10,000 બેડના કોવિડ કેર સેન્ટરના નિરીક્ષણ અંગે કેજરીવાલને ગૃહપ્રધાન અમિત શાહે આપ્યો જવાબ

કેન્દ્રીય ગૃહપ્રધાન અમિત શાહે કોવિડ-19 કેન્દ્રો પર અરવિંદ કેજરીવાલના દાવાને નકારી કાઢયો અને કહ્યું કે 26 જૂન સુધીમાં 10,000 બેડવાળું સંભાળ કેન્દ્ર શરૂ થઈ જશે.

નવી દિલ્હી: કેન્દ્રીય ગૃહપ્રધાન અમિત શાહે કોવિડ-19 કેન્દ્રો પર અરવિંદ કેજરીવાલના દાવાને નકારી કાઢયો અને કહ્યું કે 26 જૂન સુધીમાં 10,000 બેડવાળું સંભાળ કેન્દ્ર શરૂ થઈ જશે. શાહે કહ્યું કે, દિલ્હીમાં 250 આઈસીયુ બેડ સાથે 1000 બેડની સંપૂર્ણ હોસ્પિટલ આવતા 10 દિવસમાં તૈયાર થઈ જશે. સશસ્ત્ર દળો તેનું સંચાલન કરશે.

તેમણે કહ્યું, 'કેજરીવાલ જી, ત્રણ દિવસ પહેલા આપણી બેઠકમાં નિર્ણય લેવામાં આવ્યો છે અને ગૃહમંત્રાલયે દિલ્હીના રાધાસ્વામી સત્સંગમાં દસ હજાર બેડની કોવિડ કેર સેન્ટર ચલાવવાનું કામ આટીબીપીને સોંપી દીધું છે. કામ ઝડપી ગતિએ ચાલુ છે અને કેન્દ્રનો મોટો ભાગ 26 જૂન સુધીમાં શરૂ થશે. "

કેજરીવાલે શાહને એક પત્ર લખીને દસ હજાર પથારીવાળા કેન્દ્રનું નિરીક્ષણ કરવા અને આઇટીબીપી અને સેનાના ડૉક્ટર્સ અને નર્સોને કેન્દ્રમાં તૈનાત કરવા વિનંતી કરી હતી, ત્યારબાદ શાહે દાવાનો આ વિરોધ કર્યો હતો.

શાહે કહ્યું, "હું દિલ્હીના લોકોને જણાવવા માંગુ છું કે કોવિડ દર્દીઓ માટે એક હજાર બેડની હોસ્પિટલ બનાવવામાં આવી રહી છે, જેમાં 250 આઇસીયુ બેડ હશે." ડીઆરડીઓ અને ટાટા ટ્રસ્ટ હોસ્પિટલ બનાવી રહ્યા છે. સશસ્ત્ર દળો અહીં તૈનાત રહેશે. આ કોવિડ કેર સેન્ટર આગામી દસ દિવસમાં તૈયાર થઈ જશે. "