી 24 કલાકમાં હવાનું હળવું દબાણ અરબી સમુદ્રમાં ડીપ ડિપ્રેશનનું સ્વરૂપ ધારણ કરશે અને ત્યારબાદ 24 કલાકમાં તે ચક્રવાતી તોફાન બને તેવી સંભાવના છે.